For Quick Alerts
ALLOW NOTIFICATIONS  
For Daily Alerts

భారత బ్యాంకుల నష్టాలు తగ్గించాలంటే అది కీలకం: ఫిచ్, ప్రభుత్వ హామీపై..

|

కరోనా మహమ్మారి నేపథ్యంలో బ్యాంకుల్లో రుణాలు పెరగడంతో పాటు రైటాఫ్స్ పెరిగి భారతీయ బ్యాంకులపై మున్ముందు తీవ్ర ఆర్థిక ఒత్తిడి పరిస్థితులు ఉండవచ్చునని ఫిచ్ రేటింగ్స్ పేర్కొంది. భారత బ్యాంకులు కఠిన పరిస్థితుల్ని ఎదుర్కొంటున్నాయని తెలిపింది. అయితే రుణ నష్టాలు పరిమితం కావాలంటే ఆర్థిక పునరుద్ధరణ వేగంగా జరగాలని ఫిచ్ రేటింగ్ అభిప్రాయపడింది. కరోనా, లాక్ డౌన్ అనంతరం గత రెండు మూడు నెలలుగా ఆర్థిక కార్యకలాపాలు క్రమంగా పుంజుకుంటున్నాయి. అయితే ఆర్థిక వ్యవస్థ ఇంకా వేగంగా కోలుకోవాలని చాలామంది ఆర్థికవేత్తలు భావిస్తున్నారు. ఈ సమయంలో ఫిచ్ రేటింగ్స్ భారత బ్యాంకింగ్ రంగం ఎదుర్కొంటున్న సవాళ్లను వెల్లడించింది.

తగ్గిన ఆఫీస్ స్పేస్ లీజింగ్ డిమాండ్, బెంగళూరు టాప్, రెండో స్థానంలో హైదరాబాద్

అది సానుకూల పరిణామం

అది సానుకూల పరిణామం

మొండి బకాయిలు, రైటాఫ్స్ పెరిగాయని ఫిచ్ రేటింగ్స్ తెలిపింది. మహమ్మారి నేపథ్యంలో మొండి బకాయిలుగా మారిన రుణాలను ఓసారి పునర్ వ్యవస్థీకరించుకునేందుకు ఆర్బీఐ అనుమతి ఇవ్వడం సానుకూల పరిణామం అని తెలిపింది. అయితే పునర్ వ్యవస్థీకరించిన రుణాలు కస్టమర్లు తిరిగి చెల్లించకపోతే భవిష్యత్తులో మొండి బకాయిలు మరింతగా పెరిగే ప్రమాదం ఉందని ఆందోళన వ్యక్తం చేసింది. ఆర్బీఐ డేటా ప్రకారం భారతీయ బ్యాంకులు 2014-19 మధ్య దాదాపు 85 బిలియన్ డాలర్ల రుణాలను రైటాఫ్ చేశాయి. ప్రభుత్వరంగ బ్యాంకుల కారణంగా ఈ రంగంపై 80 శాతం ఆర్థిక ఒత్తిడి ఉంటోందని ఈ నివేదిక తెలిపింది. ప్రస్తుత రుణ వ్యవస్థీకరణ మరిన్ని సవాళ్లను సృష్టించకుండా ఉంటే చాలని తెలిపింది.

2.7 బిలియన్ డాలర్ల హామీ...

2.7 బిలియన్ డాలర్ల హామీ...

అలాగే 2.7 బిలియన్ డాలర్లను ప్రభుత్వరంగ బ్యాంకులకు అందిస్తామన్న ప్రభుత్వం హామీ ఇంకా అమలు కాలేదని ఫిచ్ పేర్కొంది. బ్యాంకులు వచ్చే ఏడాది రెండేళ్ల కాలంలో కఠిన సవాళ్లను ఎధుర్కొంటాయని పేర్కొంది. సరిపడా మూలధనం లేకుండా ప్రభుత్వరంగ బ్యాంకులు మంజూరు చేసే రుణాల్లో వృద్ధి సాధ్యం కాదని, ఈ మధ్య కాలానికి ప్రయివేటు రంగ బ్యాంకులు మార్కెట్ షేర్‌ను పెంచుకోవడానికి అనుకూలిస్తుందని ఫిచ్ తెలిపింది.

వృద్ధి రేటు అంచనా సవరణ

వృద్ధి రేటు అంచనా సవరణ

ఫిచ్ భారత వృద్ధి రేటు అంచనాను కూడా సవరించింది. 2020-21 ఆర్థిక సంవత్సరానికి గాను వృద్ధి రేటును మైనస్ 10.5 శాతానికి సవరించింది. అంతకుముందు మైనస్ 5 శాతంగా ఉంటుందని అంచనా వేసింది. మొదటి క్వార్టర్‌లో రియల్ జీడీపీ 23.9 శాతం ప్రతికూలత నమోదు చేసిన విషయం తెలిసిందే. ఈ నేపథ్యంలో రేటింగ్ ఏజెన్సీలు పూర్తి ఆర్థిక సంవత్సరం వృద్ధి రేటును సవరిస్తున్నాయి.

English summary

Economic recovery key to limiting Indian banks loan losses: Fitch

Indian banks face a tough operating environment in the near term, as stressed loans and write-offs increase as a result of the economic fallout from the coronavirus pandemic, but a swift economic recovery will be critical to limiting loan losses in what is likely to be a protracted period of weakness in the asset-quality cycle, says Fitch Rating.
Story first published: Tuesday, October 6, 2020, 19:49 [IST]
Company Search