For Quick Alerts
ALLOW NOTIFICATIONS  
For Daily Alerts

అమెరికా ఎఫెక్ట్: హైదరాబాద్ డాక్టర్ రెడ్డీస్ లాభంలో 76% పెరుగుదల, చైనాపై ఆధారపడొద్దు..

|

గత ఆర్థిక సంవత్సరం చివరి క్వార్టర్‌లో హైదరాబాద్ ఫార్మా దిగ్గజం డాక్టర్ రెడ్డీస్ ల్యాబోరేటరీస్ మంచి ఫలితాలు సాధించింది. 2019-20 నాలుగో క్వార్టర్‌లో రూ.4,432 కోట్ల ఆదాయాన్ని, రూ.764 కోట్ల నికర లాభాన్ని ఆర్జించింది. క్వార్టర్ ఈపీఎస్ రూ.46గా ఉంది. 2018-19లో ఇదే కాలంలో ఆదాయం రూ.4,016 కోట్లు, నికర లాభం రూ.434 కోట్లుగా ఉంది. ఈపీఎస్ 26.16 ఉంది. దీంతో పోలిస్తే ఈ నాలుగో క్వార్టర్‌లో ఆదాయం 10 శాతం, నికర లాభం 76 శాతం పెరిగింది.

చైనాకు వరుస షాక్‌లు: భారత్‌కు జర్మన్ బ్రాండ్, రూ.800 కోట్లతో లావా

బాగా కలిసి వచ్చిన సంవత్సరం

బాగా కలిసి వచ్చిన సంవత్సరం

2019-20 పూర్తి కాలానికి డాక్టర్ రెడ్డీస్ ల్యాబోరేటరీస్ రూ.17,460 కోట్ల ఆదాయాన్ని, రూ.1,949 కోట్ల నికర లాభాన్ని ఆర్జించింది. వార్షిక ఈపీఎస్ రూ.117గా ఉంది. 2018-19లో వార్షిక ఆదాయం రూ.15,385 కోట్లు, నికర లాభం రూ.1,879 కోట్లుగా ఉంది. ఈపీఎస్ 113. వార్షిక ఆదాయంలో వృద్ధి 13 శాతం, నికర లాభంలో 4 శాతంగా ఉన్నాయి. పనితీరు, ఆదాయాల పరంగా గత ఏడాది తమకు కలిసి వచ్చిందని కంపెనీ తెలిపింది.

అమెరికా అండగా...

అమెరికా అండగా...

అతిపెద్ద జనరిక్స్ మార్కెట్‌గా ఉన్న ఉత్తర అమెరికా నుంచి రూ.1,807 కోట్ల ఆదాయం సమకూరినట్లు కంపెనీ తెలిపింది. యూరప్ నుంచి రూ.345 కోట్ల అమ్మకాలు ఉండగా, దేశీయ వాటా రూ.683.90 కోట్లుగా నమోదయింది. ఇతర వర్ధమాన మార్కెట్ల నుంచి రూ.804 కోట్ల ఆదాయం వచ్చింది. ప్రపంచవ్యాప్తంగా జనరిక్ ఔషధాలు విక్రయించడంతో సంస్థకు రూ.3,696.8 కోట్లు సమకూరాయి. ఉత్తర అమెరికా అమ్మకాల్లో 21 శాతం వృద్ధిని నమోదు చేసింది. కొత్త ఔషదాల విడుదల కలిసి వచ్చినట్లు తెలిపింది.

డివిడెండ్

డివిడెండ్

గత ఆర్థిక సంవత్సరానికి వాటాదారులకు రూ.5 ముఖ విలువ కలిగిన ఒక్కో షేర్‌కు రూ.25 లేదా 500 శాతం చొప్పున డివిడెండ్ చెల్లించాలని కంపెనీ డైరెక్టర్ల బోర్డు ప్రతిపాదించింది. కాగా, కంపెనీ షేరు ధర నిన్న 3.11 శాతం లాభపడి రూ.3,814 వద్ద క్లోజ్ అయింది.

చైనాపై ఆధారపడటం తగ్గించనున్న కంపెనీ

చైనాపై ఆధారపడటం తగ్గించనున్న కంపెనీ

డాక్టర్ రెడ్డీస్ గత ఆర్థిక సంవత్సరంలో పెట్టుబడులపరంగా రూ.485 కోట్లకు పరిమితమైంది. 2020-21లో రూ.1,000 కోట్లు ఖర్చు చేయాలని భావిస్తోంది. అవసరమైన యూనిట్లో పెట్టుబడులు పెట్టి వాటిపై మరింత దృష్టి సారించనుంది. అన్ని వ్యాపార విభాగాల్లో మార్కెట్ కంటే అధిక వృద్ధిరేటును సాధించాలని భావిస్తోంది. కోవిడ్ 19 చికిత్సకు ఉపయోగపడే ఔషధాల తయారీపై కంపెనీ దృష్టి పెట్టనుంది. ఏపీఐలు కోసం చైనాపై ఆధారపడడాన్ని కూడా తగ్గించుకోవాలని కంపెనీ భావిస్తోంది. 2021 జనవరి 30 నుంచి మరో అయిదేళ్ల పాటు జీవీ ప్రసాద్ కంపెనీ సహ చైర్మన్, ఎండీగా కొనసాగనున్నారు. ఈ మేరకు కంపెనీ బోర్డుకు చెందిన నామినేషన్ల కమిటీ నిర్ణయం తీసుకుంది.

English summary

Dr. Reddy’s Q4 Results: profit jumps 76 percent

For Q4FY20, the company's net profit stood at Rs 764.2 crore against Rs 434.4 crore in the corresponding quarter of the previous financial year.
Story first published: Thursday, May 21, 2020, 8:48 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X