For Quick Alerts
ALLOW NOTIFICATIONS  
For Daily Alerts

డిసెంబర్ నాటికి ట్రయల్స్, డిజిటల్ కరెన్సీపై ఆర్బీఐ కీలక ప్రకటన

|

భారత్‌లో క్రిప్టో కరెన్సీ గురించి ఎన్నో ప్రశ్నలు ఉన్నాయి. కేంద్ర బ్యాంకు రిజర్వ్ బ్యాంక్ ఆఫ్ ఇండియా(RBI) స్వయంగా డిజిటల్ కరెన్సీని అందుబాటులోకి తీసుకు వస్తుందని ఇదివరకే వార్తలు వచ్చిన విషయం తెలిసిందే. అంతర్జాతీయ క్రిప్టో కరెన్సీపై ఆందోళన వ్యక్తం చేసిన ఆర్బీఐ, సొంత డిజిటల్ కరెన్సీ దిశగా ఆలోచన చేస్తోంది. ఈ నేపథ్యంలో ఆర్బీఐ కీలక అడుగుకు సిద్ధమైంది. ఈ ఏడాది డిసెంబర్ నెల సమయానికి డిజిటల్ కరెన్సీ ట్రయల్స్ ప్రారంభించాలని ఆర్బీఐ భావిస్తోంది. ఈ మేరకు ఆర్బీఐ గవర్నర్ శక్తికాంత దాస్ వెల్లడించారు.

దశలవారీగా కేంద్ర బ్యాంకు డిజిటల్ కరెన్సీ(CBDC)ని ప్రవేశపెట్టేందుకు ఆర్బీఐ ప్రయత్నాలు ప్రారంభించిందని గవర్నర్ శక్తికాంతదాస్ తెలిపారు. అన్నీ కుదిరితే ఈ ఏడాది చివరి నాటికి ప్రయోగాత్మకంగా ప్రారంభిస్తామని వెల్లడించారు. ప్రపంచవ్యాప్తంగా ఇదో కొత్త విధానమైన నేపథ్యంలో చాలా జాగ్రత్తగా వ్యవహరిస్తున్నట్లు చెప్పారు. భద్రత, భారత ఆర్థిక వ్యవస్థ, ద్రవ్య విధానం, ద్రవ్యలభ్యత వంటి అంశాలపై డిజిటల్ కరెన్సీ ఎలాంటి ప్రభావం చూపనుందనే అంశాలను అధ్యయనం చేయాలన్నారు.

 డిసెంబర్ నాటికి ట్రయల్స్, డిజిటల్ కరెన్సీపై ఆర్బీఐ కీలక ప్ర

నగదు వినియోగం క్షీణించడం, బిట్ కాయిన్ వంటి క్రిప్టో కరెన్సీపై ఆసక్తి పెరుగుతుండటంతో సెంట్రల్ బ్యాంకులు గత కొంతకాలంగా డిజిటల్ కరెన్సీల దిశగా అడుగులు వేస్తున్నాయి. 'ఇది(క్రిప్టో కరెన్సీ) పూర్తిగా కొత్త ఉత్పత్తి. దీని పట్ల అప్రమత్తంగా ఉన్నాం. ఆర్బీఐకి మాత్రమే కాదు, ప్రపంచానికే ఇది కొత్త' అని గవర్నర్ శక్తికాంత దాస్ అన్నారు.

ఆర్బీఐ విడుదల చేసే డిజిటల్ కరెన్సీ(CBDC)పై నేడు ప్రపంచ దృష్టి కేంద్రీకృతమవుతోంది. ప్రయోగాత్మకంగా CBDCని విడుదల చేయనున్నట్లు ప్రకటించిన దేశాల జాబితాలో భారత్ చేరింది. CBDC అంటే ప్రస్తుతం అంతర్జాతీయ మార్కెట్లలో ట్రాన్సాక్షన్స్ జరుగుతున్న క్రిప్టో కరెన్సీల వంటిది కాదు. అది రిజర్వ్ బ్యాంకు వంటి కేంద్ర బ్యాంకుల హామీ ఉన్న చట్టబద్ధ కరెన్సీ. అదే సమయంలో CBDC కాగితం కరెన్సీ లేదా నాణెం కాదు. దీనిని ఈ రెండు రూపాల్లోకీ మార్చడం కుదరదు. CBDC అనేది ఫోన్, డిజిటల్ వ్యాలెట్, కంప్యూటర్ ద్వారా మాత్రమే ఉపయోగించే డిజిటల్‌ కరెన్సీ.

English summary

digital currency trial could launch by December: RBI

The RBI has been working on a phased implementation strategy for a CBDC and the pilot may be launched by the end of this year.
Story first published: Friday, August 27, 2021, 21:35 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X