For Quick Alerts
ALLOW NOTIFICATIONS  
For Daily Alerts

ఒక్క సంతకంతో కెరీర్ నాశనం!: చందాకొచ్చార్ ఫిర్యాదుతో ఆగిన సినిమా

|

ఐసీఐసీఐ బ్యాంకు మాజీ సీఈవో జీవితం ఆధారంగా తెరకెక్కుతోన్న ఓ బాలీవుడ్ సినిమాపై ఢిల్లీ కోర్టు స్టే విధించింది. ఆమె లైఫ్ హిస్టరీ ఆధారంగా Chanda: A Signature That Ruined A Career అనే సినిమాను నిర్మిస్తున్నారు. అయితే ఈ సినిమా విడుదల కాకుండా నిలిపివేయాలని చందా కొచ్చార్ ఢిల్లీ హైకోర్టుకు వెళ్లారు. ఈ మేరకు ఆమె తన లాయర్ విజయ్ అగర్వాల్, నమన్ జోషిల ద్వారా న్యాయస్థానాన్ని ఆశ్రయించారు.

కోర్టు కేసు నడుస్తున్న సమయంలో తనను అపరాధిగా చూపించే విధంగా సినిమాను నిర్మిస్తున్నారని ఆ ఫిర్యాదులో పేర్కొన్నారు. దీనిని పరిశీలించిన ఢిల్లీ కోర్టు ఈ సినిమాపై స్టే విధించింది. ఆన్ లైన్ లేదా ఆఫ్ లైన్ ద్వారా ఈ సినిమాను విడుదల చేయకూడదని ఆదేశించింది. అలాగే, ప్రత్యక్షంగా లేదా పరోక్షంగా చందాకొచ్చార్ పేరును ఉపయోగించవద్దని స్పష్టం చేసింది.

కాల్స్, డేటా డిసెంబర్ 1 నుంచి ఇక భారం, కస్టమర్‌పై రూ.100 వరకు...

సినిమా విడుదలకు నో...

న్యూఢిల్లీ డిస్ట్రిక్ట్ అడిషనల్ జడ్జి సందీప్ గార్గ్ శనివారం ఈ సినిమాపై స్టే విధించారు. నిర్మాతలు, అసోసియేట్ ఏజెంట్స్, ఇతర నటీ నటులు.. ఇలా ఎవరు కూడా ప్రత్యక్షంగా లేదా పరోక్షంగా ఎక్కడా చందాకొచ్చార్ పేరును ఉపయోగించరాదని ఆదేశించారు. సినిమాను కూడా ఆన్ లైన్ లేదా ఆఫ్ లైన్‌లో విడుదల చేయవద్దని పేర్కొన్నారు.

ఒక్క సంతకంతో కేరీర్ నాశనం...

ఈ సినిమా కోసం నిర్మాతలు.. చందాకొచ్చార్‌ను ఎప్పుడూ సంప్రదించలేదని ఆమె తరఫు లాయర్ విజయ్ అగర్వాల్ అన్నారు. ఈ సినిమాలో కీలక పాత్ర పోషిస్తున్న నటి ఇప్పటికే పలు ఇంటర్వ్యూలలో ఒక్క సంతకంతో చందాకొచ్చార్ కెరీర్‌ను ఎలా నాశనం చేసుకున్నారో ఈ సినిమాలో చూపించబోతున్నట్లు చెప్పారని తెలిపారు. ఈ సినిమా కోసం తాను చందాకొచ్చార్ ఆహార్యాన్ని అనుసరించినట్లు కూడా సదరు నటి చెప్పారన్నారు.

అంతా చందా కొచ్చార్ లాగే..

అంతా చందా కొచ్చార్ లాగే..

వాకింగ్ స్టైల్, మాట్లాడటం, బాడీ లాంగ్వేజ్... ఇలా అన్నింటా చందాకొచ్చార్‌ను అనుకరించినట్లు సదరు నటి ఇంటర్వ్యూలో చెప్పినట్లు తన పిటిషన్లో కూడా పేర్కొన్నారు. చిత్రం టైటిల్ పైన కూడా ఆమె అభ్యంతరం వ్యక్తం చేశారు. కేసు విచారణ కొనసాగుతుండగా అపరాధిగా చూపించడాన్ని ఆమె తప్పుబట్టారు.

English summary

Delhi court stays release of movie based on former ICICI CEO Chanda Kochhar's life

A Delhi court on Saturday stayed the release of movie based on former ICICI Bank MD and CEO Chanda Kochhar.
Story first published: Sunday, November 24, 2019, 16:32 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more