For Quick Alerts
ALLOW NOTIFICATIONS  
For Daily Alerts

చైనా 'ఎవర్‌గ్రాండ్' కాస్త రిలీఫ్, ఆ దెబ్బతో ఎలాన్ మస్క్ సంపద హుష్‌కాకి!

|

తాము సంక్షోభం నుండి బయటపడతామని చైనా రియాల్టీ దిగ్గజం ఎవర్‌గ్రాండ్ ధీమా వ్యక్తం చేసింది. ప్రస్తుత ఆర్థిక ఇబ్బంది నుండి తాము కచ్చితంగా బయటపడతామని సంస్థ చైర్మన్ హుయ్-కా-యువాన్ తెలిపారు. ఈ మేరకు ఆయన ఉద్యోగులకు లేఖ రాశారు. తాము చేపట్టిన ప్రాజెక్టులను అన్నింటిని తప్పకుండా పూర్తి చేస్తామని, ఉద్యోగుల సహకారంతో ఈ లక్ష్యాన్ని కచ్చితంగా చేరుకుంటామన్నారు.

ప్రస్తుత సంక్షోభం నుండి బయటపడటానికి దేశీయ బాండ్ హోల్డర్స్‌తో ఒప్పందాన్ని కుదుర్చుకున్నట్లు ఎవర్ గ్రాండ్ తెలిపింది. ఇది వడ్డీ చెల్లింపు డిఫాల్ట్ నుండి బయటపడేస్తుంది. ఎవర్ గ్రాండ్ ఆర్థిక సంక్షోభంలో చిక్కుకుపోయిందనే వార్తలు ప్రపంచ మార్కెట్లను, ముఖ్యంగా రియాల్టీ రంగంపై తీవ్ర ప్రభావం చూపాయి.

కాస్త ఊరట

కాస్త ఊరట

సెప్టెంబర్ 23వ తేదీన బాండ్ కూపన్ చెల్లింపులు జరుపుతామని ఎవర్ గ్రాండ్ గ్రూప్ తెలిపింది. చైనా దిగ్గజ రియాల్టర్ ఆర్థిక సంక్షోభంలో చిక్కుకుపోతుందనే ఆందోళనల నేపథ్యంలో ఇది కాస్త ఊరట కలిగించే అంశం. చైనా, ప్రపంచ మార్కెట్లకు ఇది రిలీఫ్ ఇస్తోంది. సానుకూల సంకేతాల నేపథ్యంలో యూఎస్ స్టాక్ ఫ్యూచర్స్ యువాన్, రిస్క్ సెన్సిటివ్ ఆస్ట్రేలియన్ డాలర్ పెరిగాయి. అయితే యెన్, యూఎస్ ట్రెజరీ యీల్డ్స్ పడిపోయాయి.

దేశంలో అత్యధికంగా సేల్ చేసిన డెవలపర్ ఎవర్ గ్రాండ్. ఎవర్ గ్రాండ్ యూనిట్ హంగ్డే రియల్ ఎస్టేట్ గ్రూప్ బాండ్‌కు సంబంధించి ప్రకటన చేసింది. డాలర్ బాండ్ పైన వడ్డీ చెల్లింపు కోసం ఒక కీలక గడువుకు సమీపంలో ఉంది. డేటా ప్రకారం హెంగ్డే రియల్ ఎస్టేట్ కూప్న్ చెల్లింపు మొత్తం 232 మిలియన్ యువాన్లు(35.88 మిలియన్ డాలర్లు).

ఒక్కరోజే రూ.10 లక్షల కోట్లు ఆవిరి

ఒక్కరోజే రూ.10 లక్షల కోట్లు ఆవిరి

చైనా రియాల్టీ మార్కెట్లో ఎవర్ గ్రాండ్ వాటా 2 శాతం. దీనికి గత ఏడాది లిక్విడిటీ సమస్య ఏర్పడింది. మొత్తం 15 లక్షలమందికి ఇళ్లు నిర్మించి ఇవ్వాల్సి ఉంది. కంపెనీ తన ఉద్యోగులకు జీతాలు ఇవ్వలేని స్థితికి చేరుకుంది. సంస్థకు మొత్తం 300 బిలియన్ డాలర్ల (సుమారు రూ.22.50 లక్షల కోట్ల) అప్పులు ఉన్నాయి. ఈ అప్పులను తగ్గించుకోవడానికి ఇబ్బందులు పడుతోంది. 2023 మిడిల్ వరకు 100 బిలియన్ డాలర్ల రుణాలను తీర్చాలని భావిస్తోంది. ఈ ఏడాది ఇప్పటి వరకు 8 బిలియన్ డాలర్లను మాత్రమే సమీకరించింది.

చైనా ప్రభుత్వం సాయంపై గందరగోళం నెలకొంది. ఈ ప్రభావం ప్రపంచవ్యాప్తంగా ఉండే అవకాశం ఉందన్న వార్తల నేపథ్యంలో అంతర్జాతీయ మార్కెట్లు సోమవారం క్షీణించాయి. ఎవర్ గ్రాండ్ సంక్షోభం నేపథ్యంలో అంతర్జాతీయ మార్కెట్లు నష్టపోవడంతో ప్రపంచవ్యాప్తంగా టాప్ 500 మంది ధనవంతుల సంపద ఒక్కరోజే 135 బిలియన్ డాలర్లు లేదా రూ.10 లక్షల కోట్ల మేర తగ్గింది.

కుబేరుల సంపద హుష్ కాకి

కుబేరుల సంపద హుష్ కాకి

బ్లూమ్‌బర్గ్ బిలియనీర్స్ ఇండెక్స్‌లో మొదటి స్థానంలో ఉన్న టెస్లా అధినేత ఎలాన్ మస్క్ సంపద 7.2 బిలియన్ డాలర్లు తగ్గి 198 బిలియన్ డాలర్లకు క్షీణించింది. అమెజాన్ అధినేత జెఫ్ బెజోస్ సంపద 5.6 బిలియన్ డాలర్లు తగ్గి 194.2 బిలియన్ డాలర్లకు పడిపోయింది. ఎవర్ గ్రాండ్ షేర్లు దశాబ్దకాల కనిష్ఠానికి చేరుకున్నాయి. దీంతో 2017లో 42 బిలియన్ డాలర్ల వద్ద గరిష్ఠానికి చేరుకున్న ఎవర్ గ్రాండ్ ఛైర్మన్ హుయ్-కా-యువాన్ సంపద తాజాగా 7.3 బిలియన డాలర్లకు తగ్గింది.

English summary

China's Evergrande to make bond coupon payment

Evergrande Group's main unit said it would make a bond coupon payment on September 23, offering some relief to jittery markets that had been on edge over fears that a default of China's No. 2 developer could ripple through the global financial system.
Story first published: Wednesday, September 22, 2021, 12:18 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X