For Quick Alerts
ALLOW NOTIFICATIONS  
For Daily Alerts

పెద్ద మొత్తంలో శాలరీని వదులుకున్న కంపెనీ సీఈవో, కానీ ఆ మొత్తం చేతికి

|

బోయింగ్ సీఈవో డేవ్ కాల్‌హౌన్ 2020 సంవత్సరానికి గాను వేతనం, బోనస్‌ను వదులుకున్నారు. గత ఏడాది కరోనా కారణంగా విమాన సేవలు చాలాకాలం పాటు నిలిచిపోయిన విషయం తెలిసిందే. ఈ మహమ్మారి కారణంగా విమానయానరంగం చాలా దెబ్బతిన్నది. బోయింగ్ సంస్థకు గత ఏడాది ఏకంగా 12 బిలియన్ డాలర్ల నష్టం వాటిల్లింది. ఈ నేపథ్యంలో కంపెనీ సీఈవో గత ఏడాదికి గాను పనితీరు ఆధారంగా ఇచ్చే బోనస్‌ను, వేతనాన్ని వదులుకున్నారు. అయితే షేర్ల ప్రయోజనాల (స్టాక్ ఆప్షన్) రూపంలో వచ్చే 21 మిలియన్ డాలర్లను మాత్రం అందుకున్నారు.

రెండు 737మ్యాక్స్ ప్లేన్స్ ప్రమాదానికి కారణం కావడంతో ప్రపంచవ్యాప్తంగా బోయింగ్ విమానాలు నిలిచిపోయాయి. దీనికి తోడు కరోనా వల్ల విమానాలకు డిమాండ్ తగ్గింది. దీంతో బోయింగ్ ఇబ్బందులు ఎదుర్కొంటోంది. 2020లో 12 బిలియన్ డాలర్ల నష్టాన్ని నమోదు చేసింది. డేవ్ కాల్‌హౌన్ 2020 జనవరిలో సీఈవోగా బాధ్యతలు చేపట్టారు. మార్చిలో వేతన నిరాకరణ నిర్ణయానికి ముందు సమయంలో 2,69,231 డాలర్ల వేతనం వచ్చింది.ఇప్పుడు ఆయన 3.6 మిలియన్ డాలర్ల సాలరీని, ప్రోత్సాహాన్ని వదులుకున్నారు.

పెద్ద మొత్తంలో శాలరీని వదులుకున్న కంపెనీ సీఈవో

అయతే మ్యాక్స్ విమానాల సర్వీసులను పునఃప్రారంభమయ్యేలా చేసినందుకు 7 మిలియన్ డాలర్లు, బ్లాక్ స్టోన్స్‌లో తన ఉద్యోగాన్ని వదిలిపెట్టిందుకు 10 మిలియన్ డాలర్లు, దీర్ఘకాలిక ప్రోత్సాహకాల కింద 3.5 మిలియన్ డాలర్ల మేర షేర్ల ప్రయోజనాలు లభించాయి. వచ్చే మూడేళ్ల కాలంలో ఈ షేర్ల ప్రయోజనాలు ఆయనకు అందుతాయి.

English summary

Boeing CEO waived pay but got compensation worth $21 million

Most of David Calhoun’s compensation — valued by Boeing at more than $20 million — came in the form of stock benefits that will vest in the next few years, assuming he remains CEO.
Story first published: Sunday, March 7, 2021, 11:51 [IST]
Company Search