For Quick Alerts
ALLOW NOTIFICATIONS  
For Daily Alerts

అమ్మకాల ఒత్తిడి, రికార్డ్ గరిష్టం నుండి పడిపోయిన బిట్‌కాయిన్

|

క్రిప్టోకరెన్సీ బిట్ కాయిన్ వ్యాల్యూ సోమవారం రికార్డ్ గరిష్టం నుండి పడిపోయింది. గతవారం దీని వ్యాల్యూ ఏకంగా 58,354 డాలర్లకు చేరుకుంది. మన కరెన్సీలో రూ.42 లక్షల వరకు. అయితే సోమవారం బిట్ కాయిన్ వ్యాల్యూ తగ్గింది. అంతర్జాతీయంగా బిట్ కాయిన్ అమ్మకాల ఒత్తిడిని ఎదుర్కొంది. బిట్ కాయిన్ సోమవారం 6 శాతం మేర క్షీణించింది.

ప్రారంభ సెషన్లో 5 శాతం మేర క్షీణించి 54,940 డాలర్ల వద్ద ట్రేడ్ అయింది. అదే సమయంలో బి్ కాయిన్ రైవల్ క్రిప్టోకరెన్సీ ఏథెర్ 7 శాతం క్షీణించి 1798 డాలర్ల వద్ద ట్రేడ్ అయింది. మన కరెన్సీలో దీని వ్యాల్యూ దాదాపు రూ.1.3 లక్షలు. శనివారం ఈ క్రిప్టోకరెన్సీలు రికార్డ్ గరిష్టాన్ని తాకాయి.

రికార్డ్ గరిష్టం నుండి పడిపోయిన బిట్‌కాయిన్

బిట్ కాయిన్ మార్కెట్ వ్యాల్యూ శనివారం ఏకంగా లక్షకోట్ల డాలర్లు దాటిన విషయం తెలిసిందే. ఒక కాయిన్ ధర గతంలో ఎన్నడూలేని విధంగా 56,620 డాలర్లు క్రాస్ చేసినప్పుడే దీంతో మార్కెట్ వ్యాల్యూ ఆల్ టైమ్ గరిష్టాన్ని తాకింది. ఎలాన్ మస్క్ నేతృత్వంలోని టెస్లా ఇంక్ 1.5 బిలియన్ డాలర్ల పెట్టుబడులు పెట్టింది. అలాగే మాస్టర్ కార్డ్ వంటి సంస్థలు క్రిప్టోకరెన్సీని అమోదించాలని నిర్ణయించాయి. ఈ నేపథ్యంలోనే క్రిప్టోకరెన్సీ వ్యాల్యూ భారీగా పెరిగింది. రెండు నెలలుగా బిట్ కాయిన్ వ్యాల్యూ అంతకంతకూ పెరుగుతోంది. ఈ వారమే 18 శాతం లాభపడింది. ఈ సంవత్సరం 92 శాతం ఎగిసింది.

English summary

Bitcoin Slips Sharply From Record High of $58,354 Within a Day

Bitcoin fell sharply on Monday after surging to a record $58,354 (roughly Rs. 42 lakh) a day earlier, as a selloff in global equities curbed risk appetite.
Story first published: Monday, February 22, 2021, 20:45 [IST]
Company Search