For Quick Alerts
ALLOW NOTIFICATIONS  
For Daily Alerts

బిట్ కాయిన్ మళ్లీ పరుగు, పోల్కాడాట్ 20 శాతం జంప్

|

నిన్న క్షీణించిన బిట్ కాయిన్ నేడు మళ్లీ లాభపడింది. ఈ క్రిప్టో దిగ్గజం నేడు (అక్టోబర్ 14, గురువారం) తిరిగి 57,000 డాలర్లను దాటింది. గత వారం రోజుల్లోనే ఈ క్రిప్టో కరెన్సీ ఐదు శాతం మేర లాభపడింది. నిన్న స్వల్పంగా నష్టపోయినప్పటికీ మొత్తానికి ఈ వారం మాత్రం లాభపడింది. రెండో అతిపెద్ద క్రిప్టో కరెన్సీ ఎథేరియం కూడా 24 గంటల్లో ఐదు శాతం లాభపడింది. ఇక వారం రోజుల్లో రెండు శాతం లాభపడింది. ప్రస్తుతం ఇది 3600 డాలర్ల వద్ద ఉంది. సోలానా, ఎక్స్‌పీఆర్, కార్డానో క్రిప్టోలు మూడు శాతం వరకు లాభపడ్డాయి. పోల్కాడాట్ అయితే ఏకంగా 20 శాతం జంప్ చేసింది. ఇది 40 డాలర్ల పైన ఉంది. ఇటీవల క్షీణించిన డోజీకాయిన్ నేడు 5 శాతం లాభపడింది.

బిట్ కాయిన్ చాలా రోజుల తర్వాత ఈ వారం 57,000 డాలర్లను తాకింది. మే నెల తర్వాత మొదటిసారి ఈ మార్కుకు చేరుకుంది. ఈ ఏడాది మే నెల నుండి స్వల్పంగా లాభపడుతూ వచ్చిన బిట్ కాయిన్, కొద్ది నెలలుగా ఊగిసలాటలో ఉంది. అయితే ఇటీవల మళ్లీ జంప్ చేస్తోంది. బిట్ కాయిన్‌కు బిగ్గెస్ట్ మంత్లీ లాస్ మే నెల తర్వాత సెప్టెంబర్. బిట్ కాయిన్ మే నెలలో ఆల్‌టైమ్ గరిష్టం 65,000 డాలర్లకు చేరుకొని, కొద్దిరోజులకు 30,000 డాలర్ల దిగువకు పడిపోయింది. మళ్లీ కోలుకొని, చాలారోజుల పాటు 30వేల డాలర్ల నుండి 50వేల డాలర్ల మధ్య కదలాడి, ఇటీవల 55వేల డాలర్ల పైకి చేరుకుంది. జూలై నుండి సెప్టెంబర్ మధ్య కాలంలో 40వేల డాలర్ల నుండి 50 వేల డాలర్ల మధ్య కదలాడింది. రెండు రోజుల క్రితం 57,000 డాలర్లకు చేరుకున్నప్పటికీ, నిన్న మళ్లీ 56,000 స్థాయికి పడిపోయింది. అయితే అంతలోనే మళ్లీ జంప్ చేసింది. బిట్ కాయిన్ 2023 నాటికి లక్ష డాలర్లకు చేరుకోవచ్చుననే అంచనాలు ఉన్నాయి.

బిట్ కాయిన్ మళ్లీ పరుగు, పోల్కాడాట్ 20 శాతం జంప్

వివిధ క్రిప్టో కరెన్సీల వృద్ధి

బిట్ కాయిన్ నేడు ఉదయం 5 శాతం, ఎథేరియం 5 శాతం మేర లాభపడ్డాయి. అయితే సాయంత్రానికి కాస్త తగ్గినప్పటికీ మంచి లాభాల్లోనే ఉన్నాయి. వివిధ క్రిప్టో కరెన్సీలు ఎంత శాతం లాభపడ్డాయంటే... బిట్ కాయిన్ 3.24 శాతం, ఎథేరియం 4.17 శాతం, బియాన్స్ కాయిన్ 1.64 శాతం, కార్డానో 2.23 శాతం, టెథేర్ 0.02 శాతం, ఎక్స్‌పీఆర్ 1.31 శాతం, సోలానా 0.57 శాతం, పోల్కాడాట్ 18.61 శాతం, యూఎస్‌డీ కాయిన్ 0.01 శాతం, డోజీకాయిన్ 3.31 శాతం లాభపడ్డాయి.

English summary

Bitcoin gains over 4 percent, Polkadot surges more than 20 percent

The global crypto market cap has increased over 4 per cent to $2.38 trillion over the last day.
Story first published: Thursday, October 14, 2021, 22:00 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X