For Quick Alerts
ALLOW NOTIFICATIONS  
For Daily Alerts

Airtel IQ: క్లౌడ్ కమ్యూనికేషన్ మార్కెట్‌లోకి ఎయిర్‌టెల్

|

భారతీ ఎయిర్‌టెల్ క్లౌడ్ కమ్యూనికేషన్ మార్కెట్లోకి అడుగు పెట్టింది. ఎయిర్ ఐక్యూ అనే ఓమ్నీ కమ్యూనికేషన్ ప్లాట్ ఫాంను ఏర్పాటు చేసింది. ఇండియన్ ఎంటర్‌ప్రైజ్ కమ్యూనికేషన్స్‌లో ఇదో విప్లవాత్మక మార్పుగా ఎయిర్‌టెల్ పేర్కొంది. భారత్‌లో ప్రస్తుతం క్లౌడ్ కమ్యూనికేషన్ మార్కెట్ వ్యాల్యూ ఒక బిలియన్ డాలర్లుగా ఉంది. ప్రతి సంవత్సరం ఇరవై శాతం వృద్ధి సాధిస్తోంది.

ఈ రంగంలోకి అడుగు పెట్టిన మొదటి టెలికం ఆఫరేటర్ ఎయిర్‌టెల్. ఇప్పటికే ఎయిర్ ఐక్యూ సేవల కోసం స్విగ్గీ, జస్ట్ డయల్, అర్బన్ కంపెనీ, హావిల్స్, డాక్టర్ లాల్‌పత్ ల్యాబ్స్, రాపిడో సంతకాలు చేశాయి. ఇవి ఎయిర్‌టెల్ ఐక్యూ బీటా వర్షన్‌ను ఉపయోగిస్తున్నాయి. ప్రస్తుతం ఇది వాణిజ్యపరంగా అందుబాటులోకి వచ్చింది. సేవలు ఉపయోగించుకున్నంత వరకే చెల్లింపులు జరిపే వెసులుబాటు ఉంది.

 Airtel IQ: క్లౌడ్ కమ్యూనికేషన్ మార్కెట్‌లోకి ఎయిర్‌టెల్

ప్రస్తుత మోడల్స్‌తో పోలిస్తే ఈ ప్లాట్‌ఫాం కంపెనీలకు దాదాపు నలభై శాతం ఖర్చు తగ్గిస్తుందని ఎయిర్టెల్ బిజినెస్ డైరెక్టర్ అండ్ సీఈవో అజయ్ చిట్కార అన్నారు. తమ ఇన్‌సైడ్ ఇంజినీరింగ్ స్ట్రెంత్ ద్వారా ఎయిర్‌టెల్ ఐక్యూ వంటి ఎంటర్‌ప్రైజ్ ఉత్పత్తులు డెవలప్ చేస్తోంది. ఎయిర్‌టెల్ ఐక్యూ వంటి ఉత్పత్తుల కోసం తమ వద్ద 1500 మంది డిజిటల్ టాలెంట్ ఉందని ఎయిర్‌టెల్ చీఫ్ ప్రాడక్ట్ ఆఫీసర్ ఆదర్శ్ నాయర్ అన్నారు.

English summary

Bharti Airtel enters cloud communications market, launches Airtel IQ

Telecom operator Bharti Airtel on Monday entered the rapidly-growing cloud communications market with the launch of business-centric Airtel IQ'.
Story first published: Monday, October 26, 2020, 22:34 [IST]
Company Search