For Quick Alerts
ALLOW NOTIFICATIONS  
For Daily Alerts

ఆసియా 20 కుబేరుల వద్ద ఎంత డబ్బు ఉందంటే? రెండో ధనికుడి కంటే ముఖేష్ సంపద డబుల్

|

ఆసియాలోని టాప్ 20 కుబేరుల వద్ద ఎంత సంపద ఉందో తెలుసా? కేవలం ఈ ఇరవై మంది దగ్గర 463 బిలియన్ డాలర్ల సంపద ఉంది. భారత కరెన్సీలో ఇది 34 లక్షల కోట్లకు పైగా. ఆసియా కుబేరుడు, రిలయన్స్ అధినేత ముఖేష్ అంబానీ సంపద 74 బిలియన్ డాలర్లు. అంటే ఆసియాలోని టాప్ 20 మందిలో ఉన్న సంపదలో 17 శాతం అంబానీ వద్ద ఉంది. అతని సంపద దాదాపు రూ.6 లక్షల కోట్లు. ఆయన ప్రపంచ టాప్ 10 కుబేరుల జాబితాలోను చోటు దక్కించుకున్న విషయం తెలిసిందే.

PF అకౌంట్ నుండి డబ్బులు తీసుకున్నారా? ఐటి రిటర్న్స్‌లో ఇది తప్పనిసరి!

వారి కంటే ముఖేష్ ఫ్యామిలీ ఆస్తులు డబుల్

వారి కంటే ముఖేష్ ఫ్యామిలీ ఆస్తులు డబుల్

హంగ్‌కాంగ్‌కు చెందిన వోక్ ఫ్యామిలీ కంటే ముఖేష్ అంబానీ కుటుంబం ఆస్తుల ఇప్పుడు రెండింతల కంటే ఎక్కువగా ఉంటాయి. ఆసియాలో రెండో ధనిక ఫ్యామిలీ వీరిదే కావడం గమనార్హం. శాంసంగ్ అధినేత, సౌత్ కొరియాకు చెందిన కుబేరుడు లీ ఫ్యామిలీ సంపద కంటే అంబానీ కుటుంబం ఆస్తి మూడు రెట్లు ఎక్కువ. కరోనా మహమ్మారి సమయంలో అంబానీ ఆస్తులు భారీగా పెరిగాయి. జియో, రిలయన్స్ రిటైల్‌లోకి భారీగా పెట్టుబడులు రావడం, జియో కస్టమర్లు వేగంగా పెరగడం ఇందుకు దోహదపడింది. చమురు రంగం నుండి టెలికం, రిటైల్ సహా వివిధ రంగాల్లో ఉన్న ముఖేష్ అంబానీ తమ గ్రూప్ సంస్థల్లోకి పెట్టుబడులు ఆహ్వానిస్తున్నారు.

పెట్టుబడుల వెల్లువ

పెట్టుబడుల వెల్లువ

ప్రముఖ డిజిటల్ ఈక్విటీ సంస్థలు కేకేఆర్, టీపీజీలతో పాటు టెక్ దిగ్గజాలు ఫేస్‌బుక్, గూగుల్ వంటి సంస్థల నుండి జియో ప్లాట్‌ఫాంలోకి పెద్ద ఎత్తున పెట్టుబడులు వచ్చాయి. జియో ప్లాట్‌ఫాంలోకి 20 బిలియన్ డాలర్ల పెట్టుబడులు వచ్చాయి. రిలయన్స్ రిటైల్‌లోకి నిధుల సేకరణ కోసం మరోసారి ఫండ్‌రెయిజింగ్ ప్రారంభించారు. రిలయన్స్ రిటైల్‌లో 10.09 శాతం వాటా విక్రయం ద్వారా ఇప్పటి వరకు రూ.47,000 కోట్లు సమీకరించారు. భారీ నిధుల సమీకరణ నేపథ్యంలో రిలయన్స్ షేర్ ఈ ఏడాది భారీగా పెరిగింది. అయితే ఇటీవల రూ.2300 దాటిన స్టాక్ ఇప్పుడు రూ.2000 దిగువకు పడిపోయింది.

16 బిలియన్ డాలర్లు అప్

16 బిలియన్ డాలర్లు అప్

రిలయన్స్ స్టాక్ భారీగా జంప్ చేయడంతో ముఖేష్ ఆస్తి కూడా ఈ ఏడాది 16 బిలియన్ డాలర్లు పెరిగింది. దీంతో ఆసియా టాప్ 20లోని ధనికుల సంపద మధ్య భారీ అంతరం ఏర్పడింది. ఆయన సోదరుడు అనిల్ అంబానీ ప్రస్తుతం అఫ్పుల్లో కూరుకుపోయారు. కానీ ముఖేష్ సంపద మాత్రం రోజురోజుకు పెరుగుతోంది. కాగా, ఈ జాబితాలో అలీబాబా గ్రూప్ హోల్డింగ్స్ జాక్‌మా వంటి ఫస్ట్ జనరేషన్ బిలియనీర్లను లెక్కలోకి తీసుకోలేదు. అందుకే చైనా నుండి జాబితాలో ఎవరూ లేరు. అయినప్పటికీ జాక్ మా ఆస్తుల కంటే ముఖేష్ అంబానీ ఆస్తి చాలా ఎక్కువ.

English summary

Asia’s 20 Richest Families Control $463 Billion

The Ambani family is now the richest family in Asia with a total wealth of $76 billion as per a Bloomberg Billionaire Index which ranks Asia's 20 richest families. Ambanis alone own nearly 17% of the total $463 billion fortune that the top 20 richest families in Asia own.
Story first published: Wednesday, December 2, 2020, 16:08 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X