For Quick Alerts
ALLOW NOTIFICATIONS  
For Daily Alerts

గుడ్‌ న్యూస్!: బడ్జెట్ ధరలో ‘ఐఫోన్’.. మార్చి నాటికి అందుబాటులోకి...

|

ఐఫోన్ ప్రేమికులకు యాపిల్ కంపెనీ నుంచి ఓ శుభవార్త. అదేమిటంటే.. బడ్జెట్ ధరలో ఐఫోన్. యాపిల్ ఐఫోన్‌కు ప్రపంచ వ్యాప్తంగా ఎంతటి క్రేజ్ ఉందో తెలిసిందే. భారతీయ మార్కెట్‌లో దీనికున్న క్రేజ్ తక్కువేం కాదు. కాకపోతే దాని ధరను చూసి కొంతమంది 'అమ్మో..' అనేస్తారు. కొనుక్కోవాలని ఉన్నా.. అంత డబ్బు వెచ్చించలేక చాలామంది ఆండ్రాయిడ్ ఫోన్లతో నెట్టుకొచ్చేస్తున్నారు.

అయితే ఐఫోన్ విషయంలో భారతీయ వినియోగదారుల క్రేజ్‌ను మరింతగా క్యాష్ చేసుకునేందుకు యాపిల్ కంపెనీ సన్నద్ధమవుతోంది. బడ్జెట్ ధరలో.. అంటే తక్కువ ధరలో ఐఫోన్‌ను విడుదల చేయబోతోంది. ఎప్పుడో కాదు.. జస్ట్ రెండు నెలల్లో.. ఈ ఏడాది మార్చి నాటికల్లా ఈ బడ్జెట్ ఐఫోన్‌ను వినియోగదారులకు అందుబాటులోకి తీసుకురానుంది.

ఈ నేపథ్యంలో వచ్చే నెల.. అంటే ఫిబ్రవరి నుంచే ఈ ఐఫోన్ అసెంబ్లింగ్ కార్యకలాపాలను ప్రారంభించనుంది. ఇప్పటికే ఈ హ్యాండ్‌సెట్ అసెంబ్లింగ్‌ను హాన్‌హయ్ ప్రిసిషన్ ఇండస్ట్రీ, పెగట్రాన్ కార్పొరేషన్, విస్ట్రన్ కార్పొరేషన్‌లకు అప్పగించింది. 'ఐఫోన్ ఎస్‌ఈ' తరువాత అతి తక్కువ ధరలో వెలువడనున్న హ్యాండ్‌సెట్ ఇదే కావడం విశేషమే.

ఐఫోన్ ప్రేమికులకు గుడ్ న్యూస్!

అలాగే 2020లో 200 మిలియన్ల హ్యాండ్‌సెట్లకు పైగా రవాణా చేయాలని యాపిల్ లక్ష్యంగా నిర్దేశించుకున్నట్లు తెలుస్తోంది. ఈ లక్ష్య సాధనలో త్వరలో మార్కెట్‌లోకి రానున్న 'బడ్జెట్ ఐఫోన్' కంపెనీ అమ్మకాలలో ముఖ్యమైన పాత్ర పోషించనున్నట్లు విశ్లేషకులు భావిస్తున్నారు.

'బడ్జెట్ ఐఫోన్' ఫీచర్లు ఇవే...

మార్చి నాటికి భారతీయ మార్కెట్‌లోకి వస్తోందని చెబుతోన్న బడ్జెట్ ఐఫోన్ 2017లో వచ్చిన ఐఫోన్ 8 మాదిరిగా ఉంటుందని అంటున్నారు. ఈ ఫోన్ 4.7 అంగుళాల డిస్‌ప్లే స్క్రీన్‌ కలిగి, ఆండ్రాయిడ్ ఫోన్ల మాదిరిగా ఫింగర్ ప్రింట్ సెన్సర్ కూడా కలిగి ఉంటుందట. ప్రస్తుతానికి దీని ధర గురించి ఎలాంటి అంచనాలు లేవు. యాపిల్ కంపెనీ ప్రతినిధులు కూడా ఈ బడ్జెట్ ఐఫోన్ గురించిన సమాచారం తెలుపడానికి నిరాకరిస్తున్నారు.

2020లో మరిన్ని కొత్త ఫీచర్లతో...

భారత్‌లో శరవేగంగా అభివృద్ధి చెందుతోన్న స్మార్ట్‌ఫోన్ మార్కెట్‌లో తన స్థానాన్ని మరింత పటిష్టం చేసుకోవాలని, విస్తరించుకోవాలని కూడా యాపిల్ ఇన్‌కార్పొరేషన్ యోచిస్తోంది. ఇందులో భాగంగానే వినియోగదారులను మరింతగా ఆకట్టుకునేందుకు 2020లో సరికొత్త ఫీచర్లు, మరింత వేగవంతమైన ప్రాసెసర్, 3డి బ్యాక్ కెమెరా, 5జీ కనెక్టివిటీ.. తదితర ఫీచర్లతో కూడిన హైఎండ్ ఐఫోన్లను విడుదల చేయాలని భావిస్తోంది.

English summary

apple's low cost iphone likely to enter indian market by march

It was speculated that Apple might launch an affordable iPhone this year under the moniker 'iPhone SE 2' or 'iPhone 9'. Bloomberg has reported that Apple will unveil the low-cost iPhone “as early as March,” and for that, the mass production is expected to start in February itself.
Story first published: Thursday, January 23, 2020, 17:14 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more