For Quick Alerts
ALLOW NOTIFICATIONS  
For Daily Alerts

ఐటీ రంగంలో హైదరాబాద్, బెంగళూరుకు ధీటుగా: విశాఖలో హైఎండ్ స్కిల్ డెవలప్‌మెంట్ సెంటర్

|

ఐటీ రంగంపై వైసీపీ ప్రభుత్వం మరింత దృష్టి సారించింది. ఐటీ నైపుణ్యాలపై శిక్షణ ఇచ్చేందుకు విశాఖపట్నంలో ఓ స్కిల్ డెవలప్‌మెంట్ కేంద్రాన్ని ఏర్పాటు చేయాలని ముఖ్యమంత్రి జగన్ నిర్ణయించారు. ఇంజినీరింగ్‌లో ఉత్తమ ప్రతిభ కనబరిచిన విద్యార్థులకు ఇందులో ప్రవేశం కల్పించి, వారిని మరింత అత్యుత్తమంగా తీర్చిదిద్దాలని నిర్దేశించారు. ఈ మేరకు ఆయన సోమవారం ఐటీ, స్కిల్ డెవలప్‌మెంట్‌పై సమీక్షించారు.

కార్వీలాంటి మోసాలకు ఇక చెక్, నిబంధనలు కఠినతరం, ఎండీ-చైర్మన్ విభజనకు అందుకే గడువు

విశాఖలో హైఎండ్ స్కిల్ డెవలప్‌మెంట్ సెంటర్

విశాఖలో హైఎండ్ స్కిల్ డెవలప్‌మెంట్ సెంటర్

విశాఖపట్నంలో ఐటీ రంగం కోసం హైఎండ్ స్కిల్ డెవలప్‌మెంట్ కేంద్రాన్ని ఏర్పాటు చేయనున్నారు. దీనికి అనుబంధంగా మధ్య ఆంధ్ర, రాయలసీమ ప్రాంతాల్లో మరో రెండు కేంద్రాలను ఏర్పాటు చేస్తారు. ఏపీ వ్యాప్తంగా మొత్తం 30 నైపుణ్య కేంద్రాలతో పాటు ఐటీ రంగం కోసం ప్రత్యేక నైపుణ్యాభివృద్ధి కేంద్రాలను ఏర్పాటు చేస్తారు.

స్కిల్ డెవలప్‌మెంట్ సెంటర్స్ ఎక్కడెక్కడ అంటే

స్కిల్ డెవలప్‌మెంట్ సెంటర్స్ ఎక్కడెక్కడ అంటే

రాష్ట్రంలోని ప్రతి పార్లమెంటు నియోజకవర్గానికి ఒక నైపుణ్యాభివృద్ధి కేంద్రం, నాలుగు ట్రిపుల్ ఐటీలకు అనుబంధంగా మరో నాలుగు, పులివెందుల జేఎన్‌టీయూలో మరో కేంద్రం ఏర్పాటు చేయనున్నారు. ఈ కేంద్రాల్లో పాఠ్య ప్రణాళిక, పర్యవేక్షణ, అవసరాలకు అనుగుణంగా ఎప్పటికి అప్పుడు కోర్సులను ఆధునికీకరించడం కోసం కేంద్రీకృత అడ్మినిస్ట్రేటివ్ బ్లాక్‌ను ముందుగా ఏర్పాటు చేస్తారు.

హైదరాబాద్, బెంగళూరుతో పోటీ పడేలా..

హైదరాబాద్, బెంగళూరుతో పోటీ పడేలా..

హైదరాబాద్, బెంగళూరు, చెన్నై నగరాలతో పోటీ పడే పరిస్థితికి తీసుకు వచ్చేలా ఈ హైఎండ్ స్కిల్ డెవలప్‌మెంట్‌లో శిక్షణ ఇప్పిస్తారు. స్కిల్ డెవలప్‌మెంట్ కేంద్రాలకు సంబంధించిన నిధులు, డిజైన్లు, ప్రణాళికలు 45 రోజుల్లో పూర్తి చేసి, నిర్మాణాలు ఏడాదిలో పూర్తి చేయాలని భావిస్తున్నారు. రాష్ట్రంలో స్కిల్ డెవలప్‌మెంట్ ప్రోగ్రాంలపై మంత్రి గౌతమ్ రెడ్డి ఆధ్వర్యంలో ఉన్నత విద్య, ఐటీ విభాగాలకు చెందిన వారిని సభ్యులుగా నియమిస్తారు.

మరిన్ని పెట్టుబడులపై దృష్టి

మరిన్ని పెట్టుబడులపై దృష్టి

సమీక్ష సందర్భంగా ఐటీ రంగంలో ఏపీకి ఉన్న అవకాశాలతో పాటు ఇతర రాష్ట్రాల్లోని పరిస్థితుల్ని అధికారులు ముఖ్యమంత్రికి తెలిపారు. రానున్న అయిదేళ్లలో ఐటీ రంగంలోకి మరిన్ని పెట్టుబడులను ఆకర్షించే విధంగా పాలసీ రూపకల్పనపై చర్చించారు.

పారిశ్రామిక ప్రగతికి ఊతమిచ్చేలా స్కిల్ డెవలప్‌మెంట్ కేంద్రాలు..

పారిశ్రామిక ప్రగతికి ఊతమిచ్చేలా స్కిల్ డెవలప్‌మెంట్ కేంద్రాలు..

రాష్ట్రంలో పారిశ్రామిక ప్రగతికి మంచి ఊతమిచ్చేలా ఈ నైపుణ్యాభివృద్ధి కేంద్రాలను తీర్చిదిద్దనున్నారు. 45 రోజుల్లోగా భూముల గుర్తించి, ఆర్థిక వనరుల సమీకరణ పూర్తి చేయనున్నారు. ఏడాదిలో పూర్తి చేస్తారు. ప్రభుత్వంలో వివిధ విభాగాలు నిర్వహిస్తున్న స్కిల్ డెవలప్‌మెంట్ కార్యక్రమాలను అన్నింటిని స్కిల్ ‌డెవలప్‌మెంట్ విభాగం ద్వారానే నిర్వహించనున్నారు. విద్యాశాఖ, స్కిల్ డెవలప్‌మెంట్ విభాగం కలిసి పని చేయాలని సీఎం ఆదేశించారు.

English summary

AP government to set up 30 IT and skill development Centres

Chief Minister YS Jagan Mohan Reddy reviewed IT and skill development program on Monday. In the review meeting held at CM camp office, the chief minister gas decided to set up 30 skill development centres to take the program forward with 25 centers at all parliamentary constituencies four centres at triple ITs and one for the Pulivendula JNTU respectively.
Story first published: Tuesday, February 18, 2020, 9:58 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more