For Quick Alerts
ALLOW NOTIFICATIONS  
For Daily Alerts

ఆర్థిక అత్యవసర పరిస్థితి?: ఏపీ ప్రభుత్వానికి షాక్, రూ.10వేల కోట్లు తగ్గిన ఆదాయం, ఎక్కడ ఎంతంటే?

|

విభజన తర్వాత ఆర్థిక ఇబ్బందుల్లో ఉన్న ఆంధ్రప్రదేశ్ ఆర్థిక పరిస్థితి రోజు రోజుకు తిరోగమనంలో ఉందా అంటే ఆర్థిక గణాంకాలు అవుననే చెబుతున్నాయని వార్తలు వస్తున్నాయి. సంక్షేమ పథకాలు సహా వివిధ అంశాల కారణంగా గత ఏడాది కంటే ఖర్చులు పెంచుకోవాల్సిన పరిస్థితులు. కానీ ఆర్థిక పరిస్థితి మాత్రం భిన్నంగా ఉందని అంటున్నారు. ఈ ఆర్థిక సంవత్సరంలో నవంబర్ నెలతో ముగిసిన 8 నెలల కాలంలోని ఆర్థిక గణాంకాల ప్రకారం...

జగన్ గుడ్‌న్యూస్: 1,000 దాటితే.., 5లక్షలలోపు ఆదాయం ఉంటే ఆరోగ్యశ్రీ, హైదరాబాద్‌లోనూ...

వీటికే ఖర్చులు పరిమితం

వీటికే ఖర్చులు పరిమితం

ప్రభుత్వ ఉద్యోగుల వేతనాలు, పెన్షన్లు, ప్రభుత్వం (గత) తెచ్చిన అప్పులపై వడ్డీలు, అసలు చెల్లింపు, ప్రభుత్వ నిర్వహణ ఖర్చులు, కొన్ని సంక్షేమ కార్యక్రమాలకు ప్రభుత్వ ఖర్చులు పరిమితం అవుతున్నాయి. కీలక సాగునీటి ప్రాజెక్టులు, దీర్ఘకాలంలో ప్రయోజనం కల్పించే మూలధన వ్యయం నామమాత్రంగా మారిందట. ఈ ఆర్థిక సంవత్సరంలో నిధుల లేమి కారణంగా ఒక్క సాగునీటి ప్రాజెక్టులోను పనులు సరిగా చేపట్టింది లేదని వార్తలు వస్తున్నాయి.

గత ఏడాది కంటే వెనుకబడింది

గత ఏడాది కంటే వెనుకబడింది

సాధారణంగా ప్రతి సంవత్సరం ఎప్పటికప్పుడు బడ్జెట్ అంచనాలు పెరుగుతాయి. ఆదాయం, ఖర్చులు కూడా పెరుగుతాంటాయి. కానీ ఏపీ ఆర్థిక సంవత్సరం మాత్రం గత ఆర్థిక సంవత్సరంతో పోలిస్తే ఈ ఆర్థిక సంవత్సరం వెనుకబడిందని గణాంకాలే చెబుతున్నాయని పేర్కొంటున్నాయి.

2018తో పోలిస్తే 2019లో వివిధ ఆదాయాల్లో తగ్గుదల ఇలా..

2018తో పోలిస్తే 2019లో వివిధ ఆదాయాల్లో తగ్గుదల ఇలా..

2018-19 ఆర్థిక సంవత్సరంలో నవంబర్ నాటికి జీఎస్టీ ఆదాయం రూ.21,007 కోట్లు అయితే 2019-20 ఆర్థిక సంవత్సరంలో అదే నెల నాటికి ఇది రూ.16,786 కోట్లుగా ఉంది. అమ్మకపు పన్ను రూ.14,553 కోట్లు అయితే రూ.13,748 కోట్లకు, కేంద్రం గ్రాంట్ ఇన్ ఎయిడ్ సాయం రూ.13,800 కోట్లు కాగా ఇప్పుడు రూ.10,,511 కోట్లు, కేంద్ర పన్నుల్లో వాటాలు రూ.13,416 కోట్ల నుంచి రూ.11,314 కోట్లకు, ఎక్సైజ్ పన్ను రూ.4,536 కోట్ల నుంచి రూ.3,341 కోట్లకు, స్టాంప్స్ అండ్ రిజిస్ట్రేషన్స్ రూ.3,667 కోట్ల నుంచి రూ.3,636 కోట్లకు, పన్నేతర ఆధాయం రూ.2,921 కోట్ల నుంచి రూ.1,936 కోట్లకు, భూమి పన్ను రూ.30 కోట్ల నుంచి రూ.15 కోట్లకు తగ్గంది.

గత ఏడాదితో పోలిస్తే ఎంత తగ్గిందంటే

గత ఏడాదితో పోలిస్తే ఎంత తగ్గిందంటే

వివిధ రూపాల్లో నవంబర్ నాటికి ప్రభుత్వ ఆదాయం రూ.98,790 కోట్లు వచ్చింది. గత ఏడాది మాత్రం రూ.1,08.700 కోట్లుగా ఉంది. ఈ ఏడాది ఆదాయం తగ్గడంతో ఖర్చు కూడా తగ్గింది. ఆర్థిక కార్యకలాపాలు, సేల్స్, కొనుగోళ్లు తగ్గడంతో ఈ ఏడాది జీఎస్టీ వసూళ్లు కూడా భారీగా తగ్గాయి. గత ఏడాది కంటే రూ.10వేల కోట్ల ఆదాయం తగ్గింది.

ఎక్కువ ఖర్చు వీరికే..

ఎక్కువ ఖర్చు వీరికే..

వచ్చిన ఆదాయంలో ఎక్కువ మొత్తం ఉద్యోగుల వేతనాలు, పెన్షన్స్ కోసం కేటాయించవలసి వచ్చింది. ఎనిమిది నెలల కాలంలో దాదాపు రూ.35వేల కోట్లు వీటి కోసమే ఖర్చు చేశారు. వడ్డీలు, సబ్సిడీలలో ప్రభుత్వ నిర్వహణకు, సంక్షేమ పథకాలకు ఖర్చు చేశారు. రెవెన్యూ ఆదాయం రూ.88.891 కోట్లుగా ఉంది. ఇందులో సాంఘిక విభాగం కింద రూ.45వేల కోట్లు ఖర్చు చేశారు. అంతకుముందు ఏడాది కంటే ఈ ఖర్చు రూ.2వేల కోట్లు తగ్గింది.

ఖర్చులు ఎలా అంటే..

ఖర్చులు ఎలా అంటే..

ఎనిమిది నెలల కాలంలో మూలధన వ్యయంపై రూ.4,737 కోట్లు ఖర్చు చేశారు. అంతకుముందు ఏడాది రూ.15 వేల కోట్లకు పైగా ఉంది. ఖర్చులో వేతనాలకు 2018-19 ఆర్థిక సంవత్సరం నవంబర్ నాటికి రూ.23,304 కోట్లు చెల్లిస్తే 2019-20లో నవంబర్ నాటికి రూ.23,496 కోట్లు చెల్లించారు. పెన్షన్స్ రూ.10,626 కోట్ల నుంచి రూ.11,414 కోట్లకు, సబ్సిడీలపై ఖర్చు రూ.4,131 కోట్ల నుంచి రూ.4,858 కోట్లకు, వడ్డీ చెల్లింపులకు రూ.9,656 కోట్ల నుంచి రూ.9,136 కోట్లకు పెరిగింది. ఈ ఆఱ్థిక సంవత్సరంలో రెవెన్యూ లోటు రూ.1,778 కోట్లకు పరిమితమవుతుందని బడ్జెట్ అంచనా వేసినప్పటికీ ఎనిమిది నెలల్లోనే ఇది రూ.25,141 కోట్లకు పైకి చేరుకుంది.

వసూళ్లు.. ఖర్చు

వసూళ్లు.. ఖర్చు

2018-19 నవంబర్ నాటికి రెవెన్యూ వసూళ్లు రూ.74,677 కోట్లుగా ఉంటే, ఈ సంవత్సరం నవంబర్ నాటికి రూ.63,750 కోట్లుకు తగ్గాయి. పెట్టుబడి వసూళ్లూ రూ.34 వేల కోట్ల నుంచి రూ.35 వేల కోట్లకు పెరిగాయి. రెవెన్యూ ఖర్చు దాదాపు 92వేల కోట్ల నుంచి దాదాపు రూ.89వేల కోట్లకు తగ్గింది. పెట్టుబడి వ్యయం రూ.15,223 కోట్ల నుంచి రూ.4,737 కోట్లకు తగ్గింది. కాగా, ప్రస్తుత ఆర్థిక పరిస్థితి నేపథ్యంలో ఏపీలో ఆర్థిక అత్యవసర పరిస్థితి విధించాలని, జీతాలు, పెన్షన్లకే డబ్బులు లేవని మాజీ ఆర్థికమంత్రి యనమల రామకృష్ణుడు వ్యాఖ్యానించడం గమనార్హం.

English summary

Andhra Pradesh revenue down Rs.10,000 crores

The revenues under several heads in Andhra Pradesh were declining in the current 2019-20 financial year.
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more