For Quick Alerts
ALLOW NOTIFICATIONS  
For Daily Alerts

అమెజాన్ రికార్డ్: ఒకే రోజులో 13.5 శాతం లాభాలతో 190 బిలియన్ డాలర్లకు మార్కెట్ వాల్యూ

|

వాషింగ్టన్: ప్రముఖ ఈ కామర్స్ దిగ్గజం అమెజాన్ భారీ లాభాలను నమోదు చేసింది. అమెరికా చరిత్రలోనే ఒక్కరోజు వ్యవధిలో అత్యధిక మార్కెట్ విలువను సంపాదించుకున్న సంస్థగా అమెజాన్ రికార్డు నెలకొల్పింది. త్రైమాసిక ఫలితాలు మదుపర్లను మెప్పించడంతో కంపెనీ షేర్లు శుక్రవారం 13.5 శాతం మేర లాభపడ్డాయి. దీంతో అమెజాన్ మార్కెట్ విలువ ఒకే రోజులో 190 బిలియన్ డాలర్లు (సుమారు రూ. 14.18 లక్షల కోట్లు) ఎగబాకి 1.6 ట్రిలియన్ డాలర్కు చేరింది.

ఫేస్‌బుక్ మాతృసంస్థ మెటా ఒకరోజు వ్యవధిలో అత్యధిక విలువను కోల్పోయి రికార్డు సృష్టించిన మరుసటి రోజే అమెజాన్ భారీ లాభాలను నమోదు చేసి చరిత్ర సృష్టించడం విశేషం. కాగా, అమెజాన్ తాజాగా టెస్లా పేరిట ఉన్న రికార్డును బద్దలు కొట్టింది. జనవరి 28న వెలువడిన త్రైమాసిక ఫలితాలు అంచనాలను మించడంతో టెస్లా షేర్లు ఆ రోజు భారీగా ర్యాలీ అయ్యాయి.

ఒక్క రోజులో 181 బిలియన్ డాలర్ల అదనపు మార్కెట్ విలువను కంపెనీ సొంతం చేసుకుంది. తాజాగా, ఈ రికార్డును అమెజాన్ 190 బిలియన్ డాలర్లతో అధిగమించింది. త్రైమాసిక ఫలితాలు మెప్పించడం, అమెరికాలో ప్రైమ్ సభ్యత్వం ధరలను పెంచనున్నట్లు ప్రకటించడమే అమెజాన్ షేర్ల ర్యాలీకి కారణంగా తెలుస్తోంది. ఈ ర్యాలీని రిటైల్ మదుపర్లు లాభాల స్వీకరణకు వినియోగించుకున్నట్లు ఫిడెలిటీ వెబ్‌సైట్ వివరాల ద్వారా వెల్లడైంది.

కొనుగోలు ఆర్డర్ల కంటే అమ్మకం ఆర్డర్లే శుక్రవారం ఎక్కువగా కనిపించినట్లు మార్కెట్ నిపుణులు పేర్కొన్నారు. కాగా, అమెజాన్ ఒక్కరోజులో పోగేసుకున్న సంపద ఏటీఅండ్ టీ, మోర్గాన్ స్టాన్లీ, నెట్‌ఫ్లిక్స్ వంటి ప్రముఖ కంపెనీల మార్కెట్ విలువతో సమానం కావడం గమనార్హం.

అమెజాన్ రికార్డ్: ఒకే రోజులో 13.5 శాతం లాభాలతో 190 బిలియన్ డ

రెఫినెటివ్ ప్రకారం... ఆపిల్, మైక్రోసాఫ్ట్, గూగుల్ యజమాని ఆల్ఫాబెట్.. వాల్ స్ట్రీట్ అత్యంత విలువైన కంపెనీలుగా ఉన్నాయి. వరుసగా మార్కెట్ క్యాపిటలైజేషన్ $2.8 ట్రిలియన్ (దాదాపు రూ. 2,09,00000 కోట్లు), $2.3 ట్రిలియన్ (దాదాపు రూ. 1,71,67800 కోట్లు), $1.9 ట్రిలియన్ (దాదాపు రూ. 1,41,82100 కోట్లు).

English summary

Amazon breaks records for Single-Day Surge in Value With $190 Billion Gain

Amazon breaks records for Single-Day Surge in Value With $190 Billion Gain.
Story first published: Saturday, February 5, 2022, 14:46 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X