For Quick Alerts
ALLOW NOTIFICATIONS  
For Daily Alerts

గుడ్ న్యూస్ : ఐటీ దిగ్గజ కంపెనీల్లో ఉద్యోగాలు పెరిగాయ్...

|

దేశీయ ఇన్ఫర్మేషన్ టెక్నాలజీ (ఐటీ) రంగంలోని దిగ్గజ కంపెనీలు ఉద్యోగుల సంఖ్యను చెప్పుకోదగిన స్థాయిలో పెంచుకుంటున్నాయి. దీనివల్ల మరింత ఎక్కువ మంది ఉద్యోగార్థులకు ఐటీ రంగంపై ఆసక్తి పెరుగుతోంది. కొత్త టెక్నాలజీలు అందుబాటులోకి వస్తున్న నేపథ్యంలో ఆయా నైపుణ్యాలు కలిగిన వారిని కంపెనీలు నియమించుకుంటున్నాయి. ఇప్పటికే కంపెనీలో పనిచేస్తున్న వారికి కొత్త టెక్నాలజీలపై శిక్షణ ఇస్తున్నాయి.

రూ.1 కోటి ఇన్సురెన్స్ కవర్ అవసరమా?: ప్రీమియం కట్టని బెనిఫిట్

మూడు దిగ్గజ కంపెనీల హవా

మూడు దిగ్గజ కంపెనీల హవా

దేశంలో అగ్రస్థాయి ఐటీ కంపెనీ అయిన టాటా కన్సల్టెన్సీ సర్వీసెస్ (టీసీఎస్)తో పాటు తర్వాతి స్థానాల్లో ఉన్న ఇన్ఫోసిస్, విప్రో కంపెనీలు ప్రస్తుత ఆర్థిక సంవత్సరం సెప్టెంబరుతో ముగిసిన రెండో త్రైమాసికానికి గత ఏడాది ఇదే త్రైమాసికంతో పోల్చితే ఎక్కువ స్థాయిలోనే ఉద్యోగులను నియమించుకున్నాయి. ఈ మూడు కంపెనీలు నికరంగా 28,157 మందిని ఉద్యోగాల్లోకి తీసుకున్నాయి. మొదటి త్రైమాసికంతో పోల్చితే ఉద్యోగుల నియామకాలు (16,687) 59 శాతం పెరిగాయి. ఉద్యోగుల నియామకాలు పెరగడానికి కారణం లేకపోలేదు. భవిష్యత్తులో మంచి వ్యాపారం ఉంటుందన్న అంచనాలతో కంపెనీలు ఉద్యోగులను పెంచుకున్నాయి.

గత ఆర్ధిక సంవత్సరం మూడో త్రైమాసికం నుంచి కంపెనీల్లో ఉద్యోగుల నియామకాలు తగ్గాయి. అయితే ఈ ఆర్థిక సంవత్సరం మొదటి త్రైమాసికంలో మళ్ళీ పెరగడం మొదలైంది. రెండో త్రైమాసికంలో ఇది మరింతగా పెరిగింది.

టీసీఎస్ లో అధికం

టీసీఎస్ లో అధికం

ఉద్యోగుల నియామకాల్లో టీసీఎస్ ముందుంటోంది. సెప్టెంబర్ త్రైమాసికంలో ఈ కంపెనీ గతంలో ఉన్న తన రికార్డును తానే బ్రేక్ చేసుకుంది. ఈ త్రైమాసికంలో కంపెనీ నికరంగా 14,097 మంది ఉద్యోగులను నియమించుకుంది. ఒక త్రైమాసికంలో ఇవే అత్యధిక నియామకాలు. ఇంతకు ముందు మొదటి త్రైమాసికంలో 12,356 మందిని కంపెనీ నియమించుకుంది.

ఇన్ఫోసిస్

ఇన్ఫోసిస్

ఇన్ఫోసిస్ సెప్టెంబర్ త్రైమాసికంలో 7,457 మందిని నియమించుకుంది. జూన్ త్రైమాసికంలో నికరంగా కంపెనీ నియమించుకున్న ఉద్యోగుల సంఖ్య కేవలం 906 మాత్రమే. గత ఏడాది సెప్టెంబర్ త్రైమాసికంలో 7,834 మందిని,

డిసెంబర్ త్రైమాసికంలో 7,762 మందిని, ఈ ఏడాది మార్చి త్రైమాసికంలో 2,622 మందిని కంపెనీ నియమించుకుంది.

విప్రో

విప్రో

విప్రో ఈ ఆర్థిక సంవత్సరం సెప్టెంబర్ త్రైమాసికంలో 6,603 ,మందిని, జూన్ త్రైమాసికంలో 3,425 మందిని నియమించుకుంది. గత ఏడాది సెప్టెంబర్ త్రైమాసికంలో 10,687 మందిని, డిసెంబర్ త్రైమాసికంలో 928 మందిని కంపెనీ నికరంగా ఉద్యోగాల్లోకి తీసుకుంది.

పెరుగుతున్న ఆర్డర్లు

పెరుగుతున్న ఆర్డర్లు

ఐటీ కంపెనీలకు ఆర్డర్లు పెరుగుతున్నాయి. భవిష్యత్ కూడా ఆశాజనకంగానే కనిపిస్తోంది. ఈ నేపథ్యంలో కంపెనీలు ఎక్కువ మందిని నియమించుకోవడానికి ఆసక్తి చూపుతున్నాయని పరిశ్రమ వర్గాలు చెబుతున్నాయి.

ఉద్యోగులకు శిక్షణ

ఉద్యోగులకు శిక్షణ

వర్ధమాన టెక్నాలజీలైన ఆర్టిఫీషియల్ ఇంటెలీజెన్స్, ఇంటర్నెట్ అఫ్ థింగ్స్, మెషిన్ లాంగ్వాజ్ లకు ప్రాధాన్యం పెరుగుతున్న నేపథ్యంలో అందుకు అనుగుణంగా కంపెనీలు తమ ఉద్యోగులను సిద్ధం చేసుకుంటున్నాయి. ఇందులో భాగంగా ఉద్యోగులకు శిక్షణ ఇస్తున్నాయి. టీసీఎస్ సెప్టెంబర్ చివరినాటికి 3.22 లక్షలకు పైగా ఉద్యోగులకు శిక్షణ ఇచ్చింది. మిగతా కంపెనీలు కూడా ఇదే పని చేస్తున్నాయి. ఇక కంపెనీలు తమ ఉద్యోగుల వలసలను తగ్గించుకోవడానికి కూడా తగిన వ్యూహాలు అనుసరిస్తున్నాయి.

English summary

Hiring in IT Software still gives most jobs

IT Software and BPO industry still continue to dominate the employment scenario with a 33% and 19% jump in new job opportunities during September.
Story first published: Wednesday, October 16, 2019, 14:38 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more