For Quick Alerts
ALLOW NOTIFICATIONS  
For Daily Alerts

ఎయిరిండియా నిర్వహణ నష్టం రూ.4,600 కోట్లు, పాక్ ఎఫెక్ట్ కూడా...

|

ప్రభుత్వరంగ ఎయిరిండియా 2018-19 ఆర్థిక సంవత్సరంలో రూ.4,600 కోట్ల నిర్వహణ నష్టాన్ని చవిచూసింది. ఇంధన ధరలు పెరగడానికి తోడు విదేశీ మారకపు ద్రవ్య విలువల్లో వచ్చిన మార్పు ఇందుకు కారణమని సంస్థ తెలిపింది. పెరిగిన ధర వల్ల ప్రస్తుత ఆర్థిక సంవత్సరంలో రూ.700 నుంచి రూ.800 కోట్ల నిర్వహణ లాభాలు ఆర్జిస్తామని ఎయిరిండియా అధికారులు ఆశాభావం వ్యక్తం చేస్తున్నారు.

గత ఆర్థిక సంవత్సరానికి గాను రూ.26,400 కోట్ల ఆదాయంపై రూ.8,400 కోట్ల నికర నష్టాలను ప్రకటించింది. ఇందులో నిర్వహణా నష్టం రూ.4,600 కోట్లు. అధిక ఇంధన ధరలు, డాలర్‌తో రూపాయి మారకం రేటు అంశాలు కలిసి వస్తే 2019-20 ఆర్థిక సంవత్సరంలో రూ.700 కోట్ల నుంచి రూ.800 కోట్ల వరకు నిర్వహణ లాభాలు ఆర్జించే అవకాశముందని కూడా పేర్కొనడం గమనార్హం.

బంగారంపై ఎంతకాలానికి రుణం తీసుకోవాలో తెలుసా మీకు?

ఎయిరిండియా నిర్వహణ నష్టం రూ.4,600 కోట్లు, పాక్ ఎఫెక్ట్ కూడా.

అయితే చమురు ధర 60డాలర్లకు తక్కువ ఉంటేనే ఇది సాధ్యమవుతుందని అంచనా. ప్రస్తుత ఆర్థిక సంవత్సరంలో తొలి నాలుగు నెలల్లో ఎయిరిండియాకు నష్టాలు తప్పలేదు. దేశీయంగా 72 ప్రాంతాలకు, అంతర్జాతీయంగా 41 గమ్యస్థానాలను చేరవేస్తున్న ఎయిరిండియా 2019-20 తొలి త్రైమాసికంలో రూ.200 కోట్ల వరకు నిర్వహణ నష్టాన్ని చవిచూసింది. ఏప్రిల్‌-జూలై మధ్య కాలంలో కంపెనీ రూ.430 కోట్ల నికర నష్టాలు చవిచూసింది.

జెట్ విమానాలు రద్దు కావడం వల్ల సీట్ల భర్తీ పెరిగినా బాలాకోట్‌లో దాడుల తర్వాత తమ గగన మార్గంలో ప్రయాణానికి భారత్ విమానాలను పాకిస్తాన్ అనుమతించలేదు. దీంతో వేరేమార్గాల్లో వెళ్లేందుకు రోజుకు రూ.3 నుంచి రూ.4 కోట్ల అదనపు ఖర్చు అయింది.

English summary

Air India posts Rs.4,600 cr operating loss in 2018-19

Air India posted an operating loss of around Rs 4,600 crore in the last financial year mainly due to higher oil prices and foreign exchange losses but the debt laden carrier expects to turn operationally profitable in 2019-20, according to senior officials.
Story first published: Monday, September 16, 2019, 9:10 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more