For Quick Alerts
ALLOW NOTIFICATIONS  
For Daily Alerts

ట్రాఫిక్ ఉల్లంఘిస్తున్నారా.. జాగ్రత్త: ఇతనికి రూ.23,000 ఫైన్ పడింది

|

గురుగ్రామ్: కొత్త మోటార్ వెహికిల్ యాక్ట్ ప్రకారం భారీ జరిమానాలు సెప్టెంబర్ 1వ తేదీ నుంచి అమలులోకి వచ్చిన విషయం తెలిసిందే. రెండు మూడు రాష్ట్రాల్లో మినహా దీనిని దేశంలో అంతటా అమలు చేస్తున్నారు. ఇదివరకు ఉన్న ట్రాఫిక్ చలాన్ల కంటే పది రెట్ల జరిమానాను ఇప్పుడు విధిస్తున్నారు. ఇందులో భాగంగా గురుగ్రామ్‌కు చెందిన ఓ వ్యక్తికి ఏకంగా రూ.23,000 జరిమానా విధించారు పోలీసులు. కొత్త ట్రాఫిక్ నిబంధనల పట్ల మరింత జాగ్రత్తగా ఉండాలని ఇది హెచ్చరిస్తోంది. ట్రాఫిక్ నిబంధనలు ఉల్లంఘించాలంటే ఇప్పుడు ఒకటికి పదిసార్లు ఆలోచించాలి.

పిల్లలకూ హెల్మెట్.. ఇక భారీ ఫైన్: సెప్టెంబర్ 1 నుంచే కొత్త వాహన చట్టం

రూ.23,000 జరిమానా

రూ.23,000 జరిమానా

ఢిల్లీకి చెందిన దినేష్ మదన్ అనే వ్యక్తి తన బైక్ పైన వెళ్తున్నాడు. అతనిని ట్రాఫిక్ పోలీసులు ఆపారు. లైసెన్స్, ఆర్సీ డాక్యుమెంట్స్ ఇంటివద్ద ఉండిపోయాయి. లైసెన్స్, ఆర్సీ లేకపోవడంతో పాటు హెల్మెట్ పెట్టుకోకపోవడం, ఇన్సురెన్స్ లేకపోవడం వంటి పలు ట్రాఫిక్ నిబంధనల ఉల్లంఘన కింద అతనికి రూ.23,000 జరిమానా వేశారు పోలీసులు.

రూ.15 వేల బైక్.. అంతకంటే ఎక్కువ జరిమానా

రూ.15 వేల బైక్.. అంతకంటే ఎక్కువ జరిమానా

తన చలాన్‌ను చూసి షాకైన దినేష్ మదన్‌కు ఏం చేయాలో ఆర్థం కాలేదు. అతను ఈ బైక్‌ను సెకండ్ హ్యాండ్‌లో రూ.15 వేలకు కొనుగోలు చేశాడు. కానీ అతనికి పడిన జరిమానా రూ.23 వేలు. దీంతో అతను ఆ బైక్‌ను అక్కడే వదిలేసి వచ్చాడు. లైసెన్స్ లేని డ్రైవింగ్, రిజిస్ట్రేషన్ సర్టిఫికేట్ లేకుండా డ్రైవింగ్, థర్డ్ పార్టీ ఇన్సురెన్స్ లేని డ్రైవింగ్, ఎయిర్ పొల్యూషన్ నిబంధనల ఉల్లంఘన,హెల్మెట్ లేని డ్రైవింగ్‌కు గానూ అతనికి ఈ భారీ జరిమానా పడింది.

షాకయ్యా...

షాకయ్యా...

దీనిపై దినేష్ మదన్ మాట్లాడుతూ... చలాన్ చూసి నేను షాకయ్యానని, ఇది చిన్న మొత్తం ఏమీ కాదని, ప్రస్తుతం తన వద్ద డాక్యుమెంట్స్ లేవని, ఇంటి వద్ద ఉన్నాయని పోలీసులకు తాను చెప్పానని, కానీ 10 నిమిషాల్లో వాటిని తీసుకు రావాలని చెప్పారని, కానీ ఢిల్లీలో ఉండే తాను గురుగ్రామ్‌కు అంత త్వరగా ఎలా తీసుకు వస్తానని, దీంతో పోలీసులు తన బైక్ కీ తీసుకున్నారని చెప్పారు.

English summary

Gurugram man on scooter fined Rs.23,000 in one go under new traffic rules

traffic violators are facing steeper challans than ever before. One such incident has recently come to life as Dinesh Madan, a resident of Delhi, was fined a challan worth Rs 23,000 by Gurugram Police for flouting several rules.
Story first published: Tuesday, September 3, 2019, 18:45 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X