For Quick Alerts
ALLOW NOTIFICATIONS  
For Daily Alerts

గోల్డ్ ఈటీఎఫ్‌లకు భలే గిరాకీ.. జోరుగా పెరుగుతున్న పెట్టుబడులు

|

బంగారం ఎక్స్చేంజ్ ట్రేడెడ్ ఫండ్స్ (ఈటీఎఫ్ )కు గిరాకీ జోరుగా పెరుగుతోంది. స్టాక్ మార్కెట్లలో ఆనిచ్చిత పరిస్థితులు నెలకొనడం ఇందుకు దారితీస్తోంది. దీంతో గోల్డ్ ఈటీఎఫ్ ల నిర్వహణ లోని ఆస్తులు (ఏయూఎం) భారీగా పెరిగిపోతున్నాయి. ప్రస్తుత ఆర్థిక సంవత్సరం మొదటి నాలుగు నెలల కాలం (ఏప్రిల్-జులై)లో గోల్డ్ ఎక్స్చేంజి ట్రేడెడ్ ఫండ్స్ నిర్వహణలోని ఆస్తులు రూ . 5,079.22 కోట్లకు చేరుకున్నాయి. ఇదేకాలంలో దేశీయ స్టాక్ మార్కెట్ 3 శాతం మేర పడిపోయింది. మార్కెట్ల పతన భయాలతోనే ఇన్వెస్టర్లు పచ్చలోహంలో పెట్టుబడులు పెంచుకుంటున్నట్టు గణాంకాల ద్వారా తెలుస్తోంది.

స్మార్ట్ టీవీల మార్కెట్లో మొబైల్ ఫోన్ కంపెనీల హవా...

ఏప్రిల్ నుంచి పెరుగుదల

ఏప్రిల్ నుంచి పెరుగుదల

* మార్న్ఇంగ్ స్టార్ గణాంకాల ప్రకారం గోల్డ్ ఈటీఎఫ్స్ నిర్వహణలో ఆస్తులు ఈ ఏడాది ఏప్రిల్ నుంచి పెరుగుతున్నాయి. ఇదే కాలంలో (ఏప్రిల్-జులై) బొంబాయి స్టాక్ ఎక్స్చేంజి సూచి సెన్సెక్స్ 1,191.79 పాయింట్లు తగ్గింది. జులై లో బీఎస్ఈ బెంచ్ మార్క్ ఇండెక్స్ సెన్సెక్స్ మే నెలతో పోల్చితే దాదాపు 5 శాతం తగ్గింది.

* ఇంతకు ముందు బంగారం ధరలు తక్కువ స్థాయిలో ఉండటం వల్ల చాలా వరకు ఇన్వెస్టర్లు ఈటీఎఫ్ లకు దూరంగా ఉన్నారు. అయితే ఈ మధ్యకాలంలో ధరలు పెరుగుతున్న కారణంగా మళ్ళి వీటిపై వారి దృష్టిపడింది. అందుకే వీటిలో పెట్టుబడులు పెరుగుతున్నాయి.

* బంగారం అనేది ద్రవ్యోల్భణం పెరుగుదల ఉన్న సందర్భంలో హెడ్జింగ్ కు పనికి వస్తుంది. అంతే కాకుండా ఆర్థిక మాంద్యం పరిస్థితుల్లో ఆదుకుంటుంది.

వాణిజ్య యుద్ధం ఎఫెక్ట్

వాణిజ్య యుద్ధం ఎఫెక్ట్

* అమెరికా - చైనా మధ్య వాణిజ్య యుద్ధం నేపథ్యంలో బాండ్ రాబడులు తగ్గిపోయాయి. ఆర్థిక మాంద్యం భయాలు కూడా పెరిగిపోయాయి. ఈ నేపథ్యంలో ఇన్వెస్టర్లు బంగారం కొనుగోలు చేయడానికి ప్రాధాన్యం ఇస్తున్నారు. ఫిజికల్ బంగారానికి బదులుగా ఇప్పుడు చాలా మంది గోల్డ్ ఈటీఎఫ్ లను కొనుగోలు చేస్తుంటారు.

గోల్డ్ ఈటీఎఫ్స్ నిర్వహణలోని ఆస్తులు ఇలా ఉన్నాయి..

గోల్డ్ ఈటీఎఫ్స్ నిర్వహణలోని ఆస్తులు ఇలా ఉన్నాయి..

ఏప్రిల్ : రూ. 4,594.06 కోట్లు

మే : రూ. 4,606.69 కోట్లు

జూన్ : రూ. 4,931.16 కోట్లు

జులై : రూ. 5,079.22 కోట్లు

ఆర్ధిక ఆనిచ్చిత వాతావరణం నెలకొన్న నేపథ్యంలో రానున్న కాలంలో బంగారం ధరలు మరింతగా పెరిగే అవకాశం ఉండవచ్చని విశ్లేషకులు చెబుతున్నారు. ఫలితంగా గోల్డ్ ఏటీఎఫ్ లకు డిమాండ్ ఇంకా వృద్ధి చెందవచ్చని చెబుతున్నారు.

English summary

Assets under gold ETFs jump to Rs.5,000 cr amid fears of economic headwinds

Assets managed by gold exchange traded funds rose to Rs.5,079.22 crore in the first four months of the current fiscal.
Story first published: Monday, August 26, 2019, 9:45 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more