For Quick Alerts
ALLOW NOTIFICATIONS  
For Daily Alerts

కంపెనీల వేటలో డాక్టర్ రెడ్డీస్..

|

హైదరాబాదీ ఫార్మా దిగ్గజం డాక్టర్ రెడ్డీస్ లాబొరేటరీస్ భారీ స్థాయిలో వృద్ధిని సాధించాలని అనుకుంటోంది. సొంతంగా వ్యాపారాన్ని పెంచుకోవడమే కాకుండా ఇతర కంపెనీలను కొనుగోలు చేయడం ద్వారా ఆశించిన స్థాయిలో వృద్ధిని సాధించాలని భావిస్తోంది. వేగవంతంగా వృద్ధిని నమోదు చేసుకునేందుకు ఇతర కంపెనీలను లేదా ఎక్కువ అమ్మకాలు ఉండే ఔషధాలను కొనుగోలు చేయడమే కంపెనీ ముందున్న తక్షణ మార్గంగా ఉంది. డాక్టర్ రెడ్డీస్ కు భారత మార్కెట్ తో పాటు అమెరికా, యూరప్, చైనా, రష్యా దేశాలు ముఖ్యమైన మార్కెట్లుగా ఉన్నాయి. ఈ మార్కెట్లలో వ్యాపార అవకాశాలు కూడా ఎక్కువగానే ఉన్నాయి. ప్రస్తుతం కంపెనీకి అప్పులు మరీ అంతగా లేదు. కాబట్టి అవసరమైతే సులభంగా నిధులు సమకూర్చుకొని కొనుగోళ్లపై దృష్టి సారించే అవకాశం ఉంటుంది. కంపెనీ కొత్త ఉత్పత్తులను తీసుకురావడానికి అధిక ప్రాధాన్యం ఇస్తోంది.

లాభాల్లో జోరు...

* ప్రస్తుత ఆర్థిక సంవత్సరం (2019-20) జూన్ తో ముగిసిన మొదటి త్రైమాసికానికి డాక్టర్ రెడ్డీస్ లాబొరేటరీస్ కన్సాలిడేటెడ్ ప్రాతిపదికన రూ. 663 కోట్ల నికర లాభాన్ని నమోదు చేసుకుంది.

* క్రితం ఆర్థిక సంవత్సరం (2018-19) జూన్ త్రైమాసికం (రూ. 456 కోట్లు ) తో పోల్చితే లాభం 45.31 శాతం పెరగడం విశేషం.

* సమీక్ష త్రైమాసికంలో మొత్తం ఆదాయం రూ. 3,721 కోట్ల నుంచి రూ. 3,844 కోట్లకు పెరిగింది.
* ఉత్తర అమెరికాలో కంపెనీ ఆదాయాలు 3 శాతం, రష్యాలో 5 శాతం, సి ఐ ఎస్ దేశాలు-రుమేనియా ఆదాయాలు 2 శాతం, యూరప్ ఆదాయాలు 19 శాతం మేర పెరిగాయి. మనదేశంలో ఆదాయాలు 15 శాతం పెరగడం విశేషం.
* గత జూన్ 30 నాటికి అమెరికా ఆహార, ఔషధ నియంత్రణ సంస్థ (యు ఎస్ ఎఫ్ డీ ఏ ) వద్ద పెండింగ్ లో ఉన్న జనరిక్ ఔషదాల దరఖాస్తులు 107 వరకు ఉన్నాయి.
* జూన్ త్రైమాసికంలో కంపెనీ 5 కొత్త ఔషధాలను కంపెనీ మార్కెట్లోకి విడుదల చేసింది.
* కంపెనీ పరిశోధన, అభివృద్ధి వ్యయాలు మొదటి త్రైమాసికంలో రూ. 360 కోట్లు గా ఉన్నాయి.
* ప్రస్తుతం ఈ కంపెనీలో ఇరవై వేల వరకు ఉద్యోగులు పనిచేస్తున్నారు.
* కంపెనీ చీఫ్ ఆపరేటింగ్ ఆఫీసర్ గా ఉన్న ఎరేజ్ ఇజ్రాయిలీ కి పదోన్నతి కల్పించి సీఈవోగా నియమించారు. ఆగస్టు ఒకటో తేదీ నుంచి అయన కొత్త పదవీ భాద్యతలు స్వీకరిస్తారు.

ఏ మరణాలకు టర్మ్ ఇన్సూరెన్సు వర్తిస్తుందో తెలుసా?

కంపెనీల వేటలో డాక్టర్ రెడ్డీస్..

షేరు ధరపై ఆశావహం

* గత మూడు నెలల కాలాన్ని పరిగణనలోకి తీసుకుంటే డాక్ట ర్ రెడ్డీస్ షేరు ధర తగ్గుముఖంలో ఉంది.
* బుధవారం నాడు ఈ షేరు ధర రూ. 2,568 స్థాయిలో కదలాడింది.
* అయితే రానున్న కాలంలో షేరు ధర పెరగడానికి అవకాశం ఉందని హెచ్ డీ ఎఫ్ సి సెక్యూరిటీస్ వంటి సంస్థలు అంచనా వేస్తున్నాయి.

English summary

Dr Reddy's Q1 result: Net profit rises 45% YoY to Rs 662.8cr led by one off gain

Dr Reddy's Laboratories on June 29 reported a net profit of Rs 662.8 crore in the quarter-ended June 31, a jump of 45 percent year-on-year basis, led by a one time gain.
Story first published: Thursday, August 1, 2019, 7:39 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X