For Quick Alerts
ALLOW NOTIFICATIONS  
For Daily Alerts

ఈ కారణాలతో మీ బీమా ప్రీమియం పెరుగుతుంది.. అవేమిటంటే..

|

ఎంతో కొంత ఆదాయం సంపాదిస్తే చాలు తనతో పాటు తన కుటుంబానికి రక్షణను కల్పించే జీవిత బీమా, ఆరోగ్య బీమా పాలసీలను తీసుకోవాలన్న ఆలోచన చాలా మందిలో కలుగుతోంది. ఈ బీమాలను తీసుకు సమయంలో వెల్లడించే పలు అంశాలు ప్రీమియంను నిర్ణయించడంలో కీలక పాత్ర పోషిస్తుంటాయి. వాటి గురించి తెలుసుకోవడం ద్వారా అలాంటి వాటికీ దూరంగా ఉంది బీమా ప్రీమియం భారాన్ని తగ్గించుకోవడానికి అవకాశం ఏర్పడుతుంది. అవేమిటో తెలుసుకుందాం..

* సాధారణంగా జీవిత బీమా కంపెనీలు వ్యక్తుల మరణాలు ఏ స్థాయిలో ఉన్నాయన్న అంశాన్ని ప్రధానంగా లెక్కలోకి తీసుకొని బీమా ప్రీమియంను నిర్ణయిస్తుంటాయి. ఆరోగ్య బీమా సంస్థలు అయితే బీమా తీసుకునే వ్యక్తికి ఉన్న అలవాట్లను లెక్కలోకి తీసుకొని బీమాను నిర్ణయిస్తాయి.

* వయసు, కుటుంబ చరిత్ర, ఇప్పటికే ఉన్న వ్యాధులు, జీవన శైలీ తదితర అంశాలను బట్టి బీమా ప్రీమియం ఆధార పడి ఉంటుంది.

* పొగ తాగడం, మద్యం సేవించడం, ఉద్యోగం, తల్లిదండ్రులు, సహోదరుల ఆరోగ్య చరిత్ర, ఇంటి చిరునామా వంటివి మరణాలను ప్రభావితం చేస్తుంటాయి.

* పొగ తాగడం వంటి అలవాటు ఉంటే కేన్సర్ వంటి వ్యాధులు రావడానికి అవకాశం ఉంటుంది.

ఈ కారణాలతో మీ బీమా ప్రీమియం పెరుగుతుంది.. అవేమిటంటే..

వయసు ప్రభావం ఎలాగుంటుందంటే..

* వయసును బట్టి బీమా ప్రీమియం ఆధారపడి ఉంటుంది. ఎక్కువ వయసు ఉంటే ఎక్కువ ప్రీమియం, తక్కువ వయసు ఉంటే తక్కువ ప్రీమియం ఉంటుంది.

* ఇరవై ఏళ్ల వయసు, ముప్పై ఏళ్ల వయసుకు మధ్య ప్రీమియంలో తేడా 5 శాతం ఎక్కువగా ఉంటే 40 ఏళ్ల వయసు వచ్చేసరికి 30 శాతం, 50 ఏళ్ళ వయసులో 145 శాతం, 60 ఏళ్ల వయసులో ప్రీమియం 400 శాతం వరకు ఎక్కువగా ఉంటుంది.

కుటుంబ చరిత్ర

* మీ కుటుంబంలోని వారు వ్యాధులతో బాధ పడుతూ ఉంటే వాటి ప్రభావం మీ బీమా ప్రీమియం పై పడుతుంది.

* కొన్ని వ్యాధులు జెనెటిక్ సంబంధితంగా ఉంటాయి. ఒకవేళ బీమా తీసుకునే సమయంలో మీ కుటుంబంలో ని వారికీ వ్యాధులు ఉన్నట్టు వెల్లడించకపోయినా ఒకవేళ హాస్పిటల్లో చేరినప్పుడు క్లెయిమ్ చేసుకుంటే అప్పుడు తెలిసిపోతుంది. క్లెయిమ్ తిరస్కరించే అవకాశం ఉండవచ్చు. అందుకే ప్రీమియం కోసం చూసుకోకుండా బీమా తీసుకునే టప్పుడే అన్ని విషయాలు తెలియజేయాలి.

మహిళలకు తక్కువ...

* పురుషులతో పోల్చితే మహిళలకు బీమా ప్రీమియం తక్కువ ఉంటుంది.

* మహిళల మరణాల రేటు తక్కువగా ఉండటమే ఇందుకు కారణమని గణాంకాల ద్వారా తెలుస్తోంది.

మరికొన్ని అంశాలు ..

* వ్యక్తులు చేసే ఉద్యోగాలను బట్టి బీమా ప్రీమియం పెరగడానికి అవకాశం ఉంటుంది.

* ప్రమాదకరమైన ప్రాంతాల్లో పనిచేసినా, కెమికల్స్ తదితరాల పరిశ్రమల్లో పనిచేసినా రిస్క్ ఎక్కువగా ఉంటుంది. ఇలాంటి వారికీ బీమా ప్రీమియం ఎక్కువ ఉంటుంది.

English summary

Things You Should Know About Insurance Points

Term insurance policies are associated with level premiums or increasing premiums depending on the type of policy and the insurance company.
Story first published: Tuesday, July 30, 2019, 17:18 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more