కోహ్లీ-ప్రియాంకచోప్రా ఇన్‌స్టాగ్రాం పోస్ట్‌కు ఎంత వసూలు చేస్తారంటే? టాప్ 10 వీరే

ఒక్క పోస్టుకు రూ.8.73 కోట్లు

ఇన్‌స్టాగ్రామ్ సంపాదనలో అమెరికా మోడల్, బిజినెస్ వుమెన్ కైలీ జెన్నర్ మొదటి స్థానంలో ఉన్నారు. ఇన్‌స్టాగ్రామ్‌లో ఆమె చేసే ప్రతి పోస్టుకు రూ.8.73 కోట్లు (1.26 మిలియన్ డాలర్లు) తీసుకుంటారు.

ఆ తర్వాత నాలుగు స్థానాల్లో కిమ్, సెలీనా

ఆ తర్వాత అరియానా గ్రాండె రూ.6.87 కోట్లు (996,000 డాలర్లు), క్రిస్టియానో రొనాల్డో రూ.6.72 కోట్లు (975,000 డాలర్లు), కిమ్ కర్దాషియన్ రూ.6.28 కోట్లు (910,000 డాలర్లు), సెలీనా గోమెజ్ రూ.6.11 కోట్లు (886,000 డాలర్లు)తో ఉన్నారు.

రూ.కోటికి పైగా చార్జ్ చేస్తున్న కోహ్లీ, ప్రియాంక

భారత్ నుంచి ఇద్దరు సెలబ్రిటీస్ ఉన్నారు. ప్రియాంక చోప్రా, కోహ్లీలు కూడా తమ పోస్టుకు కోట్లు వసూలు చేస్తున్నారు. ప్రియాంక చోప్రా రూ.1.87 కోట్లు (271,000 డాలర్లు), కోహ్లీ రూ.1.35 కోట్లు (196,000 డాలర్లు) వసూలు చేస్తున్నారు. ఈ జాబితాలో ప్రియాంక 19వ స్థానంలో, కోహ్లీ 23వ స్థానంలో ఉన్నారు.

టాప్ 5 నుండి టాప్ 10 వీరే

ఈ జాబితాలో హాలీవుడ్ యాక్టర్, ఫార్మర్ WWE రెజ్లర్ డ్వేన్ 'ది 'రాక్' జాన్సన్ ఆరో స్థానంలో ఉన్నాడు. సింగర్, సాంగ్ రైటర్ బియోన్స్ నోల్స్ ఏడో స్థానంలో, సింగర్ టేలర్ స్విఫ్ట్ ఎనిమిదో స్థానంలో, బ్రెజిలియన్ సాకర్ ప్లేయర్ నెయ్‌మార్ తొమ్మిదో స్థానంలో, కెనడియన్ సింగర్ జస్టిన్ బీబర్ పదో స్థానంలో ఉన్నారు. వీరు రూ.5 కోట్లకు అటు ఇటుగా ఛార్జ్ చేస్తున్నారు.