For Quick Alerts
ALLOW NOTIFICATIONS  
For Daily Alerts

మూడు రోజుల లాభాలు హుష్‌కాకి ! బ్యాంకులను బాదేశారు

|

మూడు రోజుల వరుస లాభాలకు మళ్లీ గట్టి బ్రేక్ పడింది. రెండు అడుగు ముందుకు, నాలుగు అడుగులు వెనక్కి అనేట్టుగా సాగుతోంది స్టాక్ మార్కెట్ ట్రెండ్. బ్యాంక్స్ నీరసానికి తోడు ఆటో, రియాల్టీ, మెటల్ రంగ స్టాక్స్ కూడా తోడయ్యాయి. వీటిల్లో భారీ అమ్మకాల ఒత్తిడి నిఫ్టీని 11, 600 పాయింట్ల మార్కు దిగువకు తీసుకువచ్చింది. ఉదయం నుంచి ఏ దశలోనూ కోలుకున్న దాఖలాలు కనిపించలేదు. మార్కెట్ ప్రారంభంలో నిఫఅటీ 11677 స్థాయిని తాకింది. అదే ఈ రోజుకు గరిష్ట స్థాయి. అక్కడి నుంచి సెల్లింగ్ కొనసాగుతూనే వచ్చింది. మిడ్, స్మాల్ క్యాప్ ఇండెక్సులు కూడా రెండు శాతం వరకూ దిగొచ్చాయి. చివరకు 318 పాయింట్ల నష్టంతో 38897 దగ్గర సెన్సెక్స్, 91 పాయింట్ల నష్టంతో 11597 దగ్గర నిఫ్టీ క్లోజైంది. బ్యాంక్ నిఫ్టీ కూడా 305 పాయింట్లు దిగొచ్చి 30430 వద్ధ స్థిరపడింది.

నిఫ్టీ మిడ్ క్యాప్ ఇండెక్స్ 2.36 శాతం, స్మాల్ క్యాప్ ఇండెక్స్ 1.19 శాతం దిగొచ్చింది. ఇతర సెక్టోరల్ ఇండిసిస్‌లో కొన్ని ఫైనాన్షియల్ సర్వీసెస్, మీడియా సంబంధ స్టాక్స్‌ మాత్రమే ఫరవాలేదనిపించాయి. ముఖ్యంగా పీఎస్‌యూ బ్యాంక్ ఇండెక్స్ 3 శాతానికిపైగా కోల్పోయింది. ఆ తర్వాత ఆటో, మెటల్, రియాల్టీ, ప్రైవేట్ బ్యాంక్ స్టాక్స్ కూడా దిగొచ్చాయి.

 మూడు రోజుల లాభాలు హుష్‌కాకి ! బ్యాంకులను బాదేశారు

ఈ రోజు మార్కెట్లో చివరకు హెచ్ డి ఎఫ్ సి, విప్రో, జీ ఎంటర్‌టైన్మెంట్, బ్రిటానియా, హెచ్ డి ఎఫ్ సి బ్యాంక్ టాప్ గెయినర్స్‌గా నిలిచాయి.

యెస్ బ్యాంక్, ఓఎన్జీసీ, కోల్ ఇండియా, టాటా మోటార్స్, మారుతి స్టాక్స్ లూజర్స్ జాబితాలో చేరాయి.

రూ.11కి వోడాఐడియా

దేశంలోని ప్రధాన టెలికాం దిగ్గజ సంస్థ షేర్ నానాటికీ తీసికట్టుగా మారుతోంది. రూ.11 స్థాయికి దిగొచ్చేశాయి స్టాక్ ధరలు. సుమారు 20 లక్షల షేర్లు బ్లాక్ డీల్ ద్వారా చేతులు మారడంతో ఈ స్టాక్ ఈ రోజు మరింతగా నీరసించింది. ఇంట్రాడేలో మరింతగా నీరసించినప్పటికీ చివరకు రూ.11.30 దగ్గర క్లోజైంది స్టాక్.

మైండ్ ట్రీకి రిజల్ట్స్ దెబ్బ

ఎల్ అండ్ టి బలవంతపు టేకోవర్ వ్యవహారంతో పాటు ఇండస్ట్రీ కష్టాలు ఎదుర్కొన్న మైండ్ ట్రీ ఊహించినట్టుగా నిరుత్సాహక త్రైమాసిక ఫలితాలను వెల్లడించింది. ఆదాయంలో కేవలం 0.8 శాతం వృద్ధి మాత్రమే నమోదైంది. ప్రాఫిట్ మార్జిన్లు కూడా 14 నుంచి 10 శాతానికి దిగిరావడం మరింతగా ఆందోళనలోకి నెట్టింది. వీటికి తోడు పాత యాజమాన్యం మొత్తం వైదలొగడంతో ఈ రోజు ఎల్ అండ్ టి ఏఎం నాయక్.. మైండ్ ట్రీ ఛైర్మన్‌గా నియమితులయ్యారు. దీంతో ఈ స్టాక్ ఈ రోజు 10 శాతానికి పైగా పతనమైంది. చివరకు 8 శాతం నష్టంతో రూ.691 దగ్గర స్థిరపడింది.

తల్వాల్కర్ .. నాట్ ఫిట్

ప్రముఖ ఫిట్నెస్ ట్రైనింగ్ సంస్థ తల్వాల్కర్స్, తల్వాల్కర్స్ జిమ్ స్టాక్స్‌కు ఈ రోజు 20 శాతం డౌన్ సీలింగ్ పడ్డాయి. ఈ రెండు స్టాక్స్ వరుసగా నాలుగు రోజుల నుంచి నష్టాల్లోనే కొట్టుమిట్టాడుతున్నాయి. సాధారణ వాల్యూమ్స్ కంటే అధికంగా షేర్లు ట్రేడయ్యాయి. ప్రత్యేక కారణాలు ఇంకా తెలియరానప్పటికీ స్టాక్స్ మాత్రం పతనమవుతూనే ఉన్నాయి. తల్వాల్కర్స్ ఫిట్నెస్ రూ.39, తల్వాల్కర్స్ జిమ్ రూ.73 దగ్గర క్లోజయ్యాయి.

హెచ్ డి ఎఫ్ సి ఏఎంసి

మెరుగైన త్రైమాసిక ఫలితాలను వెల్లడించిన హెచ్.డి.ఎఫ్.సి. అసెట్ మేనేజ్మెంట్ కంపెనీ నానాటికీ బలం పుంజుకుటోంది. మార్కెట్ నీరసంగా ఉన్నా మొదటి క్వార్టర్లో 42 శాతం లాభాల వృద్ధిని ఈ సంస్థ నమోదు చేసింది. దీంతో స్టాక్ ఈ రోజు కూడా సుమారు 5 శాతం పెరిగింది. చివరకు రూ.2170 దగ్గర క్లోజైంది. రికార్డుల దిశగా దూసుకుపోతోంది.

యెస్ బ్యాంక్‌కు రిజల్ట్స్ దెబ్బ

నిరుత్సాహక త్రైమాసిక ఫలితాలను వెల్లడించడంతో పాటు గతంలో ఎప్పుడూ లేని విధంగా నష్టాలను ప్రకటించిన నేపధ్యంలో యెస్ బ్యాంక్ స్టాక్ కుదేలవుతోంది. పెరిగిన ప్రొవిజన్స్, మొండిబకాయిల భారం కూడా కుదిపేస్తున్నాయి. దీంతో ఈ స్టాక్ 13 శాతం కోల్పోయి రూ.85.80 దగ్గర క్లోజైంది.

ప్రభుత్వ బ్యాంకుల్లో ఆందోళన

ప్రత్యేకమైన కారణాలేవీ లేనప్పటికీ ఈ మధ్య కొద్దో గొప్పో పెరిగిన ప్రభుత్వ బ్యాంకింగ్ స్టాక్స్‌లో అమ్మకాల ఒత్తిడి మరింతగా పెరిగింది. దీంతో బ్యాంక్ ఆఫ్ బరోడా, కెనెరా బ్యాంక్, అలహాబాద్ బ్యాంక్, ఓరియంటల్ బ్యాంక్ స్టాక్స్ 4 శాతం వరకూ దిగొచ్చాయి. ఇదే బాటలో ప్రైవేట్ బ్యాంక్ స్పేస్‌లోని ఫెడరల్ బ్యాంక్ 4 శాతం, ఐడీఎఫ్‌సీ ఫస్ట్ 2 శాతం నీరసించాయి.

English summary

Bank stocks drag Sensex 318 points down, Nifty below 11,600

The BSE Sensex was down 318.18 points at 38,897.46 and the Nifty50 fell 90.60 points to 11,596.90. More than two shares declined for every share rising on the BSE.
Story first published: Thursday, July 18, 2019, 17:06 [IST]
Company Search
Thousands of Goodreturn readers receive our evening newsletter.
Have you subscribed?
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more