For Quick Alerts
ALLOW NOTIFICATIONS  
For Daily Alerts

డొనాల్డ్ ట్రంప్ దెబ్బ, చమురుపై భారత్‌కు యూఏఈ అండ

|

న్యూఢిల్లీ: ఇరాన్‌పై అమెరికా ఆంక్షలు విధించిన నేపథ్యంలో ఆ దేశం నుంచి చమురు దిగుమతి చేసుకుంటున్న చైనా, భారత్ వంటి దేశాలకు ఇబ్బందికరంగా మారింది. ఇరాన్ నుంచి చుమురు దిగుమతులు చేసుకోవద్దని ట్రంప్ నేతృత్వంలోని అమెరికా ఇప్పటికే హెచ్చరికలు జారీ చేసింది. ఈ నేపథ్యంలో భారత్ ప్రత్యామ్నాయ మార్గాలు అన్వేషిస్తోంది. ఇందులో భాగంగా యునైటెడ్ అరబిక్ ఎమిరేట్స్ (UAE) భారత్‌కు అవసరమైన చమురు దిగుమతి చేసేందుకు ముందుకు వచ్చింది.

మీరు గవర్నమెంట్ ఉద్యోగి అయితే.. హోమ్‌లోన్స్ చాలా చవక

భారత్‌కు యూఏఈ చేయూత

భారత్‌కు యూఏఈ చేయూత

ఇదివరకు కూడా చమురు సమస్య వచ్చినప్పుడు భారత్‌కు తాము సరఫరా చేశామని, ఇప్పుడు కూడా లోటు పూడ్చుతామని యూఏఈ హామీ ఇచ్చిందని భారత్‌లోని ఆ దేశ రాయబారి అహ్మద్ ఆల్ బన్నా అన్నారు. ఇరాన్ నుంచి చమురు దిగుమతులు నిలిపేయాలని భారత్, చైనా సహా ఎనిమిది దేశాలకు అమెరికా హెచ్చరికలు జారీ చేసింది. ఇది మే నెల మొదటి వారంలోనే ముగిసింది. అమెరికా కొనుగోలుదారులతో చేసుకున్న ఒప్పందం గత మే నెలలో ముగియడంతోనే ఇరాన్‌ నుంచి చమురు దిగుమతిని భారత్‌ నిలిపివేసింది.

హార్మూర్ జలసంధిపై ట్రంప్

హార్మూర్ జలసంధిపై ట్రంప్

ఇరాన్ - అమెరికా ఘర్షణ భారత్, చైనా ఇంధన సరఫరాపై కూడా ప్రభావం చూపిస్తోంది. మరోవైపు, హార్మూర్ జలసంధి వద్ద చమురు ట్యాంకర్లపై దాడి, అమెరికా ౌకాదళ డ్రోన్‌ను ఇరాన్ బలగాలు కూల్చి వేయడంతో ఇరుదేశాల మధ్య మరింత ఉద్రిక్తతలకు కారణమైంది. ఈ నేపథ్యంలో ట్రంప్ తాజాగా ట్వీట్ చేస్తూ... చైనా 91శాతం, జపాన్ 62శాతం చమురు ట్యాంకర్లు హర్మూజ్ జలసంధి నుంచే వెళుతున్నాయని, అలాంటప్పుడు ఇతర దేశాల కోసం ఈ జలసంధిలోని నౌకామార్గాలను తాము ఫ్రీగా ఎందుకు కాపాడాలని, నిత్యం ప్రమాదకరంగా ఉండే ఈ మార్గంలో ఆ దేశాలే వారి నౌకలను రక్షించుకోవాలని, అసలే ఇది ప్రమాదకరమైన ప్రయాణమని, ఇక్కడ ఉండాల్సిన అవసరం తమకైతే లేదని, అసలు ప్రపంచంలో అత్యధిక ఇంధనాన్ని తామే ఉత్పత్తి చేస్తున్నామని, తాము ఇరాన్‌ను అణ్వాయుధాలను ప్రోత్సహించవద్దని, ఉగ్రవాదాన్ని ప్రోత్సహించవద్దని మాత్రమే కోరుతున్నామన్నారు. హార్మూర్ జలసంధి వద్ద ఎవరి ఆయిల్ ట్యాంకర్లు వారే రక్షించుకోవాలనేది ట్రంప్ ఉద్దేశ్యంగా కనిపిస్తోంది.

ఇండియా ఆపరేషన్ సంకల్ప్

ఇండియా ఆపరేషన్ సంకల్ప్

అయితే మన నౌకలను రక్షించుకోవడానికి వీలుగా మనకు తగినన్ని బలగాలు అరేబియా సముద్రంలో ఉన్నాయి. ఆపరేషన్ సంకల్ప్ పేరుతో ఇప్పటికే నౌకలను రక్షిస్తోంది. ఇవే పర్షియన్‌ గల్ఫ్‌కు వెళ్లి మన ఆయిల్‌ ట్యాంకర్లను రక్షించుకొంటాయి. కానీ, చైనాకు ఈ ప్రాంతంలో పెద్దగా నౌకాదళం లేదు.

English summary

UAE assures India to cover shortfall in oil supplies after US sanctions on Iran

The UAE has assured India that it will cover any shortfall in oil supplies following the US sanctions on Iran, United Arab Emirates Ambassador to India Ahmed Al Banna said Monday.
Story first published: Tuesday, June 25, 2019, 15:27 [IST]
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more