For Quick Alerts
ALLOW NOTIFICATIONS  
For Daily Alerts

అబ్బాయ్ 'లెక్క'చూసి మనసు మార్చుకున్న మహేష్ బాబు!: బైజూస్‌కు ప్రచారం

|

BYJU'S ఆంధ్రప్రదేశ్, తెలంగాణ రాష్ట్రాలపై దృష్టి సారించింది. ఇందులో భాగంగా టాలీవుడ్ హీరో మహేష్ బాబును తమ ప్రచారకర్తగా నియమించింది. ఇది ఎడ్యుకేట్ యాప్. విద్యార్థులకు అభ్యాసపరమైన శిక్షణకు ఉపకరించే ఎడ్యుకేట్ కంపెనీ బైజూస్ యాప్. దీనికి ఇప్పుడు సూపర్ స్టార్ ప్రచారకర్తగా వ్యవహరించనున్నారు. ఆంధ్రప్రదేశ్, తెలంగాణ మార్కెట్ల కోసం ఈ ప్రచార చిత్రం, సామాగ్రిని ప్రత్యేకంగా రూపొందించారు. విద్యార్థుల్లో మారిన అధ్యయన ధోరణులు, కాన్సెప్టువల్ లర్నింగ్ ప్రాధాన్యం వంటి అంశాలను ఈ యాడ్ హైలెట్ చేయనుంది.

ఏపీ, తెలంగాణ మార్కెట్లు ఎంతో కీలకం

ఏపీ, తెలంగాణ మార్కెట్లు ఎంతో కీలకం

ఈ సందర్భంగా BYJU'S చీఫ్ ఆపరేటింగ్ ఆఫీసర్ మృణాల్ మోహిత్ మాట్లాడారు. ఏపీ, తెలంగాణ మార్కెట్లు తమకు ఎంతో కీలకమైనవిగా భావిస్తున్నామని చెప్పారు. యాప్‌లో రెండు తెలుగు రాష్ట్రాల నుంచి నమోదవుతున్న విద్యార్థుల సంఖ్య రోజు రోజుకు బాగా పెరుగుతోందన్నారు. ఇప్పుడు మహేష్ బాబు ప్రచారం చేయడం ద్వారా తల్లిదండ్రులకు, విద్యార్థులకు మరింత చేరువ అయ్యేందుకు ఉపయోగపడుతుందన్నారు. విద్యార్థులు ప్రశ్నలు సంధించడాన్ని ప్రోత్సహించాలని, టెక్నాలజీ ఆధారిత అభ్యాసం ద్వారా సుదీర్ఘకాలం పాటు వారికి ఆ విషయాలు గుర్తుంటాయని నటుడు మహేష్ బాబు అన్నారు.

బాబాయ్‌గా మహేష్ బాబు

బాబాయ్‌గా మహేష్ బాబు

ఈ యాడ్ (ప్రకటన) విద్యార్థుల లర్నింగ్ హాబిడ్స్‌ను వికసింపచేసేదిగా, కాన్సెప్ట్‌వల్ లర్నింగ్, ప్రభావవంతమైన అభ్యాసం యొక్క ప్రాముఖ్యతను తెలియజేస్తుంది. ఈ యాడ్‌లో మహేష్ బాబు యంగ్ అంకుల్ (బాబాయి) రోల్‌లో కనిపిస్తారు. తన అన్నయ్య కొడుకు బైజూస్ యాప్ ద్వారా ఎంత చకచకా లెక్కలు చేయగలడో తెలుసుకునే బాబాయ్ రోల్‌లో మహేష్ బాబు కనిపిస్తున్నారు. తాను సరికొత్త పద్ధతిలో (బైజూస్ ద్వారా) లర్నింగ్ కాన్సెప్ట్ నేర్చుకున్నట్లు క్రికెట్ ఆడేందుకు వెళ్తున్న బాలుడు తన తండ్రి, బాబాయ్ (మహేష్ బాబు)కు చెబుతాడు.

ప్రచార వీడియోలో ఇలా.. ఇదీ యాడ్

క్రికెట్ ఆడేందుకు వెళ్తున్న తన అన్న కొడుకు రాహుల్‌తో మహేష్ బాబు.. అరేయ్ రాహుల్, చదువు మానేసి ఈ ఆటలేమిట్రా, వెళ్లి పుస్తకం తియ్, మ్యాచ్ గెలిస్తే సరిపోదని, మ్యాథ్స్ మళ్లీ మళ్లీ మళ్లీ ప్రాక్టీస్ చేయాలని చెబుతాడు.

దానికి ఆ బాలుడు బైజూస్ యాప్‌లో అర్థం చేసుకొని చదువుతానని, అందుకే లెక్కలు చకచకా చేయగలనని సవాల్ చేస్తాడు.

దానికి మహేష్ బాబు, ఈ కథలు మీ నాన్నకు చెప్పు, వీడికి అల్‌జీబ్రాలో గట్టి లెక్క ఒకటి చెప్పమని తన అన్నయ్యకు చెబుతాడు.

అప్పుడు ఆ అన్నయ్య ఓ లెక్క ఇస్తాడు.

తన అన్నయ్య అడిగిన లెక్కను ఉద్దేశించి మహేష్ బాబు.. ఏమడిగావు అన్నయ్యా, ఇప్పుడు చెప్పరా అని బాలుడిని ఉద్దేశించి అంటాడు.

దానికి బాలుడు ఎంతో సులభంగా లెక్క చెబుతాడు.

వెంటనే మహేష్ బాబు.. సూపర్రా, మన ఫ్యామిలీ ఫ్యామిలీ మొత్తం బ్రిలియంట్ అన్నయ్యా, అంటాడు.

చివరలో మీ పిల్లలు నేర్చుకునేందుకు ఓ కొత్త పద్ధతిని అందించండి. బైజూస్ డౌన్‌లోడ్ చేసుకోండి అని మహేష్ బాబు చెబుతాడు.

English summary

Tollywood actor Mahesh Babu to campaing for BYJU'S in AP and Telangana

BYJU’S has unveiled its latest regional ad campaign, targeting Telugu states.. Telangana and Andhra Pradesh and starring Tollywood actor Super Star Mahesh Babu.
Company Search