For Quick Alerts
ALLOW NOTIFICATIONS  
For Daily Alerts

జెట్ ఎయిర్‌వేస్‌లో కీలక మలుపు: నేడు నరేష్ గోయల్, అనిత రాజీనామా

|

న్యూఢిల్లీ: జెట్ ఎయిర్‌వేస్ సంక్షోభం నుంచి బయటపడే అవకాశాలు కనిపిస్తున్నాయి. ఈ సంస్థ చైర్మన్ నరేష్ గోయల్ బోర్డు నుంచి తప్పుకున్నారు. ఆయనతో పాటు అతని భార్య అనితా గోయల్ కూడా బోర్డు నుంచి వైదొలిగారు. వారు తప్పుకుంటారని ఉదయం నుంచి ప్రచారం సాగుతోంది.

పాతిక సంవత్సరాల క్రితం 1993లో నరేష్ గోయల్‌ తన సతీమణి అనితాతో కలిసి జెట్ ఎయిర్‌వేస్‌ను ఏర్పాటు చేశారు. గత కొంతకాలంగా జెట్ తీవ్ర ఆర్థిక సంక్షోభంలో కూరుకుపోయింది. గోయల్ తప్పుకోవాలని రుణాలు ఇచ్చిన ఎస్బీఐ నేతృత్వంలోని బ్యాంకుల కన్సార్టియం కోరుతోంది. ఈ నేపథ్యంలో గోయల్‌ రాజీనామా చేసే అవకాశముందని వార్తలు వస్తున్నాయి.

గోయల్ తప్పుకోవడంతో పాటు జెట్ ఎయిర్‌వేస్‌లో తన 51 శాతం వాటాను కూడా తగ్గించుకొనే అవకాశముంది. దాదాపు బిలియన్‌ డాలర్లకు పైగా అప్పులో కూరుకుపోయిన జెట్ ఎయిర్‌వేస్‌ ఇప్పుడు రుణాలు, లీజు డబ్బులు కూడా చెల్లించలేని పరిస్థితుల్లో ఉంది. ఇప్పటికే 119 విమానాలకు గాను సగానికి పైగా విమానాలు ఆగిపోయాయి.

జెట్ ఎయిర్‌వేస్‌ను టాటా సన్స్ ఆదుకునేనా?: చైర్మన్ గోయల్‌ను వెళ్లిపోమ్మంటున్న బ్యాంకర్లు

జెట్ ఎయిర్‌వేస్‌లో కీలక మలుపు: నరేష్ గోయల్, అనిత రాజీనామా

ఇటీవలే, ఒకప్పుడు దేశీయ విమాన రంగానికి దిక్సూచిలా ఉన్న జెట్ ఎయిర్‌వేస్ ప్రస్తుతం తీవ్ర ఆర్థిక సంక్షోభంలో కూరుకుపోయింది. ఇటీవల కాలంలో పైలెట్లు, ఇతర సిబ్బందికి జీతాలు చెల్లించక పోవడంతో వాళ్లు సమ్మెకు దిగారు. దాంతో ఎన్నో విమాన సర్వీసులను రద్దు చేసుకోవాల్సి వచ్చింది. ఇక తాజాగా విమానాల అద్దె చెల్లించక పోవడంతో పలు సంస్థలు జెట్ ఎయిర్‌వేస్‌కు తమ విమానాలను ఇవ్వడం మానేశాయి. దీంతో పలు అంతర్జాతీయ సర్వీసులను రద్దు చేస్తున్నట్లు జెట్ ఎయిర్‌వేస్ ప్రకటించింది.

ఏప్రిల్ 30 వరకు 13 అంతర్జాతీయ సర్వీసులు రద్దు చేశారు. వీటిలో ఎక్కువగా ముంబై, ఢిల్లీ నుంచి విదేశాలకు వెళ్లేవే ఉన్నాయి. అలాగే బెంగళూరు నుంచి ప్రతిరోజు రెండుసార్లు సింగపూర్ నడిపే సర్వీసును కూడా జెట్ ఎయిర్‌వేస్ విరమించుకుంది. ఢిల్లీ, ముంబై నుంచి విదేశాల‌కు వెళ్లే జెట్ ఎయిర్‌వేస్ విమానాల‌ను పూర్తిగా ర‌ద్దు చేస్తున్న‌ట్లు ఆ సంస్థ ప్రకటించింది. పుణె టు సింగ‌పూర్‌, పుణె టు అబుదాబి విమానాల‌ను ర‌ద్దు చేశారు. ముంబై నుంచి మాంచెస్ట‌ర్ వెళ్లే స‌ర్వీసుల‌ను ఇప్ప‌టికే నిలిపేశారు. ఆర్ధిక సంక్షోభం నేపధ్యంలోనే ఏప్రిల్ నెల చివ‌ర వ‌ర‌కు అంతర్జాతీయ సర్వీసులను రద్దు చేస్తున్నట్టు తెలుస్తుంది.

English summary

Jet Airways Rises Amid Report Of Naresh Goyal, Anita Goyal Stepping Down

Jet Airways shares surged on Monday after a report suggested that chairman Naresh Goyal and his wife Anita Goyal may step down from the board of directors of the cash-strapped airline. Shares of Jet Airways rose as much as 3.87 per cent to hit an intraday high of Rs. 234.80 on the NSE.
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more