వడ్డీ రేట్లు పెంచిన ఆ రెండు బ్యాంకులు మీరే చూడండి.

బ్యాంకులు

ఇండియన్‌ బ్యాంక్‌, కరూర్‌ వైశ్యా బ్యాంకులు నిధుల సమీకరణ వ్యవ ఆధారిత రుణ వడ్డీ రేటు (ఎంసీఎల్‌ఆర్‌)ను 0.10 శాతం వరకు పెంచుతున్నట్లు వెల్లడించాయి. దీంతో ఎంసీఎల్‌ఆర్‌తో సంబంధం ఉన్న ఆటో, గృహ, వ్యాపార రుణాల నెలవారీ వాయిదాలు మరింతగా పెరుగుతాయి.

ఐదేళ్ల కాలపరిమితి

ఇండియన్‌ బ్యాంక్‌ ఎంసీఎల్‌ఆర్‌ను మూడు నుంచి ఐదేళ్ల కాలపరిమితి గల రుణాలపై ఎంసీఎల్‌ఆర్‌ను 0.10 శాతం పెంచింది. కరూర్‌ వైశ్యా బ్యాంక్‌ ఆరు నెలలు, ఏడాది కాల పరిమితి రుణాలపై ఇదే స్థాయిలో ఎంసీఎల్‌ఆర్‌ను పెంచినట్లు తెలిపింది.

రెపో రేటు

వడ్డీ రేట్లను పెంచనున్నట్టు బ్యాంక్‌ ఆఫ్‌ మహారాష్ట్ర సంకేతాలు ఇచ్చింది. ఆర్‌బీఐ రెపో రేటును పెంచడానికి ముందే స్టేట్‌ బ్యాంక్‌ ఆఫ్‌ ఇండియా (ఎస్‌బిఐ), ఐసిఐసిఐ బ్యాంక్‌, హెచ్‌డిఎ్‌ఫసి బ్యాంక్‌లు తమ వడ్డీ రేట్లను పెంచిన విషయం తెలిసిందే.

తాజాగా వడ్డీ రేట్లను

ఇదే బాటలో మరికొన్ని బ్యాంకులు తాజాగా వడ్డీ రేట్లను పెంచాయి. ఆర్‌బీఐ రెపో రేటును 0.25 శాతం మేర పెంచిన నేపథ్యంలో ఇతర బ్యాంకులు కూడా తమ వడ్డీ రేట్లను పెంచడానికి అవకాశం ఉందని బ్యాంకింగ్‌ వర్గాలు చెబుతున్నాయి.