For Quick Alerts
For Daily Alerts
సరికొత్త రికార్డులను నమోదు చేసిన దేశ ఫారెక్స్ నిల్వలు
దేశ విదేశీ మారక నిల్వలు వరుసగా మూడో వారమూ సరికొత్త గరిష్ట స్థాయులకు చేరాయి. ఆర్బీఐ విడుదల చేసిన సమాచారం ప్రకారం జనవరి 5 తో ముగిసిన వారానికి ఇవి 1.75 బిలియన్ డాలర్లు పెరిగి దాదాపు రూ
|
దేశ విదేశీ మారక నిల్వలు వరుసగా మూడో వారమూ సరికొత్త గరిష్ట స్థాయులకు చేరాయి. ఆర్బీఐ విడుదల చేసిన సమాచారం ప్రకారం జనవరి 5 తో ముగిసిన వారానికి ఇవి 1.75 బిలియన్ డాలర్లు పెరిగి దాదాపు రూ.26.14 లక్షల కోట్ల(411.12 బిలియన్ డాలర్ల)కు చేరాయి. గత వారం ఈ నిల్వలు 409.5 బిలియన్ డాలర్లుగా ఉన్నాయి. విదేశీ మారకపు నిల్వల్లో ముఖ్యమైన విదేశీ కరెన్సీ ఆస్తులు (ఎఫ్సీఏలు) పెరగడమే ఇందుకు కారణం. ఈ వారంలో ఎఫ్సీఏలు రూ.13వేల కోట్లు(2.05 బిలియన్ డాలర్లు) పెరిగి 387.14 బిలియన్ డాలర్లుగా నమోదయ్యాయని ఆర్బీఐ వెల్లడించింది.
గత కొద్ది వారాలుగా స్థిరంగా కొనసాగుతూ వస్తున్న బంగారం నిల్వలు ఈ వారంలో 294.4 మిలియన్ డాలర్లు తగ్గి రూ.1.29 లక్షల కోట్లు(20.42 బిలియన్ డాలర్ల) వద్ద ఉన్నాయి. అంతర్జాతీయ ద్రవ్య నిధి (ఐఎంఎఫ్) వద్ద ఉన్న స్పెషల్ డ్రాయింగ్ రైట్స్ విలువ 32 లక్షల డాలర్లు పెరిగి 1.54 బిలియన్ డాలర్లుగా నమోదయ్యాయి.
Comments
English summary