పెరిగిన విదేశీ మార‌క నిల్వ‌లు

ప్ర‌స్తుత దేశంలో ఉన్న మొత్తం విదేశీ మార‌క నిల్వ‌లు రూ.25.85ల‌క్ష‌ల కోట్లు(401.84 బిలియ‌న్ డాల‌ర్లు)గా ఉన్నాయి.

| Published: Saturday, December 9, 2017, 12:12 [IST]

డిసెంబ‌రు 1,2017 నాటికి అధికారిక స‌మాచారం ప్ర‌కారం భార‌త‌దేశ విదేశీ మార‌క నిల్వ‌లు 1.20 బిలియ‌న్ డాల‌ర్లు పెరిగాయి. ప్ర‌స్తుత దేశంలో ఉన్న మొత్తం విదేశీ మార‌క నిల్వ‌లు రూ.25.85ల‌క్ష‌ల కోట్లు(401.84 బిలియ‌న్ డాల‌ర్లు)గా ఉన్నాయి. న‌వంబ‌రు 24తో ముగిసిన మారానికి దేశంలోని విదేశీ మార‌క నిల్వ‌లు 400.74 బిలియ‌న్ డాల‌ర్లుగా ఉన్నాయి. మొత్తం మ‌న వ‌ద్ద ఉంటే విదేశీ మార‌క నిల్వ‌ల్లో విదేశీ క‌రెన్సీ ఆస్తులు, బంగారు నిల్వ‌లు, ప్ర‌త్యేక డ్రాయింగ్ రైట్స్(ఎస్‌డీఆర్) వంటివి ఉంటాయి. వీటిల్లో డిసెంబ‌రు 1తో ముగిసిన వారానికి విదేశీ క‌రెన్సీ ఆస్తులు 1.5 బిలియ‌న్ డాల‌ర్లు పెరిగి 377.45 బిలియ‌న్ డాల‌ర్లుగా ఉన్న‌ట్లు ఆర్‌బీఐ నివేదించిన స‌మాచారాన్ని బ‌ట్టి తెలుస్తోంది. విదేశీ క‌రెన్సీ ఆస్తుల్లో అమెరికా డాల‌ర్ల‌తో పాటు, ఇత‌ర ముఖ్య అంత‌ర్జాతీయ క‌రెన్సీలు ఉంటాయి.

ఇంకా దేశంలోని బంగారు నిల్వ‌లు 36.5 మిలియ‌న్ డాల‌ర్లు పెరిగి 20.70 బిలియ‌న్ డాల‌ర్ల‌కు చేరాయి. ఇంకా ప్ర‌త్యేక డ్రాయింగ్ రైట్స్(ఎస్‌డీఆర్) 4.9 మిలియ‌న్ డాల‌ర్లు పెరిగి 1.50 బిలియ‌న్ డాల‌ర్ల స్థాయికి చేరాయి. ఐఎంఎఫ్ వ‌ద్ద దేశ క‌రెన్సీ హ‌క్కులు 7.4 మిలియ‌న్ డాల‌ర్లు పెరిగి 2.28 బిలియ‌న్ డాల‌ర్లుగా ఉన్నాయి.