పేటీఎమ్ నుంచి యూపీఐ సదుపాయం : క్షణాల్లో చెల్లింపులకు అవకాశం
డిజిటల్ వాలెట్ పేటీఎమ్, భీమ్ యూపీఐని ఉపయోగిస్తూ చెల్లింపులు చేయడాన్ని ప్రవేశపెట్టింది. పేటీఎం పేమెంట్స్ బ్యాంక్ వినియోగదారులు తమ సొంత పేటీఎం భీమ్ యూపీఐ ఐడీని తయారు చేసుకోవచ్చు.
డిజిటల్ వాలెట్ పేటీఎమ్, భీమ్ యూపీఐని ఉపయోగిస్తూ చెల్లింపులు చేయడాన్ని ప్రవేశపెట్టింది. పేటీఎం పేమెంట్స్ బ్యాంక్ వినియోగదారులు తమ సొంత పేటీఎం భీమ్ యూపీఐ ఐడీని తయారు చేసుకోవచ్చు. పేటీఎం యూజర్లు తమ ఏదైనా సేవింగ్స్ బ్యాంక్ ఖాతాకి ఈ విలక్షణమైన పేటీఎం భీమ్ యూపీఐ ఐడీని అనుసంధానం చేసుకోవచ్చు. మనం డబ్బు పంపించడం ఇంకా ఇతరుల నుంచి స్వీకరించడం వంటివి చేయవచ్చు. అన్ని బ్యాంకులు మరియు భీమ్ యూపీఐ యాప్స్లలో పేటీఎం భీమ్ యూపీఐ ఐడీలు ఆమోదించబడతాయి.
యూపీఐ ఐడీని తయారు చేయడానికి, పేటీఎం యాప్ హోం స్క్రీన్ పైన యూజర్లు భీమ్ యూపీఐ విభాగానికి వెళ్లవచ్చు. ఈ ఐడీలు యూజర్ల రిజస్టర్డ్ మొబైల్ నంబర్లుగా ఉంటాయి. ఉదాహరణకు, పేటీఎం యూజర్ రిజిస్టర్డ్ మొబైల్ నంబర్ 9123456789 అయితే, అతని యూపీఐ ఐడీ 9123456789@paytm గా ఉత్పన్నమవుతుంది. యూజర్లు తమ పేటీఎం భీమ్ యూపీఐ ఐడీని తమ ప్రస్తుతమున్న సేవింగ్స్ బ్యాంక్ ఖాతాతో అనుసంధానం చేయవచ్చు. ఈ ప్రత్యేకత సమీక్ష పేటీఎం ఆండ్రాయిడ్ యాప్ పైన ప్రస్తుతం లభిస్తోంది మరియు త్వరలోనే ఇది ఐఓఎస్ పైన కూడా లభిస్తుంది.
పేటీఎం భీమ్ యూపీఐతో, యూజర్లు ఇప్పుడు నిరంతరంగా మరియు బెనిఫిషియరికి చేర్చటానికి వేచి ఉండాల్సిన సమయం లేకుండానే వెంటనే డబ్బుల్ని నేరుగా రెండు బ్యాంకు ఖాతాల మధ్య బదిలీ చేయవచ్చు. డబ్బు అందుకోవటానికి వారు తమ బ్యాంకు ఖాతా వివరాలు మరియు ఐఎఫ్ ఎస్సీకోడ్ని వేరొకరితో పంచుకోవల్సిన అవసరం లేదు. మరిన్ని అవకాశాలు, సౌకర్యం మరియు గొప్ప సులభంగా డిజిటల్గా లావాదేవీ చేయడానికి పెద్ద సంఖ్యలో పేటీఎం యూజర్లకి ఇది అవకాశం ఇస్తుంది.