5 నెల‌ల గ‌రిష్టానికి ఆగ‌స్టు ద్ర‌వ్యోల్బ‌ణం

News

oi-Chandrasekhar

అధిక ఆహార ధ‌ర‌ల‌తో ఆగ‌స్ట్ నెల రిటైల్ ద్ర‌వ్యోల్బ‌ణం 5 నెల‌ల గ‌రిష్టానికి వెళ్ల‌నుంద‌ని రాయిటర్స్ న్యూస్ ఏజెన్సీ పోల్ వెల్ల‌డించింది. దీంతో కేంద్ర బ్యాంక్ మీద ఒత్తిడి త‌గ్గి వ‌డ్డీ రేట్ల‌ను త‌గ్గించొచ

By Chandrasekhar

| Published: Monday, September 11, 2017, 17:20 [IST]

అధిక ఆహార ధ‌ర‌ల‌తో ఆగ‌స్ట్ నెల రిటైల్ ద్ర‌వ్యోల్బ‌ణం 5 నెల‌ల గ‌రిష్టానికి వెళ్ల‌నుంద‌ని రాయిటర్స్ న్యూస్ ఏజెన్సీ పోల్ వెల్ల‌డించింది. దీంతో కేంద్ర బ్యాంక్ మీద ఒత్తిడి త‌గ్గి వ‌డ్డీ రేట్ల‌ను త‌గ్గించొచ్చ‌ని అంచనా వేస్తున్నారు. ఈ ఏడాది జులై నెల‌లో 2.36%, గ‌తేడాది ఆగ‌స్టులో ఉన్న దాని కంటే ప్ర‌స్తుతం ఆగ‌స్టు నెల‌ల వినియోగ‌దారు ధ‌ర‌లు 3.20%గా ఉన్నాయ‌ని ఇవి పెరుగుద‌ల‌ను న‌మోదు చేశాయ‌ని అంచ‌నా వేస్తున్నారు. సెప్టెంబ‌రు 5 నుంచి 8 మ‌ధ్య 40 మంది ఆర్థిక‌వేత్త‌ల‌ను అడిగి తెలుసుకున్న స‌మాచారం ఆధారంగా ఈ లెక్క‌లు వేశారు.

అయితే ప్ర‌భుత్వం అధికారికంగా విడుద‌ల చేయ‌బోతున్న లెక్క‌ల‌తో ఈ ద్ర‌వ్యోల్బ‌ణ శాతం దాదాపుగా స‌మానంగా ఉన్న‌ప్పటికీ, అయితే ఆర్బీఐ ల‌క్ష్యంగా నిర్దేశించుకున్న 4% కంటే ఇది ఎక్కువే కాగ‌ల‌దు. వినియోగ‌దారు వ‌స్తువుల్లో దాదాపు 50% ఉండే ఫుడ్‌, బేవ‌రేజెస్ వంటి ధ‌ర‌లు పెరిగితే అది మొత్తం వాటిపై ప్రభావం ప‌డి ఆగ‌స్టు రిటైల్ ద్ర‌వ్యోల్బ‌ణం అంత‌కు ముందు 3 నెల‌ల‌తో పోలిస్తే ఎక్కువ‌గా ఉండే అవ‌కాశం ఉంది. అంతే కాకుండా ఈ ఏడాది వ‌ర్షాకాలంలో ప‌డిన అధిక వ‌ర్షాల కార‌ణంగా కొన్ని చోట్ల పంట‌లు దెబ్బ‌తిని పాడ‌యిపోయే ఆహార వ‌స్తువుల మీద ప్ర‌తికూల ప్ర‌భావంతో పాటు, వ‌స్తు స‌ర‌ఫ‌రాకు ఆటంకం క‌ల‌గ‌డం సైతం ఆందోళ‌న క‌లిగించే అంశంగా ఉంది.