For Quick Alerts
ALLOW NOTIFICATIONS  
For Daily Alerts

స్పైస్‌జెట్ సంక్షోభం: ఆయన అంచనా తప్పింది!

By Srinivas
|

ముంబై: పెట్టుబడి మాంత్రీకుడిగా పేరున్న రాకేష్ ఝున్‌జున్‌వాలా అంచనాలు ఇప్పుడు తప్పాయి! ఆయన ఏ కంపెనీలో పెట్టుబడి పెట్టినా ఆ షేర్లు పెరుగుతుంటాయి. కానీ స్పైస్ జెట్ విషయంలో మాత్రం అలా జరగలేదు. ఈయన పెట్టుబడి పెట్టిన తర్వాత 12 రోజుల్లో 12 శాతం దాకా నష్టపోయాయి ఆ కంపెనీ షేర్లు.

స్పైస్ జెట్ క్రైసిస్‌లో ఉన్న విషయం తెలిసిందే. ఈ నేపథ్యంలో దీని షేర్లు పతనం అయ్యాయి. రాకేష్ ఝున్‌జున్‌వాలా రేర్ ఎంటర్ ప్రైజెస్ అధిపతి. ఈయన నవంబర్ 28న బహిరంగ మార్కెట్లో స్పైస్ జెట్‌కు చెందిన 75 లక్షల షేర్లను రూ.13.4 కోట్లతో కొనుగోలు చేశారు.

స్పైస్‌జెట్ సంక్షోభం: ఆయన అంచనా తప్పింది!

ఇది కంపెనీలో 1.4 శాతం వాటాకు సమానం. అప్పటికే కంపెనీ కఠిన పరిస్థితులు ఎదుర్కొంటోంది. ఇప్పుడు మరీ అధ్వాన్నమైంది. 1800కు పైగా విమాన సర్వీసులను ఒక్క ఈ నెలలోనే రద్దు చేశారు. నవంబర్ 28 నుండి జరిగిన 12 ట్రేడింగ్ సెషన్లలో ఈ షేరు ధర 12.5 శాతం క్షీణించింది. మంగళవారం 2.62 శాతం పెరిగింది.

ఆర్ధిక ఇబ్బందులతో సతమతమవుతున్న దేశీయ విమానయాన సంస్ధ స్పైస్‌జెట్.. ఈ నెలాఖరు వరకు దేశ్యాప్తంగా అన్ని మార్గాల్లో నడిచే 1861 విమాన సర్వీసులను రద్దు చేసింది. సన్‌గ్రూపు అధినేత కళానిధి మారన్‌కు చెందిన ఈ విమానయాన సంస్ధకు ఆర్థిక సమస్యలు మరింత ఎక్కువయ్యాయని కొత్త నిర్ణయం సంకేతాలిస్తుందని నిపుణులు భావిస్తున్నారు.

అడ్వాన్స్ బుకింగ్‌లకు సంబంధించి ఆదేశాలను బేఖాతరు చేసినందున సంస్థకు డీజీసీఏ షోకాజు నోటీసులు జారీ చేయనున్నట్లు తెలుస్తొంది. మంగళవారం నుంచి నెలరోజులకు పైబడి అడ్వాన్స్ బుకింగ్‌లను స్వీకరించరాదని సంస్థను డీజీసీఏ ఇప్పటికే ఆదేశించిన విషయం తెలిసిందే.

English summary

SpiceJet skids over 12% in 12 days post Rakesh Jhunjhunwala check-in

In a rare case of a Rakesh Jhunjhunwala-invested stock going on a free-fall, the ace investor’s investment in SpiceJet has depreciated by over 12 per cent within 12 days amid mounting troubles for the cash-strapped budget carrier.
Company Search