For Quick Alerts
ALLOW NOTIFICATIONS  
For Daily Alerts

SBI multi currency foreign travel card: ప్రయోజనాలు, ఫీచర్స్..

|

ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా(SBI) తన కస్టమర్ల కోసం ఇంతకుముందు సరికొత్త కార్డును అందుబాటులోకి తీసుకు వచ్చింది. మల్టీ కరెన్సీ ఫారెన్ ట్రావెల్ కార్డు పేరుతో దీనిని అందుబాటులోకి తీసుకు వచ్చింది. ఇది ప్రీ-లోడెడ్ మనీ కార్డు. ఏడు కరెన్సీలలో అంగీకరిస్తుంది. ఏటీఎంలలో ఉపయోగించవచ్చు. విదేశాల్లో మర్చంట్ పాయింట్లలోను ఉపయోగించవచ్చు. అమెరికా డాలర్, బ్రిటిష్ పౌండ్స్, యూరోస్, సింగపూర్ డాలర్స్, ఆస్ట్రేలియన్ డాలర్స్, కెనడియన్ డాలర్స్, యూఏఈ ధీరమ్‌లలో ఈ కార్డు చెల్లుబాటు అవుతుంది.

ఈ ట్రావెల్ కార్డు ద్వారా యూజర్లు కార్డును రీలోడ్ చేసిన ప్రతిసారి తమ కరెన్సీలో మార్పిడీ రేట్లను లాక్ చేసుకోవచ్చు. ఇక్కడ ఎస్బీఐ మల్టీ కరెన్సీ ఫారెన్ ట్రావెల్ కార్డు ఫీచర్స్, బెనిఫిట్స్, పరిమితులు, దీనిని ఎలా ఉపయోగించాలో చూద్దాం.

కార్డు ఫీచర్స్

కార్డు ఫీచర్స్

ఎస్బీఐ ప్రెస్ రిలీజ్ ప్రకారం మల్టీ కరెన్సీ ఫారెన్ ట్రావెల్ కార్డు ఫీచర్స్ ఇవి..

- చిప్ అండ్ పిన్ ప్రొటెక్టెడ్ ప్రీపెయిడ్ ట్రావెల్ కార్డు

- ఒకే కార్డు పైన మల్టిపుల్ కరెన్సీ వినియోగం

- బ్యాక్-అప్ కోసం అడిషనల్ కార్డు అందుబాటులో ఉంటుంది.

- 24/7 గ్లోబల్ అసిస్టెన్స్. ఈ కార్డును ఎవరైనా దొంగిలించినా లేదా ఎక్కడైనా పోయినా ఉచిత కార్డు రీప్లేస్‌మెంట్.

- ఈ కార్డు వినియోగం ప్రారంభించడానికి బ్యాంకు అకౌంట్ సమాచారం అవసరం లేదు.

- చెల్లుబాటు అయ్యే పాస్‌పోర్ట్, ఎస్బీఐ అన్ని శాఖల నుండి అందుబాటులో ఉన్న ఫామ్ ఏ2తో కార్డుపై గడువు తేదీ వరకు మళ్లీ లోడ్ చేసుకోవచ్చు.

ఈ కార్డును ఎలా పొందాలి?

ఈ కార్డును ఎలా పొందాలి?

ఎస్బీఐ కస్టమర్లు అలాగే, కొత్త కస్టమర్లు కూడా ఈ కార్డును పొందవచ్చు. సమీపంలోని ఎస్బీఐ బ్రాంచీని లేదా ఎస్బీఐ వెబ్ సైట్‌లోకి వెళ్లి దీనిని పొందవచ్చు.

అందుబాటులో ఉన్న సేవలు

అందుబాటులో ఉన్న సేవలు

కార్డు హోల్డర్ ట్రావెల్ కార్డును ఉపయోగించి పొందగల సేవలు ఈ క్రింద చూడండి.

- బ్యాలెన్స్, ట్రాన్సాక్షన్ వివరాల సురక్షిత విజిబిలిటీతో కార్డు ఆన్‌లైన్ నిర్వహణ.

- ఈ కార్డును వినియోగించడం ద్వారా ఏటీఎం లొకేటర్ వంటి సేవలను కూడా పొందవచ్చు.

- ట్రాన్సాక్షన్స్ చెల్లింపుల కోసం తగినంత నిధులు కనుక కార్డులో లేకుంటే... ఇతర కార్డులో అందుబాటులో ఉన్న కరెన్సీ నుండి ఆటోమేటిక్‌గా ఫండ్ డెబిట్ అవుతుంది.

- కస్టమర్లు విదేశాల్లో ఉన్నప్పుడు రేటు హెచ్చుతగ్గులు, వ్యత్యాసాలను నివారించవచ్చు.

- పోయిన లేదా దొంగిలించబడిన కార్డుల విషయంలో కార్డులో లభ్యమయ్యే బ్యాలెన్స్ వరకు అత్యవసర నగదు భర్తీని సర్వీస్ బృందం అందిస్తుంది.

పరిమితి ఎంత?

పరిమితి ఎంత?

- కార్డులో కనీసం 200 అమెరికా డాలర్లు. ఏటీఎంలవద్ద అలాగే, మర్చంట్ పాయింట్స్ వద్ద గరిష్ట ఉపసంహరణ పరిమితి 10,000 అమెరికా డాలర్లు.

- ఏ సమయంలో అయినా ఒక కస్టమర్ ద్వారా కేవలం ఒక అకౌంట్ మాత్రమే యాక్టివ్‌గా ఉంటుంది.

- కొన్ని ఏటీఎం ఆపరేటర్స్, మర్చంట్స్ ఉపసంహరణకు సంబంధించి కొంత ఛార్జ్ చేస్తారు. అలాగే, ఆయా ఏటీఎం ఆపరేటర్స్ లేదా మర్చంట్స్ వద్ద కనీ, గరిష్ట పరిమితికి నియమనిబంధనలు ఉంటాయి.

భద్రత

భద్రత

- కార్డు అందిన వెంటనే దాని వెనుక భాగంలో సంతకం చేయాలి.

- పిన్ నెంబర్ గుర్తు పెట్టుకోవాలి.

- మల్టీ కరెన్సీ ట్రావెల్ కార్డు బ్యాంకు అకౌంట్‌తో లింక్ అయి ఉండదు. ఇది అదనపు భద్రత.

- కార్డు వినియోగంలోనే ఉంటే, దానిని మరో ట్రిప్ కోసం ఉపయోగించే అవసరం లేకుంటే మిగతా బ్యాలెన్స్‌ను మాస్టర్ కార్డ్ యాక్సెప్టెన్స్ మార్క్ ఏటీఎం ద్వారా ఉపసంహరించుకోవచ్చు.

English summary

Know about SBI multi currency foreign travel card

SBI Multi Currency Foreign Travel Card is a prepaid currency card that can be pre loaded with money in up to seven currencies and used at ATMs and merchant points abroad.
Story first published: Sunday, October 17, 2021, 11:28 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X