For Quick Alerts
ALLOW NOTIFICATIONS  
For Daily Alerts

FY20 ITR forms: ఐటీఆర్ ఫామ్‌లో ఈ ఏడాది కీలక మార్పులు.. ఇవీ

|

కరోనా వ్యాప్తిని నిరోధించేందుకు కేంద్రం అనేక చర్యలు తీసుకుంటోంది. ఇందులో భాగంగా ఆదాయపు పన్ను శాఖ పన్ను చెల్లింపుదారులకు ఇటీవల శుభవార్త చెప్పింది. 2019-20(అసెస్‌మెంట్ ఇయర్ 2020-21) ఆర్థిక సంవత్సరానికి సంబంధించి ఆదాయపు పన్ను రిటర్న్స్ దాఖలు తేదీని డిసెంబర్ 31వ తేదీ వరకు పొడిగించింది. మీరు ఇంకా ఐటీ రిటర్న్స్ దాఖలు చేయకుంటే, చివరి నిమిషం వరకు వేచి చూడకుండా వెంటనే ఫైల్ చేయడం మంచిది. తేదీ దగ్గర పడుతున్న కొద్ది హడావుడి అవుతుంది. కాబట్టి వెంటనే ఫైల్ చేయాలి. అదే సమయంలో ఐటీఆర్‌కు సంబంధించి ఆదాయపు పన్ను శాఖ చేసిన మార్పులు తెలుసుకోవడం మంచిది.

ట్యాక్స్‌పేయర్స్‌కు ఊరట, ఐటీ రిటర్న్స్ ఫైలింగ్ గడువు డిసెంబర్ 31 వరకు పొడిగింపు

ఐటీ రిటర్న్స్ సులభతరం

ఐటీ రిటర్న్స్ సులభతరం

పన్ను దాఖలు చేసే ప్రక్రియను సులభతరం చేసేందుకు ఆదాయపుపన్ను శాఖ ఎప్పటికప్పుడు ఐటీఆర్‌లో మార్పులు చేస్తుంది. ఈ ఏడాది కూడా కొన్ని మార్పులు చోటు చేసుకున్నాయి. ఐటిఆర్ ఫైలింగ్‌ను మరింత సులభతరం చేసేందుకు వ్యక్తిగత పన్ను చెల్లింపుదారులకు ముందుగా నింపిన ఆదాయపు పన్ను రిటర్న్స్‌ను అందుబాటులో ఉంచారు. ఐటీఆర్‌లో ప్రీ-ఫిల్డ్ వేతన ఆదాయం వంటి కొన్ని అంశాలు ఉంటాయి. ఐటీఆర్ ఫైలింగ్‌ను సులభతరం చేసేందుకు ఈ కొత్త ఫారాలు తెచ్చారు. పన్ను చెల్లింపుదారుల ఆధార్ కార్డు, పాన్ కార్డు, బ్యాంకు ఖాతాలను అనుసంధానించడం వల్ల పన్ను చెల్లింపుదారులకు ముందే పూరించిన ఫారాలను అందుబాటులో ఉంచింది.

ఈ వివరాలు వెల్లడించాలి

ఈ వివరాలు వెల్లడించాలి

ఈక్విటీ షేర్ల లాంగ్ టర్మ్ క్యాపిటల్ గెయిన్స్(LTCG), రూ.1 లక్ష పైన ఉన్న మ్యూచువల్ ఫండ్స్ ట్యాక్స్ పరిధిలోకి వస్తాయి. 2018 జనవరి 31వ తేదీ లోపు కొనుగోలు చేసిన లిస్టెడ్ షేర్లను గుర్తించి, వాటిపై పన్ను విధించబడదు. ఈ వివరాల కోసం ప్రత్యేక షెడ్యూల్ 112A ప్రవేశపెట్టారు. అంటే ఒక కంపెనీలో ఈక్విటీ వాటా అమ్మకం వివరాలు, సెక్యూరిటీ ట్రాన్సాక్షన్ ట్యాక్స్(STT) వివరాలు బహిర్గతం చేయాలి.

మార్పులు ఇవే..

మార్పులు ఇవే..

ఐటీఆర్‌లో కీలక మార్పుల విషయానికి వస్తే ఒకటి లేదా అంతకంటే ఎక్కువ కరెంట్ ఖాతాల్లో రూ.1 కోటి రూపాయలకు పైగా డిపాజిట్ చేసిన వారు లేదా తన/ఇతరుల విదేశీ ప్రయాణం కోసం రూ.2 లక్షలకు పైగా ఖర్చు చేస్తే, ఏడాది విద్యుత్ బిల్లు రూ.1 లక్ష దాటితే ఐటీ రిటర్న్స్ దాఖలు చేయాలి.

ఐటీఆర్ 1, ఐటీఆర్ 2లోని వివిధ షెడ్యూల్స్‌లో పాన్ నెంబర్‌కు బదులు ఆధార్ నెంబర్ వినియోగించుకునే వెసులుబాటు ఉంది. సెక్షన్ 80సీ, 80డీ, 80జీ కింద వివిధ పెట్టుబడులకు వర్తించే పన్ను మినహాయింపు కాలపరిమితిని కరోనా దృష్ట్యా ఐటీ డిపార్టుమెంట్ పొడిగించింది. కొత్తగా షెడ్యూల్ డీఐని తెచ్చారు. హెల్త్ ఇన్సురెన్స్, ముందస్తు హెల్త్ చెక్ అప్, వైద్యఖర్చుల క్లెయిమ్స్ కోసం షెడ్యూల్ 80డీకి మార్పులు చేశారు. ఐటీ రీఫండ్స్ కోసం బహుళ బ్యాంకు ఖాతాలను ఎంచుకోవచ్చు.

English summary

Changes in FY20 ITR forms that you should know about

The last date for filing ITR for FY20 has been extended to 31 December 2020. If you have not filed your ITR yet, it would help to know about the changes made by the income tax department in the notified ITR forms for FY20. Note that the tax department introduces a few changes in the tax forms almost every year in order to ease the process of tax filing and increase compliance.
Story first published: Monday, November 30, 2020, 10:38 [IST]
Company Search