For Quick Alerts
ALLOW NOTIFICATIONS  
For Daily Alerts

ఢిల్లీలో ఉబెర్ బస్సులు, త్వరలోనే ప్రారంభం!: ఎలా పనిచేస్తుందంటే

|

ప్రముఖ రైడ్ హైలింగ్ సంస్థ ఉబెర్... త్వరలోనే దేశ రాజధాని ఢిల్లీలో బస్సు సర్వీసులను ప్రారంభించనుంది. ఈ మేరకు కంపెనీ ఇప్పటికే ప్రయోగాత్మకంగా మంగళవారం ఈ సేవను ప్రారంభించింది. వినియోగదారుల నుంచి స్పందన చూసిన తర్వాత పూర్తి స్థాయిలో ఉబెర్ యాప్ లో ఏసి బస్సులను బుక్ చేసుకొనే సదుపాయం అందుబాటులోకి తేనుంది. ఢిల్లీ లోని ప్రధాన రహదారుల్లో క్రమం తప్పకుండా తిరిగే ఏసీ బస్సుల్లో సీట్లను బుక్ చేసుకొనే సదుపాయం తొలుత కల్పించనుంది.

ఈ ప్రయోగం విజయవంతం అయితే... మిగితా పెద్ద నగరాల్లో కూడా బస్సు సీట్ బుకింగ్ సేవలను విస్తరించే ఏర్పాట్లు చేయనుంది. ఇప్పటికే ఇలాంటి సర్వీస్ ను ఉబెర్ ఈజిప్ట్ రాజధాని కైరో లో గతేడాది అక్టోబర్ లో ప్రవేశ పెట్టింది. ఉబెర్ బస్సు అప్ సేవలు అన్ని రకాల ఆండ్రాయిడ్ డివైస్ లు, అన్ని రకాల నెట్వర్క్స్ లో అందుబాటులో ఉంటాయి. ఈ మేరకు ప్రముఖ వార్త సంస్థ ఐఏయెన్ఎస్ ఒక కథనంలో వెల్లడించింది.

మీకో కాంటాక్టులెస్ కార్డు ఉందా? దాంతో లాభాలేంటో తెలుసుకోండి

షటిల్ సర్వీస్...

షటిల్ సర్వీస్...

ఉబెర్ బస్సు సర్వీస్ లు అచ్ఛం ప్రస్తుతం అందుబాటులో ఉన్న షటిల్ సర్వీస్ లాగే పనిచేస్తాయి. పాసెంజర్ ను ఒక చోటు నుంచి మరో చోటుకు చేరవేస్తాయి.ఉబెర్ బస్సు సర్వీస్ ను కొత్తగా ప్రారంభించాం. ఈ సర్వీస్ ఎలా పనిచేస్తుందో పరిశీలించి తద్వారా కొత్త విషయాలను తెలుసుకొంటాం. ఒక వేల ఈ సర్వీస్ కు ఆదరణ లభిస్తే ఢిల్లీ వంటి నగరాల్లో దీనిని ప్రవేశపెడతాం అని ఉబెర్ సీఈఓ దార ఖోస్రోవిషాహి న్యూ ఢిల్లీ లో తెలిపారు. అయితే, ఈ బస్సు చార్జీలు ఎలా ఉంటాయో ఇంకా ఉబెర్ స్పష్టత ఇవ్వలేదు.

ఎలా పనిచేస్తుందంటే...

ఎలా పనిచేస్తుందంటే...

ఉబెర్ యాప్ లోకి లాగిన్ అయ్యి ... డెస్టినేషన్ ఎంచుకోవాలి. తర్వాత ఉబెర్ బస్సు ఆప్షన్ ను సెలెక్ట్ చేసుకోవాలి. చార్జీలను రివ్యూ చేసుకున్నాక రిక్వెస్ట్ బటన్ ను ప్రెస్ చేయాలి. ట్రిప్ డీటెయిల్స్ వెల్లడించేందుకు ఉబెర్ 5 నిమిషాల సమయం తీసుకుంటుంది. ఇదే మార్గం లో ప్రయాణించే ఇతర ప్రయాణికులతో మిమ్మల్ని అనుసంధానించేందుకు ఉబెర్ ఈ సమయాన్ని తీసుకొంటుంది. అలాగే, మీరు వెళ్లాల్సిన మార్గం కాకుండా ఇతర రూట్ల ఎంపిక జరగకుండా ఈ సమయంలో ఉబెర్ అనలిటిక్స్ వినియోగిస్తుంది. బస్సు బుక్ చేసుకున్నాక .. అది వచ్చేంత వరకు మీరు దానిని ట్రాక్ చేసుకోవచ్చు.

2 నిమిషాలే ఆగుతుంది...

2 నిమిషాలే ఆగుతుంది...

ప్రయాణికులు ఎంచుకొన్న పిక్ అప్ పాయింట్ కు ఎంపిక చేసుకొన్న సమయానికంటే కొంత ముందుగా చేరుకోవాల్సి ఉంటుంది. ఒక వేళ మీరు ఎంచుకున్న సమయానికి పిక్ అప్ పాయింట్ కు చేరుకోలేక పోతే... మీ కోసం 2 నిమిషాలు బస్సు వెయిట్ చేస్తుంది. ఆ తర్వాత అక్కడి నుంచి వెళ్ళిపోతుంది. బస్సులో ఎక్కగానే బార్ కోడ్ స్కాన్ చేసి మీ టికెట్ ను డ్రైవర్ కు చూపించాల్సి ఉంటుంది. చార్జీలను నగదు రూపంలో లేదా ఉబెర్ యాప్ ద్వారా కూడా పే చేయవచ్చు.

నోటిఫికెషన్స్...

నోటిఫికెషన్స్...

ప్రయాణికులు బస్సులో కూర్చున్న తర్వాత ... వారు దిగాల్సిన డెస్టినేషన్ పాయింట్ గురించిన నోటిఫికేషన్ ఉబెర్ ఎప్పటికప్పుడు ఇస్తుంటుంది. మీరు ఎంచుకున్న దిగాల్సిన చోటుకంటే మెరుగైన చోటు ఉంటె కూడా అది మీకు తెలియజేస్తుంది. దిగాల్సిన చోటు వచ్చే కాస్త ముందే మీకు నోటిఫికేషన్ ఇస్తుంది. అంతే కాకుండా మీరు దిగిన తర్వాత అక్కడి నుంచి చేరుకోవాల్సిన చోటుకు ఎలా నడిచి వెళ్ళొచ్చో కూడా తెలుపుతుంది. సో, మరేందుకు ఆలస్యం... ఉబెర్ బస్సు ఎక్కేయక?

English summary

Uber adds public transport services on app in tie up with Delhi Metro Rail Corporation

With Uber bringing public transport feature on its app for Delhi users, the day is not far when proper Uber buses will ply in the national capital, and later in other cities.
Story first published: Wednesday, October 23, 2019, 11:59 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more