సిబిల్ ఉచిత క్రెడిట్ స్కోర్ ఒక‌సారి పొందడం ఎలా?

రుణం కావాలని ఏదైనా బ్యాంకును సంప్రదించగానే.. బ్యాంకులు ముందుగా తనిఖీ చేసేవి మన క్రెడిట్‌ స్కోరు, రుణ చరిత్ర నివేదికనే. 750కి మించి స్కోరు ఉన్నప్పుడే మంచి రుణ గ్రహీతగా గుర్తిస్తాయి. ఈ రుణ చరిత్రను ఎప్పుడైనా సరే తీసుకునే వీలుంది. దీనికోసం రూ.550 చెల్లించాల్సి ఉంటుంది. దీన్ని ఇప్పుడు ఏడాదికోసారి ఉచితంగా పొందే వీలు కల్పించింది ఆర్‌బీఐ.

క్రెడిట్‌కార్డు కోసమో.. రుణం కావాలనో.. దరఖాస్తు చేసినప్పుడు క్రెడిట్‌ స్కోరు తక్కువగా ఉందని దరఖాస్తు తిరస్కరిస్తే.. అప్పుడేమిటి? ఇలాంటి పరిస్థితి రాకుండా ఉండాలంటే.. ముందే మనం ఈ నివేదికను చూడాలి. దీనికోసం మీరు చేయాల్సిందల్లా https://www.cibil.com/freecreditscore / అనే వెబ్‌సైటుకు వెళ్లి, మీ పేరు, ఫోన్‌ నెంబరు, ఈమెయిల్‌, పాన్‌ నెంబరు ఇలా అడిగిన వివరాలను పూర్తి చేయడమే. అన్ని వివరాలూ సరిగ్గా ఉంటే.. మీకు 5 నిమిషాల్లో క్రెడిట్‌ స్కోరు, రుణ చరిత్ర నివేదిక అందుతుంది. ఇందులో ఏమైనా తప్పులు ఉన్నట్లు భావిస్తే వెంటనే సిబిల్ దృష్టికి లేదా సంబంధిత బ్యాంకుకూ ఫిర్యాదు చేయాలి. మీ ఫిర్యాదును అనుసరించి, బ్యాంకుల నుంచి సరైన సమాచారాన్ని సేకరించి, సిబిల్‌ మీ రుణ చరిత్ర నివేదికను సవరిస్తుంది