రోజువారీ డేటా లిమిట్ టెన్షన్ వద్దు! Vi నుంచి అదిరిపోయే రూ. 4,600 ప్లాన్ ఇదే

కొత్త Vi వార్షిక ప్రీపెయిడ్ ప్లాన్ ప్రయోజనాలు.. ఇతర కంపెనీలతో పోలిక

ఈ వార్షిక ప్లాన్ ద్వారా 365 రోజుల పాటు అన్‌లిమిటెడ్ వాయిస్ కాల్స్, రోజుకు 100 SMSలు లభిస్తాయి. యూజర్లు 4Gతో పాటు 5G సర్వీసులను కూడా ఈ భారీ డేటా క్యాప్‌లోనే వాడుకోవచ్చు. అయితే, నిర్ణీత 28 రోజుల సైకిల్‌లో 300GB డేటా పూర్తయితే మాత్రం ఇంటర్నెట్ స్పీడ్ తగ్గుతుంది. డేటా వాడకం ఎక్కువగా ఉండి, అది కూడా రోజుకో రకంగా ఉండే వారికి ఈ ప్లాన్ పర్ఫెక్ట్. పదే పదే రీఛార్జ్ చేసుకునే తలనొప్పి లేకుండా ఏడాది అంతా ప్రశాంతంగా ఉండొచ్చు.

ఈ ప్లాన్ మీ సర్కిల్‌లో అందుబాటులో ఉందో లేదో Vi యాప్‌లో చెక్ చేసుకోవచ్చు. ఏడాది ప్లాన్ తీసుకునే ముందు మీ ఏరియాలో సిగ్నల్ స్ట్రెంత్ ఎలా ఉందో ఒకసారి చూసుకోవడం మంచిది. డేటా భారీగా ఇస్తున్నప్పటికీ, కమర్షియల్ వాడకం లేదా ఆటోమేషన్ కోసం ఉపయోగిస్తే కంపెనీ పర్యవేక్షించే అవకాశం ఉంది. రిమోట్ వర్క్ చేసే వారికి మొబైల్ హాట్‌స్పాట్ ద్వారా ఇది బాగా ఉపయోగపడుతుంది. డైలీ లిమిట్ అయిపోతుందనే భయం లేకుండా హై-స్పీడ్ డేటాను వాడుకోవచ్చు.

భారతీయ మొబైల్ యూజర్లకు అలవాటైన 'డైలీ డేటా' పద్ధతిని ఈ రూ. 4,600 ప్లాన్ మార్చేస్తోంది. మొదట ధర ఎక్కువగా అనిపించినా, నెలకు సగటున రూ. 383 మాత్రమే ఖర్చవుతుంది. ప్రతి నెలా రీఛార్జ్ చేయడం ఇష్టం లేని వారికి, డేటా లిమిట్ సమస్యలు వద్దనుకునే వారికి ఇది బెస్ట్ డీల్. మీ డేటా అవసరాలు రోజుకో రకంగా ఉంటే కళ్లు మూసుకుని ఈ ప్లాన్ ఎంచుకోవచ్చు. ఇది భారీ డేటాతో పాటు లాంగ్ టర్మ్ కన్వీనియన్స్‌ను అందిస్తుంది.