SGB: రూ.1 లక్షను రూ.4 లక్షలు చేసిన గోల్డ్ బాండ్స్.. అది ఐదేళ్లలోనే

అప్పట్లో సావరిన్ గోల్డ్ బాండ్ కొన్నవారి పంట పండుతోంది. వారు భారీ లాభాల్లో కొనసాగుతున్నారు. తాజాగా రిజర్వ్ బ్యాంక్ ఇండియా సావరిన్ గోల్డ్ బాండ్ 2019-20 సిరీస్ II ఇన్వెస్టర్లకు ఒక బంపర్ ఆఫర్ ఇచ్చింది. ఈ బాండ్లలో పైసా ఇన్వెస్ట్ చేసిన వారికి ఇప్పుడు ఏకంగా 318 శాతానికి పైగా లాభాలు వచ్చేలా ప్రిమెచ్యూర్ రిడెంప్షన్ ఆప్షన్ ఇచ్చింది. అంటే గడువుకు ముందు ఉపసంహరించుకునే అవకాశం ఇచ్చింది. గ్రాము బంగారం ధరను రూ.14,199 గా నిర్ణయించింది. 2026 జులై 16న నాటికి ఐదేళ్ల లాగిన్ పీరియడ్ ముగిసిన వారు.. తమ డబ్బును విత్ డ్రా చేసుకోవచ్చు. సాధారణంగా సావరిన్ గోల్డ్ బాండ్ మెచ్యూరిటీ పీరియడ్ 8 ఏళ్లు ఉండేది. ఆర్బీఐ ప్రిమెచ్యూర్ రిడెంప్షన్ ఆప్షన్ ఇస్తారు.

కాగా.. 2019లో ఈ సిరీస్ బాండ్లను కొనుగోలు చేశారు. బంగారం గ్రాముకు అప్పుడు రూ.3,393 డిజిటల్ పేమెంట్ ద్వారా పే చేసి కొనుగోలు చేశారు. ఇప్పుడు రిజర్వ్ బ్యాంక్ ఆఫ్ ఇండియా ఈ సిరీస్ బాండ్ కు గ్రాముకు రూ.14,199 గా ఖరారు చేసింది. అంటే ఐదేళ్లలో గ్రాముపై రూ.10,806 లాభం వచ్చింది. ఈ ఐదేళ్ల కాలంలో 318.5 శాతం రాబడి వచ్చింది. ఇదే కాకుండా ప్రతి సంవత్సరం 2.5 శాతం వడ్డీ కూడా అదనంగా రానుంది. ఉదాహరణకు ఈ పథకంలో డిజిటల్ పేమెంట్ ద్వారా రూ.1 లక్ష విలువైన బాండ్లను కొనుగోలు చేస్తే.. ఇప్పుడు వీటి విలువ రూ.4.18 లక్షలకు చేరింది.