Jio, Airtel: వినియోగదారులకు షాక్ ఇవ్వనున్న టెలికాం కంపెనీలు.. రీఛార్జ్ ధరలు భారీగా పెంపు..!

గతంలో రూ.200 లోపు ఉండే సాధారణ నెలవారీ ప్లాన్ ధర ఇప్పుడు దాదాపు రూ.250 నుంచి రూ.350 వరకు ఉంది. రిఛార్జ్ ధరలు మరోసారి పెంచితే.. ఈ ధరలు కూడా పెరిగే అవకాశం ఉంది. భారతదేశ టెలికాం రంగం బహుళ-సంవత్సరాల వృద్ధి, పునరుద్ధరణ దశలోకి ప్రవేశిస్తోందని ఎలారా క్యాపిటల్ పేర్కొంది. FY26-29 కాలంలో ARPU CAGR 7%కి పెరుగుతుందని అంచనా వేసింది. ఆర్ప్ పెరిగితేనే కంపెనీల ఆదాయం పెరుగుతుంది. ప్రస్తుతం దేశంలో ప్రధానంగా జియో, ఎయిర్ టెల్ కస్టమర్లు ఎక్కువగా ఉన్నారు.

వోడాఫోన్ ఐడియా, బీఎస్ఎన్ఎల్ కూడా మంచి కస్టమర్ బేస్ ఉంది. ఇందులో ఎయిర్ టెల్, జియో మాత్రమే 5జీ సర్వీసులు అందిస్తున్నాయి. ప్రస్తుతం వోడాఫోన్ ఐడియా తీవ్ర నష్టాల్లో కొనసాగుతోంది. జియో, ఎయిర్ టెల్ రీఛార్జ్ ధరలు పెంచితే.. మిగతా కంపెనీలు కూడా ధరలు పెంచనున్నాయి. అయితే ప్రజలు ఇంటర్నెట్ కు అలవాటు పడ్డారు కాబట్టి.. ధరలు పెంచినా రీఛార్జ్ చేసుకుంటారని కంపెనీలు భావిస్తున్నాయి. 2016-24 క్యాలెండర్ సంవత్సరాల మధ్య భారతదేశంలో ప్రతి వినియోగదారుడి నెలవారీ డేటా వినియోగం 21GBకి పెరిగింది. రాబోయే దశాబ్దంలో ప్రతి చందాదారుడికి 65GBని మించిపోయేందుకు అవకాశం ఉందని అంచనా వేస్తున్నారు.