Edible Oil: భారీ స్థాయిలో వంట నూనెల దిగుమతి.. ధరలు పెరుగుతాయా..!

ప్రస్తుతం దేశంలో సోయాబీన్, ఆవాల క్రషింగ్ తగ్గడంతో నూనెల లభ్యత తగ్గింది. ఈ లోటును భర్తీ చేయడానికి పండుగల నాటి గరిష్ఠ డిమాండ్‌ను తట్టుకోవడానికి దిగుమతులే ఏకైక మార్గంగా మారాయని సాల్వెంట్ ఎక్స్‌ట్రాక్టర్స్ అసోసియేషన్ ఆఫ్ ఇండియా (ఎస్‌ఈఏ) ఎగ్జిక్యూటివ్ డైరెక్టర్ బి.వి.మెహతా చెప్పారు. దేశీయ రిఫైనర్లు పామ్ ఆయిల్, సోయా ఆయిల్, సన్‌ఫ్లవర్ ఆయిల్ దిగుమతులు పెంచుకుంటున్నాయి. ఇండియా ప్రధానంగా ఇండోనేషియా, మలేషియాల నుంచి భారీ ముడి పామాయిల్ నూనెను దిగుమతి చేసుకుంటుంది.

అర్జెంటీనా, బ్రెజిల్‌ల నుంచి సోయా నూనె, రష్యా-ఉక్రెయిన్‌ల నుంచి పొద్దుతిరుగుడు నూనె దిగుమతులు చేసుకుంటుంది. భారత్ నుంచి పెద్దమొత్తంలో ఆర్డర్లు రావడంతో ఇండోనేషియా, మలేషియాల్లో నిల్వలు తగ్గి మలేషియన్ పామ్ ఆయిల్, గ్లోబల్ సోయా ఆయిల్ ఫ్యూచర్స్ ధరలు అంతర్జాతీయ మార్కెట్‌లో పెరుగుతున్నాయి. ఇండియా మొత్తం వంటనూనెల అవసరాలలో దాదాపు 55-60 శాతం వరకు దిగుమతులపైనే ఆధారపడుతుంది. అయితే గత కొద్ది రోజులుగా వంట నూనెల ధరలు క్రమంగా పెరుగుతోన్నాయి. రూ.110 ఉన్న సన్ ఫ్లవర్ ఆయిల్ ధర ప్రస్తుతం రూ.160 చేరింది. భవిష్యత్ లో దిగుమతులను తగ్గించుకోవడానికి నేషనల్ ఎడిబుల్ ఆయిల్ మిషన్ లో భాగంగా నూనె గింజల సాగు విస్తీర్ణాన్ని పెంచాలని లక్ష్యంగా పెట్టుకున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.