ఫార్మసీ వ్యాపారంలోకి డీమార్ట్ ఎంట్రీ.. మందులపై ఏకంగా 20 శాతం డిస్కౌంట్.. మెడికల్ షాపులకు బిగ్ షాక్..

ఈ విస్తరణలో డీమార్ట్ ఎంచుకున్న అత్యంత కీలకమైన వ్యాపార శైలి ఏమిటంటే.. అధిక అద్దెలు లేదా కొనుగోలు వ్యయాలతో ప్రత్యేకంగా కొత్త స్టోర్లను నిర్మించకపోవడమే. కంపెనీకి ఉన్న 503 భౌతిక హైపర్‌మార్కెట్‌లలోనే ప్రత్యేక ఫార్మసీ కౌంటర్లను ఏర్పాటు చేయడం ద్వారా అదనపు రియల్ ఎస్టేట్ భారాన్ని తగ్గించుకుంటోంది. ఈ విధమైన 'స్టోర్-ఇన్-స్టోర్ పద్ధతి ద్వారా సాంప్రదాయ మెడికల్ షాపులు, ఆన్‌లైన్ ఫార్మసీలు ఎదుర్కొనే అతిపెద్ద సవాళ్లైన కస్టమర్ అక్విజిషన్ కాస్ట్ (CAC), అద్దెల ఖర్చులను డీమార్ట్ అధిగమిస్తోంది. ప్రతిరోజూ లక్షలాది మంది వినియోగదారులు డీమార్ట్ స్టోర్లకు రావడం వల్ల, ఎలాంటి ఉచిత ప్రకటనలు లేదా ఆఫర్ మార్కెటింగ్ లేకుండానే నిరంతర కస్టమర్ రద్దీ కౌంటర్లకు లభిస్తోంది.

స్టాక్ మార్కెట్‌లో భారీ ర్యాలీ.. సెన్సెక్స్ 888 పాయింట్లు, నిఫ్టీ 264 పాయింట్లు జంప్..

మరోవైపు వ్యాపార లాభదాయకత కోణంలో ఫార్మసీ విభాగం అత్యంత కీలకమైనది. బ్రాండెడ్ జెనెరిక్ ఔషధాలపై స్థూల లాభాల మార్జిన్లు 25 నుండి 30 శాతం వరకు ఉంటాయి, ప్రైవేట్ లేబుల్ ఉత్పత్తుల్లో ఇవి ఇంకా ఎక్కువగా నమోదవుతాయి. సొంత రియల్ ఎస్టేట్ సౌకర్యం, స్థిరమైన నిర్వహణ ఖర్చులు ఉండడం వల్ల డీమార్ట్ వినియోగదారులకు 20 శాతం డిస్కౌంట్ అందించినా, తన యూనిట్-ఎకనామిక్స్ పరంగా సానుకూల లాభాలను సాధించే సామర్థ్యాన్ని కలిగి ఉంది. దీని ప్రభావం స్థానిక మెడికల్ దుకాణాల లాభాలపై గణనీయంగా పడే అవకాశం ఉంది. అదే సమయంలో ఉచిత డెలివరీలు, భారీ డిస్కౌంట్లతో ఇప్పటికే అధిక నగదు నష్టాలను అనుభవిస్తున్న ఈ-ఫార్మసీల ఉనికిపై కూడా ఇది తీవ్ర ఒత్తిడిని తీసుకరానుంది.

ముంబైలో ఆరంభ దశలో వినియోగదారుల నుంచి వచ్చిన స్పందన ప్రోత్సాహకరంగా ఉండటంతో.. డీమార్ట్ ఈ ఫార్మసీ నెట్‌వర్క్‌ను క్రమంగా ఇతర నగరాలకు విస్తరించాలని యోచిస్తోంది. సంక్లిష్టమైన ఇన్వెంటరీ సవాలును డీమార్ట్ ఏ విధంగా సమర్థవంతంగా నిర్వహిస్తుందనే దానిపైనే దీని పూర్తి విజయం ఆధారపడి ఉంది. అయినప్పటికీ, తనకున్న విపరీతమైన కస్టమర్ బేస్, వ్యయ నియంత్రణ నైపుణ్యంతో డీమార్ట్ ఫార్మసీ విభాగాన్ని విస్తరిస్తే, ఇది భారత హెల్త్‌కేర్ రిటైల్ రంగాన్ని మరో ఎత్తుకు తీసుకువెళ్లే అవకాశాలు దండిగా ఉన్నాయి.