బెంగళూరు రియల్ ఎస్టేట్.. ఐదేళ్లలో ఇల్లు కట్టకపోతే ప్లాట్లు వెనక్కి.. కర్ణాటక ప్రభుత్వం సంచలన నిర్ణయం..

నగరంలో పారిశుధ్య లోపాలను నివారించేందుకు ఇకపై ఎలాంటి మినహాయింపులు ఉండవని, చట్టపరమైన చర్యలు తప్పవని డీకే శివకుమార్ స్పష్టం చేశారు. ఐదేళ్ల గడువులోగా ఇల్లు కట్టని పక్షంలో రెట్టింపు ఆస్తి పన్ను విధించడం లేదా ప్లాట్‌ను పూర్తిగా తిరిగి స్వాధీనం చేసుకోవడం వంటి కఠిన చర్యలు ఉంటాయని చెప్పారు. ప్లాట్ యజమానులు స్వయంగా చెత్త వేయకపోయినా, తమ ఆస్తిని కాపాడుకుంటూ పరిశుభ్రంగా ఉంచడం వారి పౌర బాధ్యత అని పునరుద్ఘాటించారు. ఐటీ రాజధాని బెంగళూరును స్వచ్ఛమైన, పరిశుభ్రమైన నగరంగా తీర్చిదిద్దడానికి ప్రభుత్వం కట్టుబడి ఉందని, ఇందుకు ప్రజల సహకారం అత్యంత అవసరమని ఆయన పిలుపునిచ్చారు.

బెంగళూరులో బిగ్గెస్ట్ రెంట్ స్కాం.. అద్దెదారుల సెక్యూరిటీ డిపాజిట్లపై షాకింగ్ విషయాలు వెలుగులోకి..

ఐటీ రాజధాని బెంగళూరు నగరాన్ని చెత్త సమస్య నుండి విముక్తి చేసి, అత్యంత పరిశుభ్రమైన మెట్రోపాలిటన్ నగరంగా తీర్చిదిద్దే లక్ష్యంతో కర్ణాటక ప్రభుత్వం ఒక బృహత్తర పారిశుధ్య ఉద్యమానికి శ్రీకారం చుట్టింది. నగరాన్ని ప్లాస్టిక్, వ్యర్థ రహితంగా మార్చడమే ధ్యేయంగా కర్ణాటక ముఖ్యమంత్రి డీకే శివకుమార్ శనివారం హెబ్బాల్ జంక్షన్ సమీపంలో వ్యర్థాల నుండి స్వేచ్ఛ అనే ప్రత్యేక ప్రచారాన్ని ఘనంగా ప్రారంభించారు.

ఈ సందర్బంగా విలేకరుల సమావేశంలో మాట్లాడిన డీకే శివకుమార్.. నగరంలో రోడ్ల పక్కన, బహిరంగ ప్రదేశాల్లో చెత్తను విసిరేసే సంస్కృతికి స్వస్తి పలకాలని పిలుపునిచ్చారు. నగరంలో పారిశుధ్య నిర్వహణను వేగవంతం చేయడానికి, చెత్త సేకరణ, తరలింపు ప్రక్రియలో విప్లవాత్మక మార్పులు తెచ్చేందుకు ఈ కార్యక్రమం దోహదపడుతుందని పేర్కొన్నారు. ప్రభుత్వం చేపడుతున్న పారిశుధ్య కార్యక్రమాలకు ప్రజలు, వ్యాపారులు, ఆస్తి యజమానులు పూర్తిస్థాయిలో సహకరించాలని ఆయన కోరారు.

బెంగళూరును స్వచ్ఛమైన, ఆరోగ్యకరమైన, గ్రీన్ సిటీగా మార్చడమే వ్యర్థాల నుండి స్వేచ్ఛ అభియాన్ యొక్క మూల ఉద్దేశమని.. ప్రతి ఆస్తి యజమాని తమ పౌర బాధ్యతను నిష్పక్షపాతంగా నిర్వర్తించాలని ముఖ్యమంత్రి పునరుద్ఘాటించారు.