ఉద్యోగులకు యాక్సెంచర్ సర్ప్రైజ్.. సగం జీతం, మరో సగం క్యాష్..కొత్త పే మోడల్ పూర్తి వివరాలివే..

ఈ నూతన నమూనా వెనుక ఉన్న ఉద్దేశాలను Accenture వెల్లడిస్తూ.. గత ఏడాది పరిమిత సంఖ్యలోనే మూల వేతన పెంపులు జరిగాయని, అయితే ఈసారి పెంపును శాశ్వత జీతం, ఏకమొత్తం నగదుగా విభజించడం ద్వారా ఎక్కువ మంది ఉద్యోగులకు మూల వేతన పెంపు పరిధిలోకి తీసుకురావడానికి వీలు కలిగిందని కంపెనీ పిటిఐతో పంచుకున్న మెమో ద్వారా వివరించింది. అంతేకాకుండా ఈ విధానం వల్ల ఉద్యోగుల చేతికి తక్షణమే ఎక్కువ నగదు అందుతుందని కంపెనీ భావిస్తోంది. వేతన చెల్లింపు పద్ధతి మారినప్పటికీ.. అప్రైజల్ నిర్ణయాలు మాత్రం ఉద్యోగుల నైపుణ్యాలు, పనితీరు, ప్రాజెక్టు ప్రభావం, ప్రవర్తన ఆధారంగానే కొనసాగుతాయి.

ఐటీ రంగంలో రక్తపాతం.. యాక్సెంచర్ ఫలితాలతో భయాందోళనలో ఇన్వెస్టర్లు.. మార్కెట్ ఎందుకు అంతలా కుప్పకూలింది..

కాగా ఈ నిర్ణయంపై ఉద్యోగుల నుంచి మిశ్రమ స్పందనలు వస్తున్నాయి. తక్షణ నగదు లభ్యత బాగున్నప్పటికీ.. మూల వేతనం ఆశించిన స్థాయిలో పెరగకపోవడం పట్ల కొందరు అసంతృప్తిగా ఉన్నారు. అంతేకాకుండా, ఈ ఒకేసారి చెల్లించే మొత్తంపై పన్నులు ఏ విధంగా వర్తిస్తాయి. ఈ విధానం కేవలం ఈ ఏడాదికే పరిమితమా లేక భవిష్యత్తులోనూ కొనసాగుతుందా అనే అంశాలపై ఉద్యోగులు స్పష్టత కోరుతున్నారు. గ్లోబల్ ఐటీ రంగంలో వ్యయ నిర్వహణ ప్రాధాన్యంగా మారిన తరుణంలో.. శాశ్వత ఆర్థిక భారాన్ని తగ్గించుకోవడానికి కంపెనీలు ఇటువంటి వినూత్న మార్గాలను ఎంచుకుంటున్నాయని విశ్లేషకులు భావిస్తున్నారు.