Manu Agarwal: కాలేజీ ఫీజు కోసం తల్లి బంగారు గాజులు అమ్మాడు.. ఇప్పుడు మైక్రోసాఫ్ట్ లో ఏడాదికి రూ.1.9 కోట్ల జీతం

జీవితంలో ఏ విజయం సులభంగా రాదు. ఎంతో శ్రమించి, ఎన్నో కష్టాలు అనుభవిస్తేనే గెలుపు నీ సొంతం అవుతుంది. ఇలానే ఓ యువకుడు ఎన్నో కష్టాలు పడ్డాడు. చివరికి విజయం సాధించాడు. కానీ ఆ గెలుపునకు కారణం అతని అమ్మే. దాదాపు ప్రతి వ్యక్తి విజయం వెనక తల్లిదండ్రుల కష్టం ఉంటుంది. వారు ఎంత కష్టపడి పిల్లలను ప్రయోజకులను చేయాలనుకుంటారు. మన గెలిస్తే వారు సంబరపడిపోతారు. అందుకే ప్రతి వ్యక్తి విజయం వెనక తల్లిదండ్రుల త్యాగం ఉంటుంది. తాజాగా బెంగళూరులో మైక్రోసాఫ్ట్ లో సీనియర్ సాఫ్ట్ వేర్ ఇంజినీర్ గా పని చేస్తున్న మను అగర్వాల్ సోషల్ మీడియాలో ఓ పోస్ట్ పెట్టారు. ఈ పోస్ట్ ప్రతి ఒక్కరిని కదిలిస్తోంది.

ఒకప్పుడు తన పరిస్థితి దారుణంగా ఉండేదని చెప్పాడు. కాలేజీ ఫీజు కట్టేందుకు తన వద్ద కనీసం రూ.15000 లేని స్థితి నుంచి ఈ రోజు మైక్రోసాఫ్ట్ లో సంవత్సరానికి రూ.1.90 కోట్ల జీతం తీసుకునే స్థాయికి వచ్చానంటే.. దానికి కారణం తన అమ్మేనని చెప్పాడు. తను బీసీఏ చదివే రోజుల్లో కాలేజీ ఫీజ్ రూ.15000 వేలుకు చెల్లించడానికి తన తల్లిదండ్రులకు ఇబ్బందిగా ఉండేదని గుర్తు చేసుకున్నాడు. అయితే తన చదువు ఆగిపోకూడదని తన తల్లి బంగారు నగలు అమ్మి కాలేజీ ఫీజు కట్టినట్లు చెప్పాడు. ఈ ఘటన తన జీవితంలో ఎప్పటికీ మారిపోలేనని అన్నాడు.