స్వల్ప లాభాలతో ముగిసిన మార్కెట్లు.. ఇన్వెస్టర్లను కలవరపెడుతున్న పశ్చిమాసియా వార్..

నిఫ్టీ 50 సూచీలో మహీంద్రా & మహీంద్రా (M&M), కోల్ ఇండియా, ఐషర్ మోటార్స్ షేర్లు టాప్ గైనర్లుగా నిలిచి ప్రధాన సూచీలను ఆదుకున్నాయి. రంగాల వారీగా చూస్తే.. నిఫ్టీ ఆటో, నిఫ్టీ ఆయిల్ & గ్యాస్, నిఫ్టీ కన్స్యూమర్ డ్యూరబుల్స్ రంగాలు అత్యుత్తమంగా రాణించాయి. మరోవైపు నిఫ్టీ రియల్టీ సూచీ అత్యధికంగా దాదాపు 2 శాతం పడిపోగా.. కెమికల్ రంగానికి చెందిన షేర్లు కూడా అమ్మకాల ఒత్తిడిని ఎదుర్కొన్నాయి.

నష్టాలతో ప్రారంభమైన స్టాక్ మార్కెట్.. పెట్టుబడిదారులను వణికిస్తున్న అమెరికా మార్కెట్..

జియోజిత్ ఇన్వెస్ట్‌మెంట్స్ రీసెర్చ్ హెడ్ వినోద్ నాయర్ ప్రకారం.. యూఎస్ ఫెడరల్ రిజర్వ్ వడ్డీ రేట్లను యథాతథంగా ఉంచినప్పటికీ, ద్రవ్యోల్బణంపై వహించిన కఠిన వైఖరి వల్ల అమెరికా బాండ్ల రాబడులు పెరిగి మళ్లీ రేట్ల పెంపు భయాలు వ్యక్తమయ్యాయి. అంతేకాకుండా పశ్చిమ ఆసియాలో యుద్ద భయాలతో ముడి చమురు ధరలలో వచ్చే వ్యత్యాసాలు ప్రపంచ మార్కెట్లను అప్రమత్తం చేస్తున్నాయి. అయితే, విదేశీ సంస్థాగత పెట్టుబడిదారుల (FII) కొనుగోళ్లు, బలపడుతున్న రూపాయి, బలమైన మొదటి త్రైమాసిక (Q1FY27) ఫలితాలు దేశీయ మార్కెట్లలో పెట్టుబడిదారుల విశ్వాసాన్ని నిలబెట్టాయని ఆయన అన్నారు.

సాంకేతిక విశ్లేషణను వివరించిన రిలిగేర్ బ్రోకింగ్ నిపుణుడు అజిత్ మిశ్రా మాట్లాడుతూ.. నిఫ్టీ ప్రస్తుతం 24,400 వద్ద (200-రోజుల EMA) బలమైన రెసిస్టెన్స్‌ను ఎదుర్కొంటోందని తెలిపారు. మార్కెట్‌కు 24,100-24,000 స్థాయిల వద్ద బలమైన సపోర్ట్ ఉందని, ఈ స్థాయిల పైన నిలదొక్కుకుంటే నిఫ్టీ త్వరలోనే 24,600-24,800 స్థాయిల వైపు కదిలే అవకాశం ఉందని విశ్లేషించారు. ప్రస్తుత తరుణంలో రిస్క్ మేనేజ్‌మెంట్‌ను పాటిస్తూ, బలమైన పునాదులున్న స్టాక్స్‌లో "ధర తగ్గినప్పుడు కొనుగోలు చేయడం శ్రేయస్కరమని ఆయన పెట్టుబడిదారులకు సూచించారు.