Stock Market: మార్కెట్ క్రాష్.. రూ.లక్షల కోట్లు నష్టపోతున్న పెట్టుబడిదారులు..!

ప్రధానంగా ముడి చమురు ధర భారీగా పెరగడంతో మార్కెట్లపై ఒత్తిడి పెరిగింది. బ్రెంట్ క్రూడ్ ఆయిల్ ధర బ్యారెల్‌కు 100 డాలర్ల స్థాయిని దాటింది. భారత్ ప్రపంచంలో మూడో అతిపెద్ద ముడి చమురు దిగుమతిదారుగా ఉంది. ముడి చమురు ధర పెరిగితే ఇండియాపై తీవ్ర ప్రభావం పడుతుంది. ముడి చమురు ధర పెరిగితే పెట్రోల్, డీజిల్ ధరలు పెంచాల్సి వస్తుంది. ఫలితంగా అన్నింటి ధరలు పెరుగుతాయి. ద్రవ్యోల్బణం కూడాపెరుగుతుంది.

అమెరికా అధ్యక్షుడు ట్రంప్ పలు దేశాలపై సుంకాలు విధించడం కూడా మార్కెట్ పై ప్రభావం చూపింది. అమెరికా ప్రభుత్వం గత రెండు వారాల్లో బ్రెజిల్‌పై 25 శాతం, కెనడాపై 50 శాతం, జెనరిక్ మందులపై 200 శాతం వరకు సుంకాలను ప్రకటించింది. గురువారం నాడు ఏకంగా 60 వాణిజ్య భాగస్వామ్య దేశాలపై 10 శాతం నుంచి 12.5% వరకు సుంకాలను విధించింది. అమెరికా సెక్షన్ 301 కింద పలు దేశాలపై 10 శాతం, 12.5 శాతం కొత్త సుంకాలను ప్రకటించగా, భారత్ పై 10 శాతం సుంకం ప్రకటించింది.

ఈ త్రైమాసికంలో కొన్ని కంపెనీల ఫలితాలు ఆశించిన స్థాయిలో రావడం లేదు. ఇది కూడా మార్కెట్ పై ప్రభావం చూపింది. ఇండిగో జూన్ త్రైమాసికానికి రూ. 238 కోట్ల నికర నష్టాన్ని నివేదించడంతో ఇంటర్‌గ్లోబ్ ఏవియేషన్ 2 శాతానికి పైగా పడిపోయింది. ఐటీ దిగ్గజం ఇన్ఫోసిస్ ఫలితాలు కూడా ఆశజనకంగా లేవు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.