Multibagger Stock: రూ.లక్షను రూ.మూడన్నర లక్షలు చేసిన స్టాక్ ఇదే..!

ఒక సంవత్సర కాలంగా స్టాక్ పనితీరును పరిశీలిస్తే సంవత్సర కాలంగా కూడా బాగానే రాణిస్తోంది. ఇది పెట్టుబడిదారులపై డబ్బు వర్షం కురిపించింది. ఎథర్ ఎనర్జీ స్టాక్ వత్సరం క్రితం దాదాపు రూ.332 వద్ద ట్రేడ్ అవుతూ ఉండేది. ఇప్పుడు అది దాదాపు 240% పెరిగింది. ఒకవేళ మీరు ఒక సంవత్సరం క్రితం ఈ స్టాక్‌లో రూ.100,000 పెట్టుబడి పెట్టి ఉంటే, ఆ మొత్తం ఈ రోజు రూ.3.40 లక్షలకు చేరుకునేది. ఎథర్ ఎనర్జీ స్టాక్ పెన్నీ స్టాక్ కాదు. కంపెనీ ఫండమెంటల్స్ కూడా బాగానే ఉన్నట్లు చెబుతున్నారు.

పైగా దేశవ్యాప్తంగా ఇప్పుడు ఎలక్ట్రిక్ వాహనాల వినియోగం పెరిగిపోయింది. ఢిల్లీ సర్కార్ 2028 కేవలం ఎలక్ట్రిక్ వాహనాలకే రిజిస్ట్రేషన్ ఉంటుందని ప్రకటించింది. ఈ నేపథ్యంలో ఎలక్ట్రిక్ వాహనాలకు డిమాండ్ పెరిగింది. అంతేకాకుండా పెరుగుతున్న పెట్రోల్ ధర కారణంగా చాలా మంది ఎలక్ట్రిక్ వాహనాలనే వాడుతున్నారు. మరోపక్క ఓలా సరిగా పని చేయకపోవడంతో ఎథర్ స్కూటీలకు మంచి డిమాండ్ వచ్చింది. ఈ కంపెనీ ఫలితాలు కూడా బాగున్నాయని చెబుతున్నారు. గతేడాది కాలంలో కంపెనీ 262,942 ఎలక్ట్రిక్ టూ-వీలర్లను విక్రయించింది.