Insurance: మీరు ఉద్యోగం చేస్తున్నారా.. అయితే ఉచితంగా రూ.7 లక్షల ఇన్సూరెన్స్..!

ఎంప్లాయిస్ డిపాజిట్ లింక్డ్ ఇన్సూరెన్స్ పథకం కింద సర్వీసులో ఉన్న ఉద్యోగి మరణిస్తే.. అతని నామినీకి కనీస బీమా మొత్తం రూ.2,50,000 నుంచి గరిష్టంగా రూ.7 లక్షల వరకు వస్తుంది. ఒకవేళ ఉద్యోగం చేస్తూ పీఎఫ్ చెల్లిస్తున్న క్రమంలో.. సంవత్సరంలోపే ఉద్యోగి మరణిస్తే నామినీకి కనీసం రూ.50,000 బేస్ ప్రొటెక్షన్ వస్తుంది. ఎంప్లాయిస్ డిపాజిట్ లింక్డ్ ఇన్సూరెన్స్ పథకానికి ఉద్యోగి ఎలాంటి ప్రీమియం చెల్లించాల్సిన అవసరం లేదు. కంపెనీ యజమాని మాత్రమే మీ బేసిక్ జీతం, ప్లస్ డీఏ నుంచి 0.5% అంటే నెలకు గరిష్ఠంగా రూ.75 మించకుండా చెల్లిస్తారు. మీ జీతం స్లిప్‌లో దీనికి సంబంధించిన ఎలాంటి కోతలు కనిపించవు. 200 మంది కంటే ఎక్కువ ఉద్యోగులు పని చేస్తున్న కంపెనీలు ఈపీఎప్ఓ పరిధిలోకి వస్తాయి. వీరందరికి ఈ నిబంధన వర్తిస్తుంది.

ఉద్యోగి మరణించిన తర్వాత నామినీ ఎంప్లాయిస్ డిపాజిట్ లింక్డ్ ఇన్సూరెన్స్ ఫామ్ 5 IF ని పూర్తి చేసి, సదరు కంపెనీ యాజమాన్యం చేత ధృవీకరించుకోవాలి. రీజనల్ పీఎఫ్ ఆఫీస్‌లో దాన్ని సమర్పించాల్సి ఉంటుంది. అన్ని పత్రాలు సక్రమంగా ఉంటే 20 నుంచి 30 రోజుల్లోనే డబ్బులు నామినీ బ్యాంక్ ఖాతాలో జమ చేస్తారు. అయితే చాలా మంది ఉద్యోగులు ఇప్పటికీ నామినీ యాడ్ చేయలేదని తెలుస్తోంది. ఇప్పటికీ నామినీ యాడ్ చేయని వారు ఉంటే వెంటనే చేసుకోవాలని పీఎఫ్ అధికారులు సూచిస్తున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.