English हिन्दी ಕನ್ನಡ മലയാളം தமிழ்

4 కోట్ల మంది తెలుసుకోవాల్సిన పీఎఫ్ మార్పులు

Written By: Chandrasekhar
Subscribe to GoodReturns Telugu

పీఎఫ్ క్లెయింల‌కు సంబంధించి పింఛ‌ను నియంత్ర‌ణ సంస్థ విధానాల‌ను సుల‌భ‌త‌రం చేసేందుకు ప్ర‌య‌త్నం చేస్తోంది. ఆన్‌లైన్ క్లెయింలు లేదా ఆన్‌లైన్ ట్రాన్స్‌ఫ‌ర్ వంటి వాటితో పాటు తీసుకున్న కొత్త నిర్ణ‌యాలు 4 కోట్ల మందిపై ప్రభావం చూప‌నున్నాయి. సాధార‌ణంగా మ‌న బేసిక్ వేత‌నంలో 12% డ‌బ్బును పీఎఫ్ ఖాతాలో జ‌మ చేస్తారు. దీంతో పాటు యాజ‌మాన్యం సైతం స‌మానమైన డ‌బ్బును మ‌న పీఎఫ్ ఖాతాకు కేటాయిస్తుంది. అయితే యాజ‌మాన్యం 3.67% డ‌బ్బును పెన్ష‌న్ ఖాతాకు మ‌ళ్లిస్తారు. వీటి గురించి ఈపీఎఫ్‌వో చేసిన కొన్ని మార్పుల వ‌ల్ల పీఎఫ్ చందాదారులకు ప్ర‌యోజ‌నం క‌లుగుతుంది. అవేంటో తెలుసుకుందాం.

1) ఆధార్ అనుసంధానం

మీరు ప్ర‌యివేటు రంగంలో ఎక్క‌డ ప‌నిచేస్తున్నా ఖాతాకు బ్యాంకు ఖాతా, ఆధార్ అనుసంధానాన్ని పూర్తిచేయండి. ఇప్పుడంతా పీఎఫ్ డ‌బ్బు ఆన్‌లైన్ ట్రాన్స్‌ఫ‌ర్ ద్వారానే బ‌దిలీ అవుతోంది. పీఎఫ్ సొమ్మును ఆన్‌లైన్‌లో చందాదారుకు బ‌ద‌లాయించ‌డం వ‌ల్ల స‌మ‌యం ఆదా అవ‌డంతో సుల‌భంగా ట్రాక్ చేయ‌డానికి వీల‌వుతుంది. దీని వ‌ల్ల 4.5 కోట్ల పీఎఫ్ చందాదారులు, 54 ల‌క్ష‌ల పెన్ష‌న‌ర్లు ల‌బ్ది పొందుతారు.

2) ఈటీఎఫ్‌ల్లో పెట్టుబ‌డులు

పీఎఫ్ చందాదారుల సొమ్ములో మొత్తం 5% సొమ్మును ఈక్విటీ లేదా ఈక్విటీ సంబంధిత ప‌థ‌కాల్లో పెట్టుబడులు పెడుతున్నారు. ప్ర‌స్తుతం 5శాతంగా ఉన్న‌దాన్ని 15శాతం వ‌ర‌కూ అనుమ‌తించేందుకు ఆర్థిక శాఖ నోటిఫికేష‌న్ విడుద‌ల చేసింది. ఆగ‌స్టు, 2015లో ఈపీఎఫ్ఓ 5% సొమ్మును ఇన్వెస్ట్ చేయ‌డం మొద‌లుపెట్టింది. 2015-16 సంవ‌త్స‌రంలో రూ.6577 కోట్ల‌ను, 2016-17లో రూ.14,982 కోట్ల‌ను పెట్టుబ‌డులుగా పెట్టారు. ఈటీఎఫ్ పెట్టుబ‌డుల ద్వారా రూ.234 కోట్ల డివిడెండ్ ఆదాయం వ‌చ్చిందని, అంటే ఇది 13.72% మేర రాబ‌డి(వ‌డ్డీ త‌ర‌హా ఆదాయం) అని కార్మిక శాఖా మంత్రి తెలిపారు.

3) యూఏఎన్

యూఏఎన్ నంబ‌రును యాక్టివేట్ చేసుకుని, ఆధార్ ఈ-కేవైసీ పూర్త‌యిన చందాదారులు పీఎఫ్ ఫైన‌ల్ సెటిల్‌మెంట్‌ను మొత్తం ఆన్‌లైన్ ప్ర‌క్రియ‌లోనే పూర్తిచేయ‌వ‌చ్చు. పీఎఫ్ పాక్షిక విత్‌డ్రాయ‌ల్, పెన్ష‌న్ విత్‌డ్రాయ‌ల్ వంటి వాటిని యూఏఎన్ సాయంతో తొంద‌రగా చేసుకోవ‌చ్చు.

4) నేరుగా బ్యాంకు ఖాతాలోకే

ఆన్‌లైన్ క్లెయిం విధానంలో ఉన్న సౌల‌భ్యం ఏంటంటే మీరు ఉద్యోగం చేసిన సంస్థ లేదా పీఎఫ్ నియంత్ర‌ణ సంస్థ ఫీల్డ్ ఆఫీస‌ర్లను సంప్ర‌దించ‌కుండానే ఫారంను ఆన్‌లైన్‌లో స‌బ్‌మిట్ చేయ‌వ‌చ్చు. మీరు స‌మ‌ర్పించిన ఫారం ఈపీఎఫ్‌వో డేటాబేస్‌లో ఆన్‌లైన్‌లోనే కేంద్ర కార్యాల‌యానికి చేరుతుంది. అక్క‌డ ప్ర‌క్రియ పూర్త‌యిన త‌ర్వాత నేరుగా మీ బ్యాంకు ఖాతాకు డ‌బ్బు వ‌స్తుంది.

5) పాక్షిక విత్‌డ్రాయ‌ల్స్‌

ఇంత‌కు ముందు పాక్షిక విత్‌డ్రాయ‌ల్స్ విష‌యంలో కొన్ని నిబంధ‌న‌లు క‌ఠినంగా ఉండేవి. వాటిని ఈ మ‌ధ్య కాస్త సుల‌భ‌త‌రం చేశారు. పీఎఫ్ కార్యాల‌యానికి వెళ్ల‌డం లేదా యాజ‌మాన్యాల ద్వారా పేప‌ర్ల ద్వారా మాత్ర‌మే పాక్షిక విత్‌డ్రాయ‌ల్స్‌కు తావుండేది. ఆన్‌లైన్ అయిన త‌ర్వాత కొన్ని సులువు అయ్యాయి. ప్ర‌స్తుతం యూఏఎన్ ఖాతా క‌లిగిన వారు ఆధార్ లింక్ చేసి ఉంటే పాక్షిక విత్‌డ్రాయ‌ల్స్‌కు అద‌నంగా ఎటువంటి ఆధారాలు స‌మ‌ర్పించాల్సిన ప‌నిలేదు.

Read more about: pf, epf, epfo
English summary

5 latest developments epfo subscribers must know

As part of government's e-gov initiatives, EPFO subscribers who have activated their UAN and seeded their KYC (Aadhaar) with the retirement fund body will be able to apply online for PF final settlement, PF part withdrawal and pension withdrawal benefit from their UAN interface directly. This will help quicken the claim process. (UAN or Universal Account Number is allotted by the retirement fund body and the number allows portability of provident fund accounts from one employer to another.)
Please Wait while comments are loading...
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC