చ‌మురు,స‌హజ వాయు ప‌రిశ్ర‌మ‌కు జీఎస్టీతో న‌ష్ట‌మే

ఒక ప‌క్క జీఎస్టీ అమ‌లుకు ప్ర‌భుత్వం అన్ని విధాలుగా స‌న్న‌ద్ద‌మ‌వుతుంటే ఒక్కో ప‌రిశ్ర‌మ జీఎస్టీ ప‌న్ను రేటుపై త‌మ విన‌తుల‌ను ప్ర‌భుత్వానికి స‌మ‌ర్పిస్తున్నాయి. ప్ర‌స్తుతం ఉన్న ప‌న్ను విధానంతో చూస్తే జీఎస్టీ కార‌ణంగా చ‌మురు, స‌హ‌జ వాయువు రంగంపై ప్ర‌భావం ప‌డ‌నున్న‌ట్లు తెలుస్తోంది.

జులై 1 నుంచి అమ‌లు త‌ర్వాత 16 వ‌స్తువులపై రేట్ల‌ను తొల‌గిస్తారు. జీఎస్టీ త‌దుప‌రి స‌మావేశం ఈ నెల 18న జ‌ర‌గ‌నుంది. ఆ సంద‌ర్భంగా లాట‌రీ ప‌న్నులు, ఈ-వే బిల్లుల‌పై నిర్ణ‌యం తీసుకుంటార‌ని తెలుస్తోంది. చ‌మురు, స‌హజ వాయు ప‌రిశ్ర‌మ ప‌రంగా చూస్తే ప్ర‌స్తుత ప‌న్ను వ్య‌వ‌స్థ‌ల‌ను అనుస‌రించ‌డంతో పాటు, జీఎస్టీ ప‌న్ను వ్య‌వ‌స్థ కిందకు కూడా వ‌స్తుంది. క్రూడాయిల్‌, స‌హజ వాయువు, మోటార్ స్పిరిట్‌, హై-స్పీడ్ డీజిల్‌, ఏవియేష‌న్ ట‌ర్బైన్ ఇంధనం వంటి వాటిని జీఎస్టీ నుంచి మిన‌హాయించిన కార‌ణంగానే ఈ ప్ర‌భావం ఉండ‌నుంద‌ని అంచ‌నా వేస్తున్నారు.