ఉబర్ చెల్లింపుల కోసం ఇకపై జియో మనీ సైతం
ముకేశ్ అంబానీకి చెందిన రిలయన్స్ జియోతో ఆన్లైన్ క్యాబ్ నిర్వహణ కంపెనీ ఉబర్ జతకట్టింది. దీని ద్వారా రిలయన్స్ పేమెంట్స్ సొల్యూషన్స్ లిమిటెడ్కు చెందిన ప్రీపెయిడ్ చెల్లింపుల వ్యాలెట్.. జియోమనీని ఇకపై
ముకేశ్ అంబానీకి చెందిన రిలయన్స్ జియోతో ఆన్లైన్ క్యాబ్ నిర్వహణ కంపెనీ ఉబర్ జతకట్టింది. దీని ద్వారా రిలయన్స్ పేమెంట్స్ సొల్యూషన్స్ లిమిటెడ్కు చెందిన ప్రీపెయిడ్ చెల్లింపుల వ్యాలెట్.. జియోమనీని ఇకపై ఉబెర్ రైడ్ చెల్లింపుల కోసం వాడుకోవచ్చు. ఇకమీదట ఉబెర్ యాప్లో పేమెంట్స్ ఆప్షన్ దగ్గర జియోమనీ వాలెట్ కూడా చూపిస్తుంది.
ఫిబ్రవరి 20 నుంచే జియోమనీ పేమెంట్ ఆప్షన్ను తీసుకొచ్చిన ఉబెర్ దేశవ్యాప్తంగా ఉన్న కస్టమర్లకు ఈ సేవను విస్తరిస్తోంది. 'జియో ఎకోసిస్టమ్లో జియోమనీ కూడా భాగం. చాలా సులభంగా డిజిటల్ లావాదేవీలు జరిపేందుకు జియోమనీ అనుకూలంగా ఉంటుంది. జియోమనీతో డిజిటల్ ప్లాట్ఫాంపై ఉబెర్ లావాదేవీలు పెరుగుతాయి' అని జియోమనీ బిజినెస్ హెడ్ అనిర్బన్ ఎస్. ముఖర్జీ అన్నారు. 'భారత వినియోగదార్లకు వేగవంతమైన డిజిటల్ సొల్యూషన్స్ను అందించడానికే మేము ఈ వ్యూహాత్మక భాగస్వామ్యం ఏర్పరుచుకున్నాం' అని ఉబెర్ చీఫ్ బిజినెస్ ఆఫీసర్ మధు కన్నన్ చెప్పారు.
కాగా, జియోమనీ వాలెట్పై ఉబెర్ క్యాష్ బ్యాక్ ఆఫర్లను కూడా అందిస్తోంది. ప్రాంతాలను బట్టి జియో మనీతో పేమెంట్ చేసిన వారికి రూ. 500 వరకు క్యాష్ బ్యాక్ ఆఫర్లను ప్రకటించింది.